عيادة الدكتور محمد مجاهد لتقويم وتجميل الأسنان

19/10/2025

17/10/2025

St.st crown ✨
أو بلغة أخرى
الطربوش الستانلس ستيل 🧑‍🔬🦷

هو من أجمل الحلول فى طب أسنان الأطفال👌 علشان نحافظ على الأسنان اللبنية لحد معاد تغييرها 🥰..ضرورى تركيبه بعد حشوات العصب فى الأطفال 👀وممكن كمان يكون بديل الحشو العادى فى بعض الحالات ✌️

22/09/2025

كتير من الأمهات بتقلق لما بتشوف المنظر دة فى فم طفلها 💁
لكن عاوزين نطمنك أن الشكل دة مش مقلق واللا حاجة..دة غالبا بيحصل عند سن ٦ سنين وهو سن بداية التغيير للأسنان الدائمة ✌️👌
فى بعض الأطفال بتبدأ الأسنان الدايمة تظهر كدة ورا الأسنان اللبنية من غير الأسنان اللبنية ماتقع
الحل ساعتها زيارة الطبيب علشان نخلع الأسنان اللبنية وندى
فرصة للاسنان الدايمة تاخد مكانها ووضعها الطبيعى بدون زيادة أو 🧑‍🔬🌹😃نقصان

وبس كدة ❤️

18/09/2025

بنفكركم بخدمات العيادة 🙋😃
عيادتنا زى مجلة ميكى من سن ٥ ل ٧٥ 😌💁....بناخد بالنا من أسنان كل العيلة ..من أول أصغر طفل فيها 👶 لحد الجد والجدة🧓

مستنيينكم تنورونا علشان تطمنوا على أسنانكم وأسنان اطفالكم 🧑‍🔬🦷✨🌹

06/09/2025

01/08/2025

البوست الثالث والأخير للتوعية بأنواع معجون الاسنان 😃
المعجون الخاص بالأطفال 👥 ..ودة معجون بيكون فيه بعض الأطعمة المختلفة عن معجون الكبار علشان يكون متقبل أكثر عند الاطفال👶 وكمان بتكون فيه نسبة فلورايد اقل عشان يكون أكثر أمانا فى حالة البلع☺️
ودة مناسب للاطفال من سن 3 سنوات تقريبا لكن من سن 6
سنوات ممكن نبدأ فى استخدام معجون الكبار عادى

👄🧖أو النفس المنتعش ....Fresh breath معجون
ودة معجون بيكون فيه مواد مخصصة أنها تعطى رائحة فم افضل للمرضى اللى بيشتكوا من رائحة الفم الكريهة وطبعا بيكون ليها اسباب كتير ممكن نقولها فى بوست بعد كدة 😊
💯 Complete care اخر حاجة ...معجون
ودة المفروض أنه المعجون الشامل لكل الحاجات اللى قولناها قبل كدة زى الفلورايد والنفس المنعش 😇 وكمان فيه مواد مبيضة ومناسب للاستخدام اليومى

وبكدة نكون خلصنا سلسلة البوستات اللى بنتكلم فيها عن معجون الاسنان لكن لسة مخلصتش بوستاتنا عن العناية بالفم والأسنان وحاجات تانية كتييير ...تابعونا 🤗🥰

15/07/2025

يلا نكمل باقى انواع معجون الاسنان 🙋😁😌
اتفقنا المرة اللى فاتت أن كل معجون وليه استخدامه 😊...علشان كدة يلا بينا نتعرف على باقى انواع المعجون المتوفرة فى السوق

معجون التبييض 😁...ودة طبعا مينفعش تماما للاستخدام اليومى لان كثرة استخدامه بتسبب تاكل فى طبقة المينا وحساسية فى الاسنان وكمان نتيجته هتكون عكسية🥲🥴...علشان كدة استخدامه بيكون مرة واحدة فى الأسبوع على الأكثر💁😎...والافضل أن احنا نستشير الطبيب قبل استخدامه لان ممكن جلسة تنظيف جيروتلميع ...أو جلسة تبييض تدينا النتائج اللى احنا محتاجينها 😊

معجون اللثة الحساسة😩 ...ودة بيوصفه الطبيب للناس اللى بتعانى من التهابات ونزيف مستمر فى اللثة أو بعد جلسات تنضيف الجير أو غيرها...بنستخدمه فترة مؤقتة ونرجع لمعجون الفلورايد الاستخدام اليومى 🥰

وكدة يكون باقى ٣ أنواع هنقولهم المرة الجاية 🌝..استنونا 🧑‍🔬✨🤩

11/07/2025

05/07/2025

المعجون الذى ينصح به ٩٩% من أطباء الأسنان 💁

الجملة اللى بتتقال فى كل اعلانات معاجين الاسنان 🤷🧑‍⚕️...لكن ياترى فين الحقيقة وايه فعلا احسن معجون اسنان اقدر استخدمه ؟!

علشان اقدر اختار معجون الاسنان الصح لازم اعرف انواعها كويس 🧑‍🔬

اولا ..معجون الفلورايد ..ودة المعجون المناسب للاستخدام اليومى لان فيه مادة الفلورايد المكافحة للتسوس 👍 واللى بتساعد فى حماية الأسنان لفترة أطول ✨...بنختار المعجون اللى فيه مادة الصوديوم فلوريد بتركيز ١٤٥٠ أو اكتر للكبار 🌹
ودة موجود في معظم معاجين الاسنان فى السوق زى signal /close up وغيرها

ثانيا ..معجون الاسنان الحساسة 😩 ..للناس اللى بيكون عندها حساسية والم مع المشروبات الساقعة أو السخنة🥲 ...وأشهر انواع معجون الأسنان الحساسة
Sensodyne rapid action / parodontax
من شركة سنسوداين أو بعض أنواع طبية تانية بيوصفها طبيب الأسنان 🧑‍🔬

استنونا فى بوستات جاية للتعرف على بقية أنواع المعجون وعشان نبنى روتين صح للعناية بأسنانا 💪🤩

27/06/2025

جلسة بسيطة مدتها حوالى نصف ساعة قادرة أنها تعمل تغيير فى اسنانك ١٨٠ درجة 💁...مش بس الشكل لكن كمان تنظيف الجير مهم علشان نتجنب مشاكل اللثة والعظم وفقد الأسنان بدرى 🤷👍

مستنيينكم تنورونا فى
عيادة د.محمد مجاهد ....أمام مدرسة أم الابطال

جلسة تنظيف جير 🥰🌹

25/06/2025

١٤٤٧ هجرية
اعاده الله عليكم بالخير واليمن والبركات 😊❤️🌹