
26/09/2025
Net soos mense met obesiteit, word Diabete dikwels afbrekend en krities in die gesondheidsisteem hanteer, wat maak dat hulle eerder wegskram van die gesondheidsisteem af as om hulp te kry.
Diabetes mellitus is ’n chroniese siektetoestand waar die liggaam nie genoeg insulien maak nie, of nie doeltreffend op insulien reageer nie. Insulien is die hormoon wat jou bloedsuikervlakke binne veilige perke hou. Wanneer insulien nie sy werk doen nie, bly glukose in die bloed en kan dit oor tyd organe soos die oë, niere, senuwees en hart beskadig.
Daar is twee hoofvorme:
• Tipe 1-diabetes: die liggaam produseer byna geen insulien nie; behandeling bestaan uit daaglikse insulieninspuitings of ’n insulienpomp.
• Tipe 2-diabetes: die algemeenste vorm, waar die liggaam insulien het, maar insulienweerstandig is.
Moderne behandeling gaan veel verder as net “suiker sny”:
• Leefstyl: gebalanseerde dieet, gereelde oefening, stresbestuur en genoeg slaap.
• Medikasie: Nuwe klasse middels soos GLP-1-reseptoragoniste (bv. semaglutied) en SGLT2-inhibeerders (bv. dapagliflozien) help nie net om bloedsuiker te beheer nie, maar beskerm ook die hart en niere.
• Voorkoming van komplikasies: Gereelde oogondersoeke, bloeddruk- en cholesterolbeheer is deel van ’n volledige behandelingsplan.
Diabetes is ’n lewenslange toestand, maar met moderne medisyne en ’n holistiese benadering kan mense ’n vol, gesonde lewe lei. Daar is dramatiese ontwikkeling in die behandelingswêreld van diabetes – dis die moeite werd om betrokke te wees by ‘n goeie en opbouende behandelingspan vir jou diabetes.
Maak vandag ’n afspraak!
Bespreek aanlyn: https://buff.ly/imBSpEW
Bel: 058 008 5167 (08:00 - 16:00)
Whatsapp: 064 907 5342
E-pos: reception@huisarts.co.za
Besoek ons by De Leeuwstraat 31, Bethlehem