Herfsvreugde Tehuis

Herfsvreugde Tehuis Herfsvreugde Ouetehuis in Bonnievale bied 'n veilige, sorgsame en ondersteunende omgewing vir bejaarde inwoners.

Ons eer hul bydraes deur kwaliteit sorg, gemak en gemeenkap deur ons toegewyde personeel te bied. Ons eer hul bydraes deur kwaliteit sorg, gemak en geselskap vanaf ons toegewyde personeel.

🇿🇦 Versoeningsdag | Familie Dag by Herfsvreugde Tehuis 🇿🇦Vandag, 16 Desember – Versoeningsdag, kom ons by Herfsvreugde T...
16/12/2025

🇿🇦 Versoeningsdag | Familie Dag by Herfsvreugde Tehuis 🇿🇦

Vandag, 16 Desember – Versoeningsdag, kom ons by Herfsvreugde Tehuis saam as familie om dankbaar te wees vir ons erfenis, geloof en vir mekaar.

Ons sien uit na ’n besonderse Familie Dag, gevul met saamwees, geselligheid, herinneringe en nuwe oomblikke wat vandag geskep sal word. ❤️

Hou asseblief ons blad dop – ons sal deur die loop van die oggend en dag verdere foto’s en oomblikke deel, sodat julle saam met ons hierdie spesiale dag kan beleef.

Baie dankie aan Excelsior Wine Estate en SPAR Bonnievale vir die leen van julle sambrele vir die oggend!

Herfsvreugde Tehuis wil graag ons innige dank uitspreek aan Lize Mari Neethling en haar wonderlike span by Outdoor Arena...
12/12/2025

Herfsvreugde Tehuis wil graag ons innige dank uitspreek aan Lize Mari Neethling en haar wonderlike span by Outdoor Arena Restaurant vir die aanbieding van ons personeel-jaareindfunksie — nie net een keer nie, maar twee keer!

Om na ons geliefde bejaardes om te sien is ’n 24 uur/7 dae week -verantwoordelikheid, en omdat baie van ons personeel skofte werk, het Outdoor Arena Restaurant dit moeiteloos laat lyk om twee aparte funksies aan te bied sodat al ons versorgers dit kon bywoon. Ons waardeer julle bereidwilligheid, vriendelikheid en gasvryheid opreg. Baie dankie!

’n Groot dankie ook aan ons ongelooflike personeel, wat deur die jaar nooit weifel in hul toewyding aan die sorg van ons bejaardes nie. Herfsvreugde Tehuis sou nie kon funksioneer sonder julle harde werk en opregte omgee nie. Ons waardeer julle liefde, deernis en passie vir die wonderlike werk wat julle doen.

Julle is die hart van Herfsvreugde.

Belangrike Aankondiging vir die Bonnievale-gemeenskapDit is vir ons ’n groot eer om bekend te maak dat Elmarie Le Roux v...
12/12/2025

Belangrike Aankondiging vir die Bonnievale-gemeenskap

Dit is vir ons ’n groot eer om bekend te maak dat Elmarie Le Roux van Mooivallei Dienssentrum, ná 25 jaar se toegewyde diens aan die bejaarde gemeenskap van Bonnievale, vandag – 12 Desember 2025 – haar welverdiende aftrede begin.

Met haar aftrede word die eiendom van Huis Danie le Roux en Mooivallei Dienssentrum oorgedra aan Herfsvreugde Trust, wat voortaan die bestuur en oorsig aan Herfsvreugde Tehuis sal uitkontrakteer.

Ons wil Elmarie van harte bedank vir haar jare lange passie, omgee en dienswerk. Ons wens haar ’n voorspoedige en geseënde aftrede toe — mag hierdie nuwe seisoen vir haar gevul wees met rus, vreugde en oorvloedige seën. Ons sien ook uit daarna om haar steeds by ons gemeenskapsprojekte te verwelkom… dalk selfs vir ’n speletjiesdag of twee! 🌷

Ons is opgewonde oor hierdie nuwe geleentheid en beloof, saam met Herfsvreugde Trust, om die inwoners van Huis Danie le Roux en die gemeenskap steeds met dieselfde omgee, liefde en toewyding te ondersteun soos deur die jare heen gedoen is.

Vir enige navrae rakende die Mooivallei Dienssentrum of gebruik van die saal, kan die gemeenskap voortaan Herfsvreugde Tehuis kontak.

WhatsApp: 072 746 8972
Kantoor: 023 616 2170
Epos: ontvangs@herfsvreugde.co.za

Nog ’n heerlike bederf gister, hierdie keer van Elmarie Le Roux by Mooivallei Dienssentrum. Varsgebakte melkterte vir al...
11/12/2025

Nog ’n heerlike bederf gister, hierdie keer van Elmarie Le Roux by Mooivallei Dienssentrum. Varsgebakte melkterte vir al ons inwoners om saam met hul middagtee te geniet!

So spesiaal, veral omdat die resep gebruik is van ons eie geliefde inwoner, Tannie Jean Joubert. Sy het dit vreeslik geniet om weer ’n stukkie van haar bekende melktert te proe.

Baie dankie Elmarie Le Roux, vir die liefde en moeite. 💛🥧

🎅🎄KERSETE BY HERFSVREUGDE🎅🎄Gister het ons ons inwoners bederf met ’n heerlike Kersete. Die dag was gevul met vrolike Ker...
11/12/2025

🎅🎄KERSETE BY HERFSVREUGDE🎅🎄

Gister het ons ons inwoners bederf met ’n heerlike Kersete. Die dag was gevul met vrolike Kersmusiek, saamwees en ’n wonderlike gees van dankbaarheid en geselligheid.

Seeff Bonnievale het ook saam met ons kom eet, en elke inwoner het ’n GROOT geskenksakkie ontvang as deel van hul jaarlikse 'Shoe Box-projek'. ’n Hartlike dankie aan Seeff Bonnievale en ons fantastiese Bonnievale-gemeenskap vir julle bydrae om hierdie dag besonders te maak vir ons inwoners.

Dit was werklik ’n dag gevul met liefde, sorg en kosbare herinneringe.

’n Hartlike dankie aan Inus Van Staden & die Vryburgers BonnievaleOns is Sondag, 7 Desember 2025, op ’n besondere wyse b...
10/12/2025

’n Hartlike dankie aan Inus Van Staden & die Vryburgers Bonnievale

Ons is Sondag, 7 Desember 2025, op ’n besondere wyse bederf. Inus van Staden en die Vryburgers Bonnievale het die inwoners en personeel van Herfsvreugde Tehuis vereer met ’n heerlike skaapbraai vir middagete — ’n gebaar wat diep waardeer word.

Sondag was ook die amptelike oorhandiging van die nuwe 'hotboxes' wat hulle ruimhartig aan Herfsvreugde se kombuis geskenk het. Hierdie bydrae gaan ons daaglikse dienslewering versterk en verseker dat ons inwoners se etes warm, vars en met liefde bedien word.

Ons sê opreg dankie vir jul oop harte en bereidwillige hande. Julle het jul leuse, “omgeemense”, op die mooiste manier in praktyk uitgeleef. Die warmte, liefde en gemeenskapsgees wat julle saamgebring het, het ’n merkbare verskil gemaak.

’n Besonderse woord van dank aan Werner Teubes van Langeberg Livestock vir die ruim borg van die skaapvleis. Julle ondersteuning maak hierdie bederfdae moontlik.

Mag julle ryklik geseën wees vir die vreugde wat julle by ons gebring het.

Herfsvreugde Tehuis waardeer julle opreg.




🎄Kersfees het vroeg gekom vir die inwoners van Herfsvreugde Tehuis.🎄Na maande se uitdagings om die Sondag-eredienste son...
09/12/2025

🎄Kersfees het vroeg gekom vir die inwoners van Herfsvreugde Tehuis.🎄

Na maande se uitdagings om die Sondag-eredienste sonder onderbreking in die sitkamer te stroom, is ons inwoners verlede week op ’n besondere manier geseën. Onder leiding van Ds. Jakkie du Preez het die NG Kerk Van der Merwe Gemeente ’n splinternuwe slim-TV aan die Tehuis geskenk.

Hierdie geskenk beteken dat ons inwoners wat nie meer self die kerk kan bywoon nie, steeds elke Sondag saam kan aanbid – in die warmte van ons sitkamer, en in die gemeenskap van mekaar.

Ons opregte dank aan die NG Kerk Van der Merwe Gemeente, Bonnievale, vir hierdie mooi gebaar van liefde en omgee.



op YouTube

’n GROOT Dankie aan al ons Gholfdag-ondersteuners!Wat ’n wonderlike dag het ons op 29 November 2025 by die Bonnievale Gh...
02/12/2025

’n GROOT Dankie aan al ons Gholfdag-ondersteuners!

Wat ’n wonderlike dag het ons op 29 November 2025 by die Bonnievale Gholfklub beleef! Alhoewel ons in die reën weggespring het, het ons spelers ’n heerlike dag van sport, gees en samehorigheid geniet — en dit alles het geëindig in pragtige sonskyn.

Ons GROOT dank aan elke borg en speler vir julle ruimhartige bydraes en entoesiasme. Julle ondersteuning dra direk by tot die goeie werk wat by Herfsvreugde Tehuis gedoen word.

Vanjaar het ons ook twee spesiale items opgeveil:
* ’n Vierbal by Silwerstrand Gholf Klub in Robertson as deel van ons Silent Auction.
* ’n Ete vir vier by Christina’s restaurant op die Van Loveren Wynlandgoed.

’n Spesiale woord van dank aan die dames van die Herfsvreugde Fondsekomitee vir hulle toegewyde reëlings, asook aan die bestuur van die Bonnievale Gholfklub vir ’n pragtig voorbereide baan en hartlike gasvryheid.

Ons waardeer elkeen se betrokkenheid — en sien met groot verwagting uit na ons 2026-byeenkoms!

Dankie dat julle saam die verskil maak. 🙏⛳

🎄 Kersfeesvreugde by Herfsvreugde Tehuis 🎄Vandag het twee van ons seniors, James Howard en Korkie von Wieligh, die rol v...
28/11/2025

🎄 Kersfeesvreugde by Herfsvreugde Tehuis 🎄

Vandag het twee van ons seniors, James Howard en Korkie von Wieligh, die rol vertolk van die Senior Elwe. Hulle het die sitkamer gevul met lig en vreugde toe hulle 'n Kersboom met soveel sorg en detail versier het.

’n Groot dankie aan julle beide vir die pragtige boom en vir die warmte wat julle hiermee in ons Tehuis inbring. 🌟

Mag hierdie seisoen van vrede en hoop ons almal nader aan mekaar bring.

26/11/2025

At GERATEC, together with The Eden Alternative South Africa, we believe that older persons flourish when we honour their stories, celebrate their dignity, and nurture their well-being. Today at Geluksoord Retirement Home in Stellenbosch, it was a true privilege to spend time with and learn from Jessica Luh Kim.

Jessica’s warmth, wisdom and commitment reminded us why connection, respect, and heart-centred care are so fundamental in creating communities where older persons can thrive. Thank you, Jessica — and thank you to everyone at Geluksoord, for welcoming us and sharing in this time of learning, reflection and hope.

Let’s keep working together to make every care space a place of belonging, purpose and joy.

Address

29 Van Zyl Street
Bonnievale
6730

Website

Alerts

Be the first to know and let us send you an email when Herfsvreugde Tehuis posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category