Hillary-Joan Funeral Services

02/03/2026

Behartig julle Gedenkdienste/Rou-dienste?

Vir n Lang tyd na COVID het ons dit gedoen maar stelselmatig begin wegdoen van die praktyk...

En die begin van hierdie jaar 'n doelbewuste besluit gemaak om afstand te doen van dit.
..die doodeenvoudige rede vir ons besluit is dat hierdie aand aan families behoort. Vir ons is Gedenkdienste ''n "Sacred space"...dit is die spasie Vir die familie om vrylik asem te haal, om te reflekteer, om te huil, om te waardeer sonder die volg van 'n program opgestel deur die onderneming...dit is 'n spesiale spasie wat deur liefde gelei moet word🌻

As ondernemers dra ons met liefde die gewig van logistiek, waardigheid en die fyn detail soos versoek word deur families vir die dag van die begrafnis.

Ons wil die formaliteite hanteer sodat alles op die dag van die begrafnis met eer en orde kan geskied.
Maar die gedenkdiens? .... dit as ’n harts-ruimte - 'n spasie gereserveer Vir familie❣️

Ons tree doelbewus vyf, selfs tien treë weg🌻

Die afgelope tyd was ons harte verwarm wanneer ons van 'n afstand ingekyk het tydens ons families SE rou-dienste - die blomme wat met sorg deur die familie gekies was, 'n kers wat aangesteek was of die ietsie spesiaal wat neergesit of geskryf of gedoen was deur kleinkind/ers- dit is die harts-dinge wat ons nie as ondernemers wil orkestreer nie...hierdie geleentheid word 'n spasie waarin liefde sigbaar word, 'n spasie waar jou hartklop ten toongestel word🌻

Op die dag van die begrafnis, sal ons daar wees❣️- voorbereid met die volle verantwoordelikheid om u geliefde met waardigheid te eer - maar die roudiens behoort in die hande van geliefdes wat eerstehands liefgehad het.

Liefde en Lig❣️

23/02/2026

23/02/2026

What's on your mind??? ....Middel-kind is op my mind, Facebook😊

Aan die "alias" op ons page wat my remind van sy birthday-post 😊...my eie roof-kyk-kind😊my fun-filled Middel-kind...my kind wat leef Vir Instagram en Tiktok...happy happy birthday my Cyril-kind
..ek sien jou❣️

Ek sien hoe jy jou pad deur die tiener-golwe navigate...ek is trots op jou...dankie dat jy jaar na jaar vra na die storie van jou geboorte - deur ons tweetjies se hier-wees besef ek die kosbaarheid van lewe❣️

Dankie dat jy ons lewe inkleur in die helderste kleure...en jou pa naby sy bloeddruk-pille hou😊

ndiyakuthanda, uyolo lwakho lokuzalwa Middelkind❣️

23/02/2026

In die stilte van die oggend besef ek die kom-vandaan van my versnellende speedometer van Saterdag-oggend🌻

Saterdag het soos 'n berg voor my uitgestrek gelê, ons moes 'n pa en 'n eggenoot in 'n kis by hul huis instoot...hierdie realiteit het erens op 'n emosionele draad van my mens-wees 'n tuiste gevind net voor die aanvang van ons 'werksdag'🌻

Die prentjie in my kop van 'n jong pa wat in die bres probeer tree Vir sy seun - en die prys met sy lewe betaal het, het lewe in my gedagtegang geblaas.

Anne se fyn lyfie het gestalte in my gedagtes opgeneem... hierdie man in die kis SE lewe was kosbaar Vir Anne en sy kinders.

Ons het Anne en haar vriende ontmoet, toe hulleself nog opgevang was deur die skokkende realiteit van Shawn se dood.

Met my agteropeenvolgende ontmoetings met Anne- besef ek die trauma waarin sy verkeer.

Die wreedheid van Shawn se sterfte lê in elke hoekie van haar oë wat stip staar en by tye tydens gesprekke net verstil.

Shawn het nog een van die wrede statistieke geraak binne Cloetesville en hierdie ma voor ons is bekommerd oor haar kinders SE psigologiese welstand - hoe sien haar kinders se toekoms daarna uit nadat hulle hul lewelose pa langs die pad sien lê het?

Anne is 'n omgee-mens met 'n sagte hart en 'n stewige ruggraat- dit was ons heel eerste opvatting van haar. Anne plaas almal SE seer bo haar eie - onbaatsugtig, sonder om enige iets terug te verwag❣️

Terwyl die kis al dieper die graf insak, staar sy in die verte terwyl sy haar eie emosies onderdruk om skuiling te bied aan haar jongste seuntjie onder haar arms.

Hoe lank gaan Cloetesville se strate nog bevlek wees met bloed? Hoe lank gaan ons hierdie sterftes nog normaliseer? Hoe lank moet ons, ons families voor die ingang van n forensiese eenheid ontmoet - want dit is geensins normaal, nie eens vir ons wat hier wil wees vir families in rou nie?

Ons kan nie meer wegkyk en die wreedheid van hierdie sterftes aanvaar as deel van ons dag tot dag nie.

Elke naam is 'n storie en elke storie maak deel uit van ’n gesin -'n gesin wat lief gehad het, wat omgegee het... elke gesin verdien beter as om voor ’n oop graf afskeid te neem van 'n sterfte so wreed.

Liefde en Lig❣️

22/02/2026

"I am my brother's keeper"....dit was een van my pa SE gunsteling aanhalings. As kind het ek nie veel verstaan wat hy daardie tyd Vir my wou tuis bring nie.

My ma op haar b***t het altyd probeer verduidelik dat jou pa sy broers en sy susters SE reddingstou wil wees sou hulle hom nodig mag hê...en soos julle pa, wil ek hê, julle moet mekaar SE reddingstoue wees...as kind het dit te veel brainpower geverg om te verstaan - tog verstaan ek vandag soveel meer van hul lewenslesse❣️

Maar die naweek was my drade heeltemal gecrosswire...'n ongemaklike posisie om in te wees; selfs vir myself.

Marcellous gaan maar in 'n stilte as die drade so crosswire, hy los my koffie op die counter en beweeg saggies om en ver verby my😊

Riaan, kom vroeg-oggend by ons AAN - sommer in die middel van die crosswiring...toe gaan dit gerook met my...non stop🫣 ....hy is my broer so anders as Marcellous en die kinders is hy tussen my versnellende speedometer ....Hy bang mos nie vir my😊
...maar ek wil mos nie verslap nie😊 - ek is op die oorlogspad - met niemand, behalwe met myself ....en oor wat, weet ek ook nog minder...maar hier is ek..heeltemal gecrosswire...verkeerde kant van die bed uitgeklim💣

Met die deurmekaar gemoed is ek pad toe - Riaan bel, hy maak nie nog 'n lang storie nie...hy het geweet ek kan nie terugpraat nie, want ek is tien teen een tussen mense - hy spreek sy ongelukkigheid uit " wat is jou purpose hier op aarde? Jy beter 'n vinnige kopskuif maak want jy is besig om die duiwel vatkans te gee en...(lang stilte) jy mag nooit ooit weer so uit die huis uit gaan nie"...

Ons gaan almal deur ons episodes- ek was bly vir gister SE episode - want uit ons episodes leer ons...dit bou ons, ons stof die lelik AF en bou weer van vooraf.

Hy koop vir ons slap chips en gemmerbier...ons gesels langs 'n tafel met die mooiste tafeldoek, een wat my skoonma vir ons paar weke gelede gestuur het...ons lag...ons leer van mekaar en hou mekaar verantwoordbaar😊

Marcellous en die kinders haal weer asem...vrylik😊
...ek het 'n "keeper"🌻...ons almal nodig een😊

Liefde en Lig❣️

19/02/2026

Twee weke gelede het iemand my ge-whattsapp om 'n stap vir stap uiteensetting neer te pen, wat sy teen haar yskas kan plak en ook om vir ander te gee want so baie is glo oningelig, sou sterfte plaasvind🌻

Ek sal my bes probeer om stap vir stap te verduidelik aan die hand van my eie ervaring en my kennis na my ma se sterfte...ek en Marcellous het met ons tracksuits en instekers na die hospitaal gejaag want vir geen oomblik het ons ged**k aan ondernemings-dienste nie...ons moes terug ry huistoe, aantrek, 'n kopskuif maak en die rol van ondernemers inneem en die proses wat daarna gevolg het was nogal oorweldigend vir beide van ons❣️...so ek besef dat die emosies die oorhand kry met die meedeling van sterfte.

Verlede week het ons 'n familie 'weggewys' want hul emosies was té oorweldigend - so 'n belangrike besluit kan nie met oorweldigende emosies geneem word nie (volgens my🙏) - ek is dankbaar dat hul die volgende dag terug gekom het na 'n nag se slaap🙏 ...ek besef dat tyd nie altyd ten gunste is nie- veral met hospitaal sterftes.

Ek deel die stappe volgens my eie kennis- (my kollegas wat my so lekker te reg wys op my spelfoute en sin-konstruksie kan aanvul op my leemtes😊)

a. Die proses is tweeledig: Huis-sterfte🌻die polisie en die ambulans dienste word gekontak om die sterfte te bevestig. Beide, sal aan die familie 'n verslag oorhandig wat dan aan die verkose ondernemer gegee moet word.

b. Hospitaal-sterfte: Die mediese span hanteer al die dokumentasie en die ondernemer ontvang dit na voltooiing.

2. Kontak die familie - ek d**k nie daar is 'n regte manier of selfs n verkeerde manier om so 'n tyding oor te dra nie. SAAM kan die familie besluit oor die kies van 'n ondernemer....maak alle betrokke partye deel van die seleksie van 'n ondernemer.

Besluit op die behoeftes van die familie in geheel- dit vergemaklik die proses wanneer daar ooreenkomstig besluit word oor 'n ondernemer...Vir die familie en so ook vir ons ❣️

3. Kies 'n ondernemer wat die familie deur die onbekende proses kan lei - een wat handpas is vir u familie.

Vertroue is (volgens my), die heel belangrikste komponent met u seleksie. Besluit of u met gemak u geliefdes in die sorg van u verkose ondernemer se hande kan plaas.

Ons rol as ondernemer is:
🌻 om u geliefde met deernis te versorg
🌻 registrasie van sterfte
🌻 Reëlings ten opsigte van 'n teraardbestelling of Verassing

4. Die beplannings-fase:
🌻hier gesels ons oor 'n verkose datum en tyd (meeste begrafplase doen self indelings oor beskikbare tydgleuwe waaroor ondernemers nie beheer het nie).

🌻 Besluit oor die tipe afskeids-geleentheid, hetsy godsdienstig, privaat- of 'n viering van lewe

🌻Kis seleksie

🌻Besluit op blomme, program, musiek

Die proses is oorweldigend - Selfs tydens hierdie stap is daar nie 'n reg- of verkeerde manier van afskeid neem nie...daar is net 'n gepaste 'julle' manier❤️

Ek deel sommer 'n baie ou maar kosbare video van die Williams-broers met u.

Jare het Al verloop na hul.pa SE begrafnis en ons is nog steeds met mekaar in kontak - dit is wat ons werk ons bied...om in verhouding met mekaar te groei, lank nadat die begrafnis klaar is🙏

Ek hoop die video verfris u gemoed🌻

Liefde en Lig❣️

11/02/2026

Gister teen skemer, roep David "Siebriets!!" terwyl hy voor die hek staan.

Na 'n ruk kom Marcellous in die huis en sê "David soek soos altyd vir jou en nie vir my😊"

Nou skel ek soos ek gang af want hoekom kom David my pla as ek net rustig wil wees😊

"Ai Siebriets, ek sal jou mosi onnodige pla nie- ek wil vir julle altwee iets kom sê - ek weet jy is nog kwaad vir my " sy gesig dra die skynsel van trots en my kwaad verdwyn sommer onmiddelik 🙏

Ek het hom Saterdag in die "naughty corner" gesit.

Na afloop van verlede Saterdag SE diens het die familie vir ons twee iets te ete aangebied.

Meneertjie op sy b***t vra toe of hulle nie sparkling water het nie 🫣 want so wil hy van koeldrank af kom😊

Hy kom later met 'n hoop kos-pakkies na die kar aangestap 🫣"Siebriets, ek het gesê hulle moet sommer Vir Marcellous ook 'n kos-pakkie gee want hoe lykit ons kom by die huis sonder 'n pakkie vir Marcellous"

"Hemel bedek my en aarde sluk my in"- was my onmiddelik skietgebed.

Vir jare skaaf ons AAN David en David op sy b***t, skaaf aan ons....

Ons het David ontmoet, vars nadat hy uit die gevangenis gekom het - op daardie oomblik het 'n tweede kans na 'n ONMOONTLIKE gelyk, tog het hy elke dag opgestaan en die beste weergawe van homself probeer wees...skaaf, trane....baie van dit, gebed...ontelbaar, uithou-afstof aanhou....hy het stelselmatig mense se guns en hul vertroue oor die jare gewen.

Die mensdom is nie so onregverdig nie...hier is mense onder ons wat glo in tweede kanse🙏
.na soveel probeerslae het hy gister met trots sy naam op 'n kontrak beteken...'n trotse oomblik vir hom - "die guns van die Here" noem hy dit.

"Siebriets, ek het dit gemaak, weet julle hoe voel dit om jou naám op 'n papier te skryf? ..."ek het dit gemaak met die hulp van die Here" .

"klompie" (sy gunsteling woord) jare van stil en eerlike gebede...jare se mismoedigheid en selfs sy eie veroordeling teenoor sy eie lewe wat hy versteek het agter sy glimlag, het gister afbetaal🙏

'n Voorreg was dit om saam met hom hierdie mylpaal te kon vier
..dit is eers wanneer ons 'n myl in iemand se skoene gestap het dat ons verstaan dat elke tree 'n storie dra wat nie altyd hardop vertel word nie - dat die neerpen van jou naam, jou trotse identiteit saamdra❣️

Aan sy skoene is die letsels van klippe wat soms skerper gesny het as wat dit van die oog af lyk - tog het hy elke dag probeer om net aan te hou en uit te hou🙏

"God is goed, Siebriets. Julle moet môre vir my iets bring om te eet né" smile hy met trots voor hy die hek agter hom toemaak.

Ons sal vandag vir David opdaag...want vir jare daag hy op vir ons🌻

Tweede kanse🙏

Liefde en Lig ❣️

31/01/2026

Januarie het vir baie van ons families, nie net ’n nuwe jaar gebring nie, maar ook stil en hartseer oomblikke van afskeid.

Vroeg in Januarie het ons die kis van Tiaan (19.11.1981 – 20.12.2025) saggies die kerk ingestoot, terwyl die Nuwe Apostoliese Brass Orkes sy oorskot met sagte, strelende note ingelei het—so gewy, so rustig… tog ,so finaal.

Tiaan het sy lewe verloor tydens ’n visvang-uitstappie saam met sy vriende.

’n Oggend wat beplan was om ’n uitputtende jaar af te sluit, het ontaard in ’n traumatiese geb***tenis waar vriende hom nodeloos by die ongevalle-afdeling ingedra het, op soek na hulp… maar die Here het dit anders bestem.

Kort nadat ons Tiaan se familie in Mitchell’s Plain ondersteun het, het ons die volgende dag by die Arendse-familie op Stellenbosch aangesluit.

Swaar harte en leë oë het ons begroet toe ons die kerkperseel binnegery het—die skok van Herman (02.03.1983 – 25.12.2025) se sterfte nog duidelik sigbaar in hulle oë.

Kersfees is gewoonlik ’n tyd van feesvier, maar vir die Daniels en Arendse -familie het die kers-tafel verander in ’n plek waar rou-beklaers saam met hulle gesit het—nie vir kos en lag nie, maar gedeelde oomblikke van trane en stilte.

Oom Haal( 18.05.1935 – 02.01.2026) se sterfte het ons die geleentheid gebied om deur die immergroen wingerde en groot trosse druiwe verwelkom te word.

Oom Haal, ’n boorling van Montagu, het in sy gryse jare by sy dogter kom bly op Stellenbosch - en dit het later sy laaste tuiste geword.

Die huislikheid en warmte waarmee ons ontvang was, kleef nog aan my vas. Tussen daardie mure was ons opgesweep met liefde—Oom Haal was geliefd… die middelpunt van sy familie ❣️

’n Koue Somerset-Wes-windjie het ons begroet op 15 Januarie 2026 toe ons Aunty Lisbeth (08.03.1961 – 16.01.2026) se dogter en familie voor die hospitaal ontmoet het.

’n Onsamehangende oproep het die hartseer realiteit aangekondig van haar mammie se skielike afsterwe.

Aunty Lisbeth SE dogter se hande wat bewend aan my vasklou—op soek na beskutting teen die pyn wat die dood gebring het—bly steeds helder in my geheue vasgevang.

Die Rynse Kerk, een van Stellenbosch se mooiste historiese bakens, was op 23 Januarie gekomplimenteer deur ’n stampvol kerk toe ons Aunty Rosy SE kis (22.06.1952 – 17.01.2026) al langs die voetpaadjie afgestoot het.

Die prentjie-mooi kerk was voltooi deur al die rou-beklaers.
Aunty Rosy se huis was vir ons ’n bekende plek—'n plek waar ons alles kon huur, van borde tot tafeldoeke.

Haar items was altyd met sorg en liefde verpak. Sy was ’n gevestigde en betroubare naam binne die verhuringsbedryf.

Ek onthou Aunty Rosy se uittog uit die hospice-saal soos gister: ’n “guard of honour” vanaf haar hospitaalbed, Al langs die lang gang af… familie en vriende wat sagkens en stil, haar laaste reis aangekondig het. Daardie oomblik was kosbaar—intiem en mooi.

Ons maand het afgesluit voor Oom Lodewyk (03.07.1945 – 26.01.2026) se huis—’n huis met ’n kleurvolle tuintjie wat hy self met trots versorg het.

Vroegoggend is ons begroet deur familie en vriende wat tannie Katriena ondersteun het, terwyl sy met 'n gebroke hart moes toekyk hoe ons haar maat van 35 jaar se oorskot verby haar gestoot het.

🌻 Januarie, het vir ons geleer dat die dood onverwags kom—dit kom sonder 'n waarskuwing, sonder toestemming...sonder genade.

Tog, tussen die trane en die stilte, het ons iets anders ook raakgesien - liefde wat nie ophou nie, families wat mekaar vashou, en ’n God wat selfs in die donkerste ure nog teenwoordig bly🌻

Liefde en Lig❣️

24/01/2026

Vir baie is Ds Clive Jacobs die geestelike leier op die dorp.

Vir ons, by die onderneming, is Ds soveel meer – Vir die agt jaar was Ds Vir ons 'n mentor, 'n rigtingwyser en 'n regte skoolmeneer wat geglo het in ons onderneming SE vermoë.

Ek onthou hoe Dominee ons in die diep water ingelei het met die kers -seremonies binne die gemeente - en ons later geen keuse gebied het nie 😊

Met elke begrafnis SE program- bespreking het daar ’n opvolg- boodskappie gevolg wat lees:
“Hillary-Joan, julle doen mos vir ons die kers-seremonie 😊”

Gister het ons, ons laaste begrafnis saam met Dominee gedoen as voltydse predikant van VGK Stellenbosch.

Soos die preek sy einde genader het, het ek stilweg wegbeweeg – op soek na ’n oomblik van stilte, 'n oomblik van asemhaal... 'n oomblik van dankbaarheid vir 'n predikant wat ons aan die hand geneem het, toe ons totale vreemdeling was in die begrafnis-industrie.

Ds, dankie vir elke “pointer” wat met nederigheid gedeel is.

Dankie vir die vertroue wat u in ons geplaas het om kers seremonies vir u afgestorwe lidmate te kon behartig - die eer en die voorreg was ons s'n🙏.

In nederigheid bly ons dankbaar vir die 'slypskool' oor die jare.

Mag Ds se aftrede nie té stil raak nie😊 – ons het nog die nommer op speed dial 🌻

VGK Stellenbosch, dankie vir die voorreg om die afskeidspreek van Ds Clive en Juffrou Linda te mag beeldsend op ons blad – ’n voorreg wat ons vir altyd sal koester 🌻

Liefde en Lig❣️

22/01/2026

Vandag is die dag waaroor ons gister bekommerd was...

Dit is 14:40 en ek dwaal in die huis op en af...ek het gevlug vanaf die hospitaal SE ontvangs en sit en tel die tyd AF...maar vanmiddag stap die tyd bietjie stadig😊

Die Here weet altyd, maar altyd van beter...dit gebeur dat ons vanoggend vasval met werk...die plan was om vroeg by die hospitaal aan te sluit by die Lambertsbaai-gesinnetjie.

By die hospitaal staan die twee meisies en wag in die parkeer area. SAAM draf-stap ons deur die lang gang...

Ons was so gelukkig om te sien hoe die portier hom die lang gang afstoot met skoonsus wat al lang sy bed hardloop- Hy gooi duim ons kant om te wys dat hy ok is...

Skoonsus vertel later dat hy alles behalwe ok is - sy vitals het heel oggend wipplank gery.

Sou ek vanoggend vroeg by hulle aangesluit het, het hulle hom seker vandag gekanseleer want ons vitals hardloop mos kop-aan-kop...ek sou die add-on gewees het op sy spanningsvolle gemoed😊

Ek weet teen hierdie tyd is elke denkbare stoel opgeneem in die ontvangs...maar ek, ek is ok hier tussen die honde wat troos bied Vir my panic-mechanic gemoed🌻

Dankie Vir al u boodskappe, ek wens ek kan elkeen individual bedank..weet dat ons u wense en u liefde met ons SAAM dra.

Ons is nie alleen❣️

Liefde en Lig, ❣️

19/01/2026

Vanoggend terwyl die huis my omvou met sy stilte net na die kinders skooltoe is - mediteer ek sommer op Psalm 19:15.

Ek besef instinktief dat die huis eintlik té stil is en gaan kyk waar die honde is - ons huisves op die oomblik my broer se hond (EN...die ander een is sterk oppad hierheen🙄)

Was dit nie Vir Psalm 19:15 vanoggend, het een van die bure seker my mond kom spoel met seep.

My kussing wat Riaan, net na sy dwelm-rehabilitasie vir my gegee het, is in fyn stukkies geskeur...ek sluk swaar aan my rooskleurige woordeskat want Psalm 19:15 het vanoggend die pleister op my mond en my gedagtes kom plaas😊

"Mag die woorde van jou mond en die oordenking van jou hart vandag vir die Here aanneemlik wees"(Psalm 19:15)

- selfs wanneer dit moeilik is....mag jou gedagtes rus vind in Hom.

Mag dié dag vir u aanneemlik wees.

Liefde en Lig❣️

12/01/2026

Môre word aan absoluut niemand beloof nie....tog lê my môre soos 'n berg voor my uitgestrek...

Sou ek gelukkig wees om môre te aanskou- sal ek die voorreg hê om Lambertsbaai (my Oudste broer) aan hierdie kant te ontvang...sak en pak, met honde en al vir tenminste 'n maand..

Vir die heel eerste keer is my opgewondenheid waarmee ek hulle normaalweg sou inwag vervang met 'n gevoel van angstigheid...

Woensdag begin ons Kanker-pad met my ou-boet en sy gesin - mooi twee jaar na my ousus en kleinboet SE onderskeie kanker-paaie.

Tussen my en Lambertsbaai was daar nog nie 'n enkele gesprek nadat hy die nuus laat-November met ons meegedeel het nie....die meedeling het my wêreld bietjie inmekaar laat tuimel... tog vind ek rus in die wete dat hy op die stewige skouers van geloof van sy vrou en sy kinders staan🌹

My Ou-boet is my hele wêreld - my kalibreeder in my storms...die skouers waarop ek rus op my mooi en my minder mooi dae🌹

"Ons moet praat' het hy op 'n paar geleenthede gesê -
"Ek sal jou terug bel as ek reg is...moenie my bel nie asseblief" het ek geantwoord🌻

Ons twee het in die tussentyd oor klomp los goed gesels maar nog nie een enkele woord oor sy kankerstryd nie.... tog beplan ek almal se programme en sy honde SE insettling aan hierdie kant - ek was sommer in kleinboet (Riaan) SE verlof- skedule🫣

"Jy reël almal SE programme" maar jy praat nie met my" weergalm sy stem in my onderbewussyn
...

Die lewe het 'n lekker vars mandjie suurlemoene voor ons deur kom plaas...en squeeze sal ons squeeze...ons is mos nie alleen🌻

Liefde en Lig❣️