07/10/2024
Ek vier vandag my 18de jaar van gesond en VRY wees 🙌🏼 Alle eer aan God 🙌🏼 Sy waarheid het my vrygemaak en hou my jaar op jaar waarlik VRY - al verg dit werk en neerlê is GOD SO GETROU 🙌🏼 en loop my hart oor van dankbaarheid 🙌🏼🤍
Dankie Susan dat jy ons weer herinner het aan hierdie spesiale tyd in jou en ons lewens. Ons het saam met jou gestap en gegroei en glo nou nog meer as ooit dat gehoorsaamheid aan die beginsels van Sy Woord genesing bring ook fisies.
Ons deel graag weer Susan se getuienis met julle, veral vir die wat dit nog nie gehoor het nie.
“2006 was goed oppad na ‘n vreeslike jaar in my lewe – ‘n nagmerrie wat die werklikheid was. Maar die een week op die In Freedom & Health Seminaar, het hierdie ondraaglike jaar in die heel beste jaar van my lewe verander! God het my nie net genees nie, maar my ook heel en vry gemaak, en sό is ek ‘n nuwe mens! Tydens daardie week het God die larwe wat al jare lank op die grond rondloop, in ‘n pragtige skoenlapper verander.
Na my seuntjie se geboorte in Desember 2002, het ek intollerant geraak vir koring en suiwel. Daarna vir rog, oats en borley, m.a.w. gluten, en dit beteken alles wat lekker is. Aan die begin van hierdie jaar het my energie net verdwyn en het ek permanent moeg en uitgeput gevoel. My emosies het begin wipplank ry, ek het depressief en vergeetagtig geraak en my regter ooglid het net begin hand en toemaak. Vis was my stapelvoedsel en ek het daarvoor ook totaal allergies geraak. Kort daarna is ek met verskeie ander allergieë gediagnoseer: kwik (wat in silwer stopsels is), die gifstowwe op groente en vrugte (my ander stapelvoedsel) en die chemikalieë in die drinkwater. En sό was ek metaal toksies gediagnoseer. Ek het vergiftig gevoel en begin glo dat alles, selfs my velroom & grimmering, my vergiftig.
Toe ek van Kobus en Annamarie se seminaar in Pretoria hoor, het ek besef dat dit mý afspraak met die Here is! Die Here het baie met my oor die skrif van die Bad van Betesda gepraat en ek kon uit my hart uit antwoord op Jesus se vraag: “wil jy genees word?” - ja, Here, ja! Ek het besluit om alles vir die Here te gee, eens en vir altyd.
Tydens my persoonlike afspraak met Kobus, het die Here soveel dinge aan die lig gebring. Terwyl ek al die seer en pyn en my hart voor die Here uitgestort het, met die trane wat loop, het die Here my kom heel maak en kom vrymaak! God het elke g*t en stukkende plek in my kom heel maak, en die effek daarvan is onbeskryflik. Ek het regtig gevoel dat Jesus my opgetel het, en my ‘n vlekkelose bruid vir Hom kom maak het! Met die genesing van my gees en emosies, het my liggaamlike genesing ‘n bysaak geraak, maar God is getrou aan Sy Woord: As ons, ons sonde bely het, vergewe Hy ons, en maak Hy ons gesond! (Jak 5:14)
Tydens my uitstap het ek my hand in God s’n gesit en die water saam met Hom aangedurf. Ek het geleer om my vrese neer te lê en God te vertrou! God het my 100% genees! Prys Sy Naam!”
