Chatterbox Drama Tots

01/10/2025

"Emotional readiness" ❤️‼️⬇️
Chatterbox se opbouende lessies dek die spektrum van emosies wat ons mag ervaar deurdat ons dit wat die karakters in ons stories beleef, self ook uitdruk en leer reguleer. So belangrik. ❤️‼️⬇️

05/09/2025

Sarah R. Moore, Dandelion Seeds Positive Parenting 💜

01/09/2025

Hoop almal het 'n wonderlike Lentedag gehad! Ons was vandag miere by morsige mense se lente-piekniek.🐜🧺😋🎊 Vra bietjie uit en jy sal die interessantste stories hoor. 😅 Ons vier sommer ook elke Chatterbox-maatjie wat ons klassies so geniet en vir wie dit so goed doen. ⬇️💐📱🔊💕

01/08/2025

Ons is goed op dreef met kwartaal 3! As jy nog nooit in jou lewe gespeel het jy is 'n hoender nie, mis jy beslis iets! 🐔😅 Watter skepsel gee dan nou beter uiting aan wat andersins opgekrop sou bly? Van opgepof sit en kloek tot lateraan luidkeels kraai van die lag, het ons geleer hoe om ons woede te wys en te beheer - so kon ons vorder van afkyk en rondskrop na weer vrolik dans oor hoe ons mekaar blymaak!

Hartseer is die ander groot emosie waaraan ons gewerk het om te leer hanteer sover. Die geheim? Praat, praat, praat! Ons leer hoe om onsself duidelik uit te druk en na mekaar te luister. Deur 'n rympie en twee tranetrekker stories kon ons woorde en maniere vind om ons hartseer te verwerk. Op die ou end is daar getroos, speel-speel "trane" is afgevee en almal is darem met 'n glimlag weer terug speelgrond toe. 🎭🌼🎉❤️

Wat 'n eer om ons kinders te bemagtig met die hantering van die diep dinge van hul menswees. Mag dit nooit onder die mat ingevee word nie. Mag elkeen altyd die vrymoedigheid hê om dit na vore te bring en julle 'n vrolike naweek hê! 🤗🎉

28/07/2025

Ons het toe Vrydag heerlik uitgestal! Baie dankie aan elkeen wat kom gesels het en baie geluk aan ons wennertjies wat die week 'n gratis klas gaan kom saam geniet. 🥳🥰🎉 Indien jy dit gemis het en graag meer wil uitvind, stuur gerus 'n WhatsApp.👋📱⬇️

24/07/2025

📢‼️ Wat baat Chatterbox Drama Tots jou voornemende Graad R se skoolgereedheid? Vanaf 3- tot 6-jarige ouderdom bou ons aan die volgende fondamentele vaardighede 🤯🎭😌❤️👂📚🧠🎊🕺🌟:

18/07/2025

Volgende Vrydag kuier ons by Trio Graad R se opedag! Kom gesels gerus. 🥳😁🎊

18/07/2025

20/06/2025

GOEIE TAALVERMOë maak ALLES MAKLIKER!

Wanneer jou kinders na stories luister, bou hulle 'n skatkis vol woorde (daarom noem ons dit WOORDESKAT) op in die taalarea in hulle breine wat later van tyd ingespan word om op elke liewe terrein van die lewe te help.

Teen die tyd dat jou kind in graad een in wiskunde te doene kry met woorde soos "halveer", "meer as", "ewe veel" en "verdubbel" - om maar 'n paar te noem - moes hy al op baie ander plekke en in baie verskillende soort sinne met hierdie konsepte te doene gekry het.

Wanneer jou kind stories luister gee jy hom die geleentheid om te hoor hoe woorde op baie verskillende maniere in baie verskillende sinne gebruik word. Op hierdie manier ontwikkel jou kind diepte begrip vir komplekse konsepte en begin hy agterkom dat woorde soos "halveer", "helfte" en "halwe" met mekaar verband hou.

Dieselfde beginsel geld in alle vakgebiede waarmee jou kind te doene gaan kry op skool. Indien hy die woorde wat in 'n nuwe leerarea gebruik word, al vantevore gehoor het, is sy begripvorming soveel meer omvattend. En hoe beter jy verstaan, hoe meer inligting behou jy met die eerste aanhoor...

Goeie taalvermoë gee ook aan jou kind die vermoë om wanneer hy self lees te ontleed wat hy lees en 'n aanvoeling te hê vir watter inligting belangriker is as die res. Soveel kinders kan nie opsommings maak nie omdat hulle eenvoudig nie oor genoeg diepte begrip beskik om die hoofgedagte uit te sonder nie. Hierdie is ook 'n funksie van goeie taalvermoë.

En wanneer jou kind vir juffrou 'n storie moet oorvertel, of van die naweek se nuus vertel of vir ouma en oupa van die vakansie wil vertel, het hy woorde nodig om homself mee te VERWOORD. Dit is ook 'n funksie van taalvermoë. En hoe meer woorde jou kind in sy koppie het, hoe makliker is dit vir hom om homself uit te druk. Wat meer is: wanneer jou kind na stories geluister het, het hy 'n luisterskat van goeie sinne wat hom kan help om sy eie uitmuntende en uitdrukkingsvolle sinne te formuleer.

WAT WERK NIE MET WOORDE NIE?
https://luistervinkstories-1.cloudstreamfunnels.com/
Kry Luistervink stories lidmaatskap by die skakel hier bo teen R77 per maand per gesin.

12/04/2025

12/04/2025

Ons het die week die nuwe kwartaal op 'n lekker lawwe manier afgeskop. 🎉 As jy lus is vir lag, vra bietjie die kinders hoe 'n nar glibberige jellie op 'n bord balanseer terwyl hy oor sy lang voete val! 🙆🏼‍♀️ Hoor ook bietjie oor wat met 'n nar se rooi neus gebeur as hy moet nies. 😬🤡😅

Die tipe speletjies laat die kinders toe om heerlik uitbundig te wees. Dit en hulpbronne soos musiek, prente en storieboeke leer ons om sensitief te wees vir ander en ook onsself gemaklik uit te leef deur goeie duidelike taalgebruik, stemkwaliteit, beweeglikheid en spontaneïteit. ❤️🎊

Hier is ook 'n kykie na verlede kwartaal. 🥰 Die kinders het hulle omtrent ingeleef! Sodoende is selfbeelde opgebou, spraakspiertjies versterk en woordeskatte ontdek en verbreed. Dit was duidelik deur hulle pragtige uitbeelding van verskeie karakters waarvan die hoogtepunt muise op 'n seerowerskip was! 🐭😅

Ek sien uit na nog 'n kwartaal van verskeie verbeeldingsvlugte! Dis vir my 'n voorreg om voortdurend geïnspireer en net liewer te word vir Drama as kunsvorm en julle wonderlike kreatiewe klein mensies wat dit saam geniet en daaruit voordeel trek. 💟 🎊

05/03/2025

Ons is al halfpad deur die eerste week van Maart! Sover is dit 'n fees 🎉🎭💛

Ek wil julle elkeen gelukwens met jou keuse om jou kind vir Chatterbox Dramatots in te skryf die jaar. Een van ons dierbare skole het hierdie pragtige artikel by hulle ingang opgesit om nog ouers aan te spoor. Ek het sommer vir julle al die voordele opgesom. Lees gerus 🥰⬇️:

Die artikel bewys deur studies en persoonlike ervarings dat dramalesse 'n skatkis van voordele inhou, terwyl die brein nog gevorm word en groei:

- Persoonlikheid word aangemoedig en ontwikkel.
- Kreatiwiteit word ontdek en ontgin.
- Deur hierdie kunsvorm van uitdink en doen word liggies in die brein word op vele vlakke aangeskakel.
- Dis wetenskaplik bewys dat kinders wat dramalesse neem se prestasie in alle ander vakke verbeter - probleemoplossing en onthouvermoë verbeter.
- Om gemaklik te kan kommunikeer en voor ander op te tree is 'n noodsaaklike vaardigheid wat lewenslank voordelig sal wees.
- Drama kom uit die siel en leer jou hoe om in 'n kragtige manier en met mening die lewe aan te pak.
- As jy 'n kind stimuleer deur woorde, taal en stories, word 'n wonderwêreld ontsluit - verbeelding en uitdrukkingsvermoë word aangemoedig en so bewerkstellig ons vooruitgang in die wêreld.
- Jou kind word ryk deurdat sy/haar persepsie verbreed word en emosionele intelligensie verbeter om sodoende hom- of haarself en ander beter te verstaan.
- Drama leer jou binne 'n veilige ruimte om uiting te gee aan jou emosies, gedagtes en drome waarvoor jy dalk andersins nie die moed sou hê nie.
- Dit alles maak jou 'n nuttige, verantwoordelike landsburger in 'n wêreld wat dit broodnodig het.
- Die wonder van Drama breek dan uiteindelik 'n nuwe wêreld van eendag se beter ingenieurs, dokters, rekenaarprogrammeerders en onderwysers oop. 🎉🌍