Die Oog Aftree-Landgoed

Die Oog Aftree-Landgoed Die Oog aftree-landgoed is 'n unieke aktiewe leefstyl blyplek vir mense wat nie kans sien vir 'n tradisionele aftree-oord nie. Besoek www.dieoog.co.za

Die Oog Aftree-landgoed word ontwikkel deur die omskakeling van die gewilde Die Oog Warmbron vakansie-oord. Dit is geleë by ‘n natuurlike mineraalbron, in ‘n idilliese omgewing aan die voet van die Waterberg, net buite die dorpie Naboomspruit in die Limpopo Provinsie. Met sy natuurlike Bosveldomgewing, warm klimaat en wye verskeidenheid fasiliteite is Die Oog die ideale plek om af te tree. Die landgoed bied uitstekende waarde vir geld. Al die vakansie-oord fasiliteite word behou en addisionele fasiliteite en dienste word ook gebou. Dit hou die voordeel in dat die aftree-landgoed van dag een af operasioneel kan wees en in die leefstylbehoeftes van sy inwoners kan voldoen.

25/02/2026

Water-aërobiese oefeninge by Die Oog Aftree-Landgoed.

Deel van ons aktiewe leefstyl na aftrede.

Beweging in ons natuurlike warm mineraalbron-swembad — een van die beste maniere om fiks en energiek te bly.

25/02/2026

🌿 Die Oog Aftree-Landgoed.

’n Leefstyl in die hart van die Bosveld — met ruimte om asem te haal, veiligheid wat gemoedsrus bring, en ’n besondere gemeenskap wat saam groei.

Besoek ons webwerf vir meer inligting.

www.dieoog.co.za

Woensdae is altyd groot pret met Jukskei.
25/02/2026

Woensdae is altyd groot pret met Jukskei.

✨ Wat ’n PRETAAND by Stoepstories! ✨Op 18 Februarie 2026 het ons Eetsaal behoorlik gegons met “Reisverhaal met ’n Twist”...
24/02/2026

✨ Wat ’n PRETAAND by Stoepstories! ✨

Op 18 Februarie 2026 het ons Eetsaal behoorlik gegons met “Reisverhaal met ’n Twist” – en wat ’n reis was dit nie!

Die stories het onverwags gedraai, vreemde paaie gevat en die gehoor meer as een keer laat skaterlag – presies soos belowe.
’n Groot dankie aan ons programleier, Danie Combrink.

Baie geluk aan ons wenners:
🏆 Susan van Rensburg
🏆 Manie Ferreira

Hulle dring deur na die finaal later vanjaar om as Die Oog se bobaas storieverteller vir 2026 gekroon te word.

Dankie aan almal wat vertel, geluister en saamgelag het. Dit was werklik ’n aand van samesyn en pure pret!

18/02/2026

🌿 Wanneer inwoners self vertel, verstaan jy wat Die Oog Aftree-Landgoed regtig besonders maak. Hul stories wys hoe dit voel om hier te leef – in die hart van die Bosveld, in ’n hegte gemeenskap waar jy aktief en voluit kan leef.

Nandes en Hanria Erasmus woon al agt jaar by Die Oog – en vir hulle gaan dit oor veel meer as net aftrede. Dit gaan oor ’n aktiewe leefstyl.

Hulle vertel van die verskeidenheid aktiwiteite waarby hulle betrokke is, die gemoedsrus wat betroubare gesondheidsorg bring, en die waarde van hul belegging by Die Oog. Selfs die eenvoudige vreugde om soggens veilig te kan draf, maak ’n verskil. Die pragtige Bosveld en natuurreservaat – waar jy regtig kan stil word – het gemaak dat hierdie plek hul tuiste geword het.

Maar wat vir hulle die meeste uitstaan, is die mense. Die warmte. Die omgee. Die familie-gevoel wat spontaan ontstaan wanneer bure vriende word.

Nandes sê dit só:
“Ek het gedink ons kom aftree, maar soos ’n goeie vriend sê, het ons kom aantree – want hier word aktiwiteite aangebied wat jou jonk van gees en fiks hou.”

En Hanria vat dit eenvoudig saam:
“As ek Die Oog in een sin moet beskryf, is dit ’n gelukkige huisgesin wat hier woon.”

Sulke stories wys waarom Die Oog meer as net ’n aftreeplek is – dit is ’n plek waar jy aktief leef, gemoedsrus ervaar, deel is van ’n warm gemeenskap en elke dag die vrede van die Bosveld geniet.

👉 Besoek ons webtuiste vir meer inligting:
🌐 www.dieoog.co.za










🌿 Die mooi van ’n Bosveld-aftree-landgoed.Met sy natuurlike Bosveldomgewing, matige klimaat en wye verskeidenheid fasili...
17/02/2026

🌿 Die mooi van ’n Bosveld-aftree-landgoed.

Met sy natuurlike Bosveldomgewing, matige klimaat en wye verskeidenheid fasiliteite is Die Oog Aftree-Landgoed die ideale plek om af te tree.

Die Oog Aftree-Landgoed is geskoei op die beginsel van ’n aktiewe en vervullende leefstyl na aftrede — ’n plek waar jy steeds kan werk, leer, reis, inkomste verdien, belê, sosialiseer en nuwe uitdagings aanpak vir ’n langer en beter kwaliteit lewe, met ’n verskeidenheid fasiliteite en dienste wat beskikbaar is.

Geleë in ’n idilliese omgewing by ’n natuurlike mineraalbron aan die voet van die Waterberge, net buite Naboomspruit in Limpopo, bied hierdie 200 hektaar landgoed reeds tuiste aan 500 gevestigde huise.

Die SAVF is die trotse ontwikkelaar van Die Oog Aftree-Landgoed. Met meer as 100 jaar se ervaring in bejaardesorg staan hulle vir kwaliteit, vertroue, omgee en volhoubaarheid.

Met ons nuwe ontwikkeling bied ons nou midsorgeenhede in Fase 6, asook ruim huise in die natuurreservaat van Fase 10 — elkeen ontwerp om jou die ruimte, gerief en Bosveld-leefstyl te gee waarna jy uitsien.

👉 Besoek ons webtuiste om jou plek by Die Oog Aftree-Landgoed te verseker:
🌐 www.dieoog.co.za










❤️ Bosveldsafari Valentynsdans by Die Oog ❤️Wat ’n besondere aand vol liefde, lag en saamkuier by ons Bosveldsafari Vale...
14/02/2026

❤️ Bosveldsafari Valentynsdans by Die Oog ❤️

Wat ’n besondere aand vol liefde, lag en saamkuier by ons Bosveldsafari Valentynsdans – aangebied deur KVV (Klub Vlytige Vroue/Voete). 🌹

Met Dina Hilligen aan die hoof van al die reëlings was dit ’n aand wat tot in die fynste detail beplan is. Die dansvloer het behoorlik gelewe met musiek deur Tinus Schoeman, bygestaan deur Louis Hilligen, wat gesorg het vir die perfekte Valentyns-atmosfeer. 🎶✨

Ons opregte dank aan die borge wat pryse geskenk het:
J O Oosthuizen, Toetie Benskin, Driensia en Anja, Alecia Coetzer, Hettie en Harry Pretorius, en Dina Hilligen.

Die heerlike driegang-ete is voorberei deur Fedics, met Chef André aan die stuur – ’n ware kulinêre bederf! 🍷🍽️

Dankie aan elke inwoner en gas wat deel was van hierdie spesiale aand. By Die Oog Aftree-Landgoed vier ons nie net liefde nie – ons vier gemeenskap, vriendskap en die vreugde van saamwees.

Meskien het God tog aan die begin besluit om Liefde die gemene deler in die wêreld te maak.

📸 Geniet die foto’s van ’n aand om te onthou! Dankie Riaan Naudé vir die foto's.





Die Voëlklublede geniet die voorreg van voëlkykuitstappies, wat tweemaandeliks deur van die Bestuurslede gereël word op ...
13/02/2026

Die Voëlklublede geniet die voorreg van voëlkykuitstappies, wat tweemaandeliks deur van die Bestuurslede gereël word op baie besondere en mooi bosveldplase, lodges, wildsplase ens. Riaan Naudé het die 12e Februarie 2026 uitstappie gereël by die uitsonderlike mooi Diamond Creek Lodge waar 39 voëlklublede gulhartig ontvang is deur die Lodgebestuurder, Tia Hamilton.

Daar is rondgestap, heerlik gekuier en vleis gebraai. As gevolg van die warm en drukkende weer en klimaat het die voëltjies "weggekruip" in die skadu van hoë bome en tussen riete en waterlelies in die verskillende damme en kon slegs 34 voëlspesies geïdentifiseer word, maar dit het geensins afbreek gedoen aan die vreugde om bymekaar te kom by hierdie besondere Lodge nie.

🌿 Fase 10 - Natuurreservaat 🌿Omring deur oop bosveld, rustige natuur en ons eie natuurreservaat, is dit die area waar Fa...
10/02/2026

🌿 Fase 10 - Natuurreservaat 🌿

Omring deur oop bosveld, rustige natuur en ons eie natuurreservaat, is dit die area waar Fase 10 by Die Oog Aftree-Landgoed ontwikkel word.

Groter eenhede en oop ruimtes om asem te haal, natuur op jou drumpel, en ’n veilige leefstyl in die bosveld.

✨ Nuuskierig oor wat voorlê?

Besoek ons webtuiste en ontdek meer oor Die Oog Aftree-Landgoed ontwikkeling.

www.dieoog.co.za


❤️ KVV Valentynsdag ❤️Februarie is die maand van liefde, en ons nooi al ons inwoners uit na ’n Romantiese Safari-aand📅 D...
08/02/2026

❤️ KVV Valentynsdag ❤️

Februarie is die maand van liefde, en ons nooi al ons inwoners uit na ’n Romantiese Safari-aand

📅 Donderdag 12 Februarie
⏰ 18:00
📍 Olienhoutsaal
Geniet ’n heerlike driegang ete, met sorg voorberei en bedien deur Fedics, gevolg deur ’n gesellige aand van musiek en dans.

🎟️ Kaartjieverkope
Tussen 11:30 en 12:30 op die stoep
🍽️ Etekaartjies beskikbaar by Wegneemetes
💃🕺
• R50 per persoon – musiek en dans
• R80 per persoon – driegang ete

Enkellopends – geen bekommernis nie! Ons het ’n spesiale tafel waar julle saam met ander kan kuier en die aand geniet.

Kom vier liefde, lag en lekker saamkuier met ons 💕

Elke oggend om 7:00 is daar lewe op die paaie by Die Oog Aftree-Landgoed. 🚴‍♂️Ons fietsryers is flink, vol energie en wy...
08/02/2026

Elke oggend om 7:00 is daar lewe op die paaie by Die Oog Aftree-Landgoed. 🚴‍♂️

Ons fietsryers is flink, vol energie en wys sommer hoe lekker aktief leef hier kan wees.

As jy hou van vars lug, beweging en goeie geselskap, is jy meer as welkom om saam te ry. Sluit gerus aan as jy lus het — die roete en die mense maak dit die moeite werd.

Kontak:
Louis
082 461 5095

Wat ’n lekker aand was dit nie! 🎶Ons Garage Party Saterdag het ons reguit teruggeneem na die ou dae – musiek en videos w...
03/02/2026

Wat ’n lekker aand was dit nie! 🎶
Ons Garage Party Saterdag het ons reguit teruggeneem na die ou dae – musiek en videos wat herinneringe wakker maak, voete wat begin saambeweeg en ’n dansvloer wat gou lewe gekry het. Daar is getwist, gejive en sommer weer reëls gebreek, net soos in die goeie ou tyd.
Dis iets besonders om saam te kan lag, onthou en die oomblikke te herleef wat ons gevorm het.

Address

Mineral Baths Road R520
Mookgopong
0560

Website

Alerts

Be the first to know and let us send you an email when Die Oog Aftree-Landgoed posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Die Oog Aftree-Landgoed:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category