Orania Gesondheidsorg

23/02/2026

🌸 VROUEGESONDHEIDSDAG – 18 MAART | ORANIA MEDIESE SENTRUM 🌸

Jy sorg elke dag vir ander. Nou is dit tyd om vir jouself te sorg.

Op 18 Maart besoek die mobiele mammogram-eenheid Orania en 'n paar verpleegkundiges gaan die ondersoeke van ons vroue behartig.

• Mammogram – R1200
• Papsmeer – R300
• Borsondersoek – R100

Bespreking noodsaaklik vóór 8 Maart. Plekke is beperk.

Maak vandag jou afspraak.
Vir jou. Vir jou familie. Vir jou toekoms.

📞 Kontak 053 372 0911 om te bespreek.

21/02/2026

Dr Jaco Meij, voornemende tandarts by Orania Mediese Sentrum, het in Orania aangekom.
Ons sien uit daarna dat hy binnekort sy praktyk by die sentrum begin — en na baie skitterende glimlagte in ons dorp!

21/02/2026

Elke Maandag kan bejaardes die voetsorg-kliniek besoek vir behandeling deur Marlene Esterhuizen. Koste is R150 per persoon. Kontak Orania Mediese Sentrum by 053 372 0911 vir 'n afspraak.

17/02/2026

17/02/2026

Vanoggend het groot opgewondenheid geheers toe die gemeenskap van Orania die Orania Mediese Sentrum in gebruik geneem het. In die mediese sentrum is daar tans 'n geneesheer, mediese laboratorium vir diagnostiese toetse, radiologie, arbeidsterapeut en 'n fisioterapeut. Orania Mediese Sentrum is ook die basis vir Eureka Nood-en reddingsdiens. Ons hoop om spoedig die aankondiging van die nuwe tandarts te maak.

Orania Gesondheidsorg MSW het vanoggend ook die Gemeenskapsgesondheidsfonds bekend gestel: Helpmed Hulpfonds wat binne die wetlike raamwerk van ’n stokvel-konsep funksioneer. Aansoekvorms is beskikbaar by die sentrum.

Verskeie instellings van die dorp was teenwoordig, onder andere Orania Verteenwoordigende Raad, Orania Beweging, Orania Sakekamer, Orania Ontwikkelingsmaatskappy, Orania Dorpsraad, Orania Veiligheid, Bo-Karoo Opleiding, Karoosig Aftree-oord, Orania Helpmekaar. Ds. Ronald Bain van die Gereformeerde kerk Oranjerivier het voorgegaan met Skriflesing en gebed en Mev Lida Strydom, die burgemeester, het ook die verrigtinge bygewoon. Al hierdie mense en instellings het meegewerk aan die daarstelling van 'n gemeenskapsgesondheidsdiens.

Besoek oraniagesondheid.co.za vir meer inligting oor die gesondheidsdienste in Orania.

13/02/2026

Beste Oraniër

Die Direksie van Orania Gesondheidsorg MSW nooi jou hartlik uit om saam met ons ’n koppie koffie te geniet en ons Hemelse Vader te dank vir die gawes en genade wat Hy geskenk het om die Orania Mediese Sentrum moontlik te maak.

Datum: 17 Februarie 2026
Tyd: 08:00 vm
Plek: Orania Mediese Sentrum
RSVP: 16 Februarie 2026
RSVP aan: admin@oraniagesondheid.co.za

Ons sien uit daarna om hierdie besondere geleentheid saam met jou te deel.

Vriendelike groete
Direksie
Orania Gesondheidsorg MSW

04/02/2026

Ons het gisteraand 'n regstreekse video van die inligtingsvergadering uitgesaai, maar die klank was nie goed nie. Gelukkig het ons wel 'n ander opname gedoen. Vind hier 'n stem-opname met die skyfievertoning van gisteraand se vergadering.

30/01/2026

Positiewe ontwikkeling in Orania Gesondheidsorg

DATUM: Dinsdag, 3 Februarie 2026
PLEK: Gemeenskapsaal
TYD: 18:30

Ons praat oor:
Orania Mediese Sentrum
Gesondheidsdienste in Orania
Nooddienste
Satelliet kliniekdienste

23/01/2026

Geagte Gesondheidspanlid,

Orania Gesondheidsorg MSW is besig met die ontwikkeling van ’n webtuiste wat ten doel het om die Orania-gemeenskap op een sentrale platform toegang te bied tot inligting rakende beskikbare gesondheidsdienste en diensverskaffers in die dorp.

As deel van hierdie inisiatief stel ons ’n databasis saam van alle beskikbare mediese en verwante gesondheidsdienste in Orania. Hierdie inligting sal op die Orania Gesondheidsorg-webtuiste beskikbaar gestel word in die vorm van ’n lys met Orania se gesondheids netwerk, sodat lede van die gemeenskap maklik toegang kan verkry tot toepaslike dienste.

Deur hierdie platform beoog ons om samewerking tussen die gemeenskap en gesondheidsdiensverskaffers te bevorder en sodoende by te dra tot die volhoubare ontwikkeling en versterking van Orania se gesondheidsorgdienste.

Indien jy graag wil hê dat jou praktyk of diens op hierdie platform gelys word, versoek ons jou vriendelik om die volgende besonderhede per e-pos te stuur na admin@oraniagesondheid.co.za:

- Naam van die praktyk/besigheid
- Kontaknommer
- E-pos adres
- Webtuiste (indien van toepassing)
- ’n Kort beskrywing van die dienste wat gelewer word
- Beskikbare tye / besigheidsure

Ons sien uit daarna om saam met jou te werk tot voordeel van ons gemeenskap!

Vriendelike groete
Carien Strauss
Orania Gesondheidsorg MSW

22/01/2026

Welkom terug dokter De Jager!

02/12/2025

Geagte Gemeenskap,

Vind hierby 'n skrywe waarin die nuutste verwikkelinge en nuus in verband met die nuwe mediese sentrum met u gedeel word.

Vriendelike groete!