Seisoenaal

20/04/2026

Dit sal altyd vir my 'n wonderlike voorreg bly om met ander mamma's te kan gesels. Om ons lag en hartseer te kan deel (en soms die moedelose oomblikke ook!)

Hierdie week kuier ek met mamma Aranke Carstens. Sy's 'n opgeleide onderwyseres en 'n absolute meester in kleuter kreatiwiteit, om klein handjies welkom te laat voel in die kombuis (ten spyte van die gemors =) en om uitstappies in die tuin na kinderspeletjies te laat lyk!

Ek hoop julle geniet dit en vind net soveel inspirasie soos ek ###

Ek d**k dis so belangrik om te onthou dat hierdie ook net ‘n seisoen is in my lewe. Ek gaan nie altyd klein handjies hê wat myne soek, of skaduweetjies wat my oral agtervolg nie.

16/02/2026

| Stoepkuier met mamma Mar-Leze |

"Ek vra net die Vader om my elke liewe dag te lei sodat ek hulle volgens SY WIL vir hulle lewe sal grootmaak. "

Lees meer op die SEISOENAAL blog =>

Ek vra net die Vader om my elke liewe dag te lei sodat ek hulle volgens SY WIL vir hulle lewe sal grootmaak.

02/02/2026

Kom leer saam hoe om jou eie suurdeegplantjie te maak. Ek gaan dag vir dag my vordering deel.

My plantjies is van:
1. Gideon Milling Witbroodmeel
2. Gideon Milling Bruinbroodmeel
3. Sasko Koekmeel (ja dit is moontlik - ek d**k ☺️🫣)

Kom ons leer en ekspirementeer 🥖🥐🍞



https://seisoenaal.co.za/n-suurdeegplantjie-vir-beginners/

28/01/2026

n Heerlike virtuele stoepkuier met Mamma Alet van Hartsgoed

Ons gesels oop en eerlik oor ma-wees, vrou-wees en entrepreneur wees (en alle opofferings en keuses wat daarmee saamgaan!) 🌱

Mag hierdie saamkuier jou ook seën, liefste mamma. Hê genade met jouself - en weet dat God se genade is elke more nuut vir elke liewe een van ons | Klaagliedere 3:22-23

“Mag jy skep wat vir jou mooi is en doen waarvan jy hou. Mag jy altyd weet ons Vader is elke dag getrou.”

9 January 202610 January 2026 Ma-wees, Stoepkuiers Stoepkuier met mamma Alet Alet van Zyl van Hartsgoed is ‘n hart en siel mamma en ‘n sout-van-die-aarde mens Daarvan getuig elke mooi woord wat uit haar pen kom (die aanhalings op haar produkte, maar ook die vertellings op haar sosiale profiele)....

12/01/2026

SEISOENAAL | Die Blog

Ons gesels kos, resepte, kuier saam met inspirasie mamma’s op my plaashuis se stoep. Ons klop aan by kenners en leer tradisionele koskunde by die ou hande 🙌🏻

Ons generasie kan so haastig leef en vergeet wat werklik waarde toevoeg in hierdie lewe. Mag Seisoenaal n dagboek wees wat hierdie waarde vasvang in alle seisoene…en mag die skrywes jou herinner dat elke “gewone oomblik” eintlik ongelooflik kosbaar is.

Kom lees, eet, kuier, lag en huil saam 🌱🌼

19/11/2025

Vanoggend is ek kinderlik opgewonde om hier te post na 'n lang stilte! Ons is besig met mooi en lekker dinge vir 2026 - hou gerus hierdie blad dop vir bietjie verandering en vernuwing. Elke seisoen is perfek volgens Vader se plan.....

Maar vir eers kort ek jul vrae en insette - kom ons gesels oor SKUINSKOEK.
- Ken jy dit?
- Het jy dit probeer en wat was jou ervaring?
- As dit nie uitgewerk het nie, wat was die probleem?
- En as jy ENIGE skuinskoek vrae het asb vra in die comments hieronder! Ons het 'n kenner wat ons gaan help om die PERFEKTE skuinskoeke te bak......

Ons hoor graag van julle!

Met liefde uit die Boesmanaland ###

07/03/2025

Ek was nou vir lank baie stil op die blog. Ma-wees deurdrenk my menswees soos winterson my plaaskombuis op n koue Junie oggend.

Partydae oorweldig dit my, dan is ek moeg, oor emosioneel en eet ons sleg brood met peanutbutter. Ander dae is PROPVOL van die mooiste oomblikke met lag en speel en dans, dan eet ons saam aan n gedekte tafel (wat my 20 maande dogtertjie vir ons dek). Kompleet met n kers en servette vir “atmosfeer”.

Kos en saamkuier aan tafel sal my altyd na aan die hart le - maar vir die seisoen waarin ek nou is, is dit eers tyd om stil te wees. En in die oomblik (eerder as aanlyn!) te leef.

Boesmanland Langtafel gaan vir eers sluit.

Dalk eendag kuier ons weer saam aan my Langtafel, maar vir nou WIL ek myself verloor in ma-wees en die mooi wat dit alles inhou.

Ek sal af en toe van ons dag tot dag sommer hier deel, maar niks formeel vir nou nie.

Dankie dat julle sedert 2019 saamgelees en saamgeleef het. Mag Vader jou ook lei in die seisoen wat jy nou is en mag jy naby aan Hom leef.

Baie Boesmanlandse liefde
###

25/01/2025

As jy enige suurdeeg vrae het los dit in die comments hieronder - ek beplan n volledige Q&A blog oor alles suurdeeg!!!

Nuutste blog => Hoe om jou eie suurdeegplantjie te begin
https://boesmanlandlangtafel.com/n-suurdeegplantjie-vir-beginners/?fbclid=IwZXh0bgNhZW0CMTEAAR2FI38LUyyHwG8wUdTibj8TBd9OD11OtxlTQpFXuUJWza2En6HF7DVdQDI_aem_hS3I7K31EsQfKp-fQmTfYQ

24/01/2025

Geduld en uithouvermoe in die kombuis was nog nooit een van my sterkpunte nie. Ek was dus BAIE dapper die dag toe ek besluit het ek gaan nou my eie suurdeegplantjie kweek. (Of ek was net desperaat omdat die plantjies wat jy aanlyn koop so peperduur is en ek ‘n huismamma wat nie ‘n reuse salaristjek aan die einde van elke maand kry nie =)

Kom begin saam met my jou eie suurdeegplantjie =>
https://boesmanlandlangtafel.com/n-suurdeegplantjie-vir-beginners/

09/09/2024

| 'n Laaste Bederf |

Dis vanoggend met 'n glimlag en 'n traan wat ons laatweet dat ons nuutste bederfboks ook ons laaste bederfboks sal wees! Gaan loer gerus aanlyn vir die inhoud en prys van die boks - https://boesmanlandlangtafel.com/
Beperkte hoeveelheid bokse beskikbaar - bestellings sal vanaf 16 September uitgestuur word.

Wat die toekoms vorentoe aanbetref vir Boesmanland Langtafel - Vader werk oortyd met my hart en my kop. My seisoen van mamma-wees is kosbaar en leer my om stadiger te leef, vrede te wees met minder. Om teenwoordig te wees.

Elke dag het sy klein vreugdes - en dit is wat eintlik die lewe die moeite werd maak. Om saam met my dogtertjie in die groentetuin te werk terwyl sy tamaties eet dat die pitjies nat teen haar kennetjie afgly. Om saam brood te bak en te sien hoe sy vuisies vol deeg vat en saampers. Om haar blink ogies te sien wanneer ons in die namiddag son op ons stoep sit en nat beskuit eet. Of wanneer ons saam met pappa boer en sy verwonderd staar na die vreugde van pasgebore tweeling lammertjies.

Tyd is die kosbaarste kommoditeit - en ons vergeet dit. Ons is voltydse verbruikers wat wereldse dinge najaag. Ons streef na meer geld, meer goed, meer sukses…..en op die ou einde het ons minder tyd, minder geduld en minder onthou oomblikke.

My droom vir my en my gesin en ook elkeen van my lesers is ‘n stadiger, meer volhoubare lewe met meer onthou oomblikke.

So die toekoms van Langtafel is ‘n stadiger, meer volhoubare leefwyse. Ons gaan terug na die “basics”. Stadige kos met basiese bestanddele. Oomblikke van asemhaal elke dag.

Tot ons weer gesels.

###
Met liefde uit ‘n ysige en winderige Boesmanland

03/09/2024

Ons vier die aanbreek van die soetseisoen met ‘n boks vol bederflekkertes uit die huise en kombuise van boervroue (en ‘n man!) van regoor Suid-Afrika. Ons hart agter die boks is dat dit jou sal laat stilraak. Asemhaal. En die soet van saamwees en stadiger leef sal laat proe.

Inhoud:

580ml Ingelegde Makataan Stukke
212ml Heuning & Heuningkoek
Hout heuning Dipper
Carmien Floral Berry Tea
Tuisgemaakte Amandel & Lemoen Biscotti
Cranberry & Amandel Nougat
Willie Strauss Brooddoek 65cm x 45cm
Mosbrood Pre-Mix (Kan ook skuinskoek daarmee maak)
Namakwaland Daisy Blomsaad uit die Boesmanland

Bestel jou boks op ons aanlyn plaaswinkel of via whatsapp by 078 320 2272

Alle bokse sal vanaf 16 September uitgestuur word.

25/08/2024

Die soetseisoen is amper hier en ons vier dit met n splinternuwe Boesmanland Langtafel bederfboks! Hou ons blad dop vir meer hieroor - bestellings maak binnekort oop en beperkte hoeveelheid bederfbokse beskikbaar 🌼