GGSA Noordwestak

Home
South Africa
Potchefstroom
GGSA Noordwestak

Genealogiese Genootskap van Suid-Afrika (GGSA), Noordwestak Die Tak is gesetel in Potchefstroom en bedien hoofsaaklik die Noordwes Provinsie. Toegang is gratis.

Die Noordwestak is 'n dinamiese tak waar beide beginners, asook meer ervare genealoë tuis voel om hul passie vir familiegeskiedenis uit te leef en met mekaar te deel. Sedert die Tak se stigting op 6 Junie 2004 het die ledetal vanaf 12 tot meer as 60 gegroei. Lede en belangstellendes kom maandeliks met die uitsondering van Januarie, Julie en Desember, by die Potchefstroomse Museum (hoek van Wolmara

nsstraat en Sol Plaatjielaan) byeen. Die doel van die Tak is om sy lede in staat te stel om familienavorsing te doen. Om hierdie rede word kundiges vanoor die land betrek om oor 'n wye verskeidenheid van onderwerpe van genealogiese belang te kom gesels. Om nuwelinge touwys te maak in die gebruik van genealogiese bronne, word uitstappies na argiewe en die LDS-sentrum onderneem en beginnerkursusse aangebied. Taklede ontvang nie net nie, maar lewer ook 'n bydrae tot genealogie deur begraafplase te fotografeer en die data beskikbaar te stel. Die Tak se biblioteek kon nie 'n meer geskikte tuiste vind as die Potchefstroomse Museum nie. Hier word die Tak se versameling van meer as 150 familieregisters en ongeveer 5000 begrafnisbriewe gerugsteun deur die Museum se versameling van historiese dokumente, plaaslike koerante van so vroeg as 1905, ou foto's, kaarte en gepubliseerde bronne oor o.a. die Groot Trek en Anglo-Boereoorlog. Genealogiese Bronne: Potchefstroom Museum

Die Takbiblioteek in die Potchefstroomse Museum is weeksdae vanaf 9:00 tot 13:00 en vanaf 14:00 tot 16:30 oop. Die Takbiblioteek ontvang daagliks genealogiese navrae wat deur kundige museumpersoneellede en of taklede beantwoord word. Die Tak se lekkerlees nuusbrief, die Famnea verskyn kwartaalliks (Februarie, Mei, Augustus en November). In die nuusbrief kry lede die geleentheid om artikels oor hul familiegeskiedenisnavorsing en of interessante gebeure te skryf. Artikels met 'n Noordwes-strekking kry voorkeur. Die jongste uitgawe van Famnea kan by hierdie skakel afgelaai word:
https://genza.org.za/index.php/af/nw-kwartaalblad

10/05/2025

11/04/2025

Beste Taklede en Vriende

Ons herinner julle graag aan ons volgende takbyeenkoms wat môre (Saterdag, 12 April 2025) plaasvind om 10:00 by die Potchefstroom Museum (h.v. Sol Plaatjielaan en Wolmaransstraat). Die byeenkoms vind plaas in die "hybrid" formaat. Hier is die Zoom skakel vir diegene wat dit nie in persoon sal kan bywoon nie.

Join Zoom Meeting
https://us06web.zoom.us/j/2373529796?omn=85844929921
Meeting ID: 237 352 9796

Ons spreker vir die oggend is Miems Lamprecht, Senior Kultuurhistorikus by die Potchefstroom Museum.

PS, die Potchefstroom Museum se genealogie naslaansentrum sal ook vanaf 09:00 oop wees vir diegene wat daar ‘n draai wil maak voor ons 10:00 begin met die lesing.

08/04/2025

Beste Taklede en Vriende

U word hiermee vriendelik uitgenooi na ons volgende takbyeenkoms wat sal plaasvind op Saterdag, 12 April 2025 om 10:00 in die Potchefstroom Museum (h.v. Sol Plaatjielaan en Wolmaransstraat). Die byeenkoms vind plaas in die "hybrid" formaat. Daar sal nader aan die tyd 'n Zoom skakel vir die lewendige uitsending beskikbaar gestel word.

Ons spreker vir die oggend is Miems Lamprecht, Senior Kultuurhistorikus by die Potchefstroom Museum.

Ter wille van logistiek vra ons wel dat julle RSVP by ggsanw.info@gmail.com voor of op 10 April 2025 as julle die byeenkoms gaan bywoon. Dui ook asb. aan as jy die byeenkoms in persoon of aanlyn gaan bywoon.

PS, die Potchefstroom Museum se genealogie naslaansentrum sal ook vanaf 09:00 oop wees vir diegene wat daar ‘n draai wil maak voor ons 10:00 begin met die lesing.

Die Noordwestak van die Genealogiese Genootskap van Suid-Afrika bied aan:"Engelse families van Potchefstroom, toe Kerkstraat Koning Edward geword het en die ...

30/03/2025

01/03/2025

‼️NEEM KENNIS‼️
Die spreker moes weens onvoorsiene omstandighede die praatjie her skeduleer na 'n later datum. Die Potchefstroom museum se argiewe sal wel oop wees vir die wat naslaan werk wil doen.

--------------------------------------------------------------------------
Beste Taklede en Vriende

U word hiermee vriendelik uitgenooi na ons volgende takbyeenkoms wat sal plaasvind op Saterdag, 8 Maart 2025 om 10:00 in die Potchefstroom Museum (h.v. Sol Plaatjielaan en Wolmaransstraat).

Ons spreker vir die oggend is Johan Wolfaardt, kurator van die Potchefstroom Museum.

Ter wille van logistiek vra ons wel dat u RSVP by ggsanw.info@gmail.com voor of op 6 Maart 2025 as u die byeenkoms gaan bywoon.

26/09/2024

Beste Noordwestaklede en Vriende

Ons volgende ledebyeenkoms sal plaasvind op Saterdag, 5 Oktober 2024 om 10:00 tot 15:00 in die Potchefstroom Museum (h.v. Sol Plaatjielaan en Wolmaransstraat, Potchefstroom). Die aksie word slegs in persoon aangebied. Die Oktober maand aksie behels 'n werkswinkel oor die gebruik van Legacy Family Tree en FamilySearch vir genealogiese navorsing. 'n Fooi van R120 word vir die werkswinkel gevra. Die fooi sluit in die voorsiening van 'n ligte maaltyd en data tyd gedurende die werkswinkel. Die kursus word so gestruktureer sodat beide beginner en gevorderde navorsers die kursus kan bywoon.

Bywoners is welkom om spesifieke navrae oor hulle eie navorsing saam te bring sodat die aanbieders deur die loop van die werkswinkel (indien daar tyd is) advies kan bied oor hoe om die uitdaging aan te spreek. As die navrae voor die tyd vir ons ge-epos kan word sal dit die spreukers ook baie help sodat hulle vooraf kan kyk of hulle die inligting kan kry.

Ons vra ook dat indien bywoners 'n laptop het dat hulle dit saam bring vir die werkswinkel, asb. Dit maak dit makliker om by te bly tydens die werkswinkel as bywoners fisies die praktiese demonstrasies kan volg op hulle eie toestelle. Die sprekers het ook versoek dat bywoners Legacy asb. voor die aanvang van die werkswinkel op hulle eie rekenaars moet installeer. Die skakel waar Legacy gratis afgelaai kan word is https://legacyfamilytree.com/. Daar sal ook tydens die werkswinkel data tyd beskikbaar wees sodat bywoners met die internet kan skakel en die voorbeelde prakties kan volg.

Die R120 fooi vir die werkswinkel kan by die Noordwestak se rekening in betaal word. Die bewys van betaling moet asb. aan ggsanw.info@gmail.com gestuur word voor of op 2 Oktober 2024. Neem kennis dat daar beperkte hoeveelheid plek beskikbaar is dus bevestig jou bewys van betaling jou plek.

Die bankbesonderhede van die Noordwestak is:
Lampen Prokureurs
Bank: ABSA
Takkode: 632005
Rekeningnommer: 1033 730 248
Verwysing: GGS1 + LFW+ voorletters en van (Baie belangrik – anders weet ons nie wie hul geld betaal het nie)

24/06/2024

Nooi jou familie en vriende na die jaarlikse Erfenis- en Familiefees (genealogie) en kom ontdek saam jou persoonlike erfenis.

Bring jou vrae en familieleidrade om vir talle ervare genealogienavorsers te vra en so meer van jou eie stamboom en familiegeskiedenis te ontdek.

✅📅 Merk gerus jou dagboek vir 24 September 2024 by die Voortrekkersaal op die Voortrekkermonument -terrein.

29/05/2024

Beste Noordwestaklede en Vriende

Hier is die Zoom skakel vir Saterdag se byeenkoms as jy virtueel wil inskakel.

GGSA is inviting you to a scheduled Zoom meeting.

Topic: Stitches and patches (krygsgevangene-voorwerpe), SPREKER: Franci Greyling

Time: Jun 1, 2024 10:00 PM Johannesburg

Join Zoom Meeting

https://us06web.zoom.us/j/2373529796?omn=83814083555

Meeting ID: 237 352 9796

Find your local number: https://us06web.zoom.us/u/kwkyt2T2i

27/05/2024

‼️Adres het verander‼️

Beste Noordwestaklede en Vriende

U word hiermee vriendelik uitgenooi na ons volgende Takbyeenkoms wat sal plaasvind op Saterdag, 1 Junie 2024 om 10:00 by die Dampad eetsaal, NWU Potchefstroomkampus. (Sien padaanwysings op foto hier onder.)

Ons spreker vir die oggend is Franci Greyling. 'n buitengewone professor in skryfkuns in die Skool vir Tale aan die Noordwes-Universiteit, Potchefstroomkampus.

Ter wille van logistiek vra ons wel dat julle by die volgende skakel RSVP voor of op 30 Mei 2024 as julle die byeenkoms gaan bywoon. https://forms.gle/nDCAySnC3xMdQ8rMA

20/05/2024

Beste Taklede en Vriende

U word hiermee vriendelik uitgenooi na ons volgende Takbyeenkoms wat sal plaasvind op Saterdag, 1 Junie 2024 om 10:00 in die Potchefstroomse Museum (h.v. Sol Plaatjielaan en Wolmaransstraat).

Ons spreker vir die oggend is Franci Greyling 'n buitengewone professor in skryfkuns in die Skool vir Tale aan die Noordwes-Universiteit, Potchefstroomkampus.
Ter wille van logistiek vra ons wel dat julle by die volgende skakel RSVP voor of op 30 Mei 2024 as julle die byeenkoms gaan bywoon.
https://forms.gle/nDCAySnC3xMdQ8rMA

Address

C/o Sol Plaatjie Avenue, Wolmarans St
Potchefstroom
2531

Website

https://genza.org.za/

Alerts

Be the first to know and let us send you an email when GGSA Noordwestak posts news and promotions. Your email address will not be used for any other purpose, and you can unsubscribe at any time.