15/05/2025
40 STE BESTAANSJAAR VIERING!!!
Hoe en waar begin ek dankie sê vir so ‘n wondelike dag!? Ek begin by die begin en gee erkenning aan die Here wat 40 jaar terug ‘n droom in Dr Elma Kruger se hart geplant het om ‘n sentrum te begin om bejaardes in die omgewing te versorg, ondersteun en laat sosialiseer. Met ‘n skamele R1 per maand ledegeld is die sentrum begin…..
Jesaja 46:4 “Selfs al word jy oud, sal ek nog daar wees. Ek sal vir jou sorg tot jy grys is. Ek het julle gemaak. Ek sal vir julle sorg. Ek sal julle dra en julle versorg.”
Na 40 jaar gee die Here dieselfde woorde vir my! So alle eer en dank aan die Here dat Hy ons deurgedra het na al die jare!!
Ons mikpunt was R100 000.00 en ons het dit amper gemaak en geeindig op R83 903.60!!
Baie dankie aan elke Silwerkroner wat gebak, gebrou, geplak, gelek, gedruk, geverf, gepak, gedra, geknoop, gehang, gestik, gegee, getel, gevra, geplant, gegrou, gewerk en gedeel het! Dankie vir elkeen wat ons kom ondersteun het en saam met ons hierdie mylpaal kom vier het.
Dankie aan ‘n uitmuntende komitee vir die hulp met die beplanning en uitvoering van die dag! Julle is ‘n span duisend!
Dankie aan my linker en regterhand, Cherise en Marlena vir al julle hulp en werk. Dankie vir die laaaaaaaang ure wat julle ingesit het om als gedoen te kry.
Aan ons King (Lionel van der Westhuizen) & Queen, (Gerda Niemann) julle is regtig en waarlik gekies omdat julle al so diep voetspore in die oord getrap het!!
Baie dankie aan Past Gawie de Bruyn wat vir ons die verrigtinge geopen het.
Oom Pieter de Lange en Oom Martin Malan vir al die ryery, die aankope en die op en aflaai van die mense. Al het hulle ons bussie gesteel, weet ek die Here gaan vir ons weer seen! Ons sê ook nou al dankie vir die seëning wat na ons kant toe gaan kom.
Baie dankie aan Oom Piet van Hansen vir die skryf en sing van die feeslied en Oom Johan van Schalkwyk vir die begeleiding. Dit was puik en so uniek!
Baie dankie aan ons lyndansers julle is op en top!!
Baie dankie aan elke uitstaller wat ons ondersteun het, julle het nou deel geword van die Silwerkroon familie en sien julle binnekort weer.
Baie dankie aan Wynand en Cheree wat ons kom vermaak het al die pad van Langebaan af! Dit was heelik om met julle te kon kuier!
Baie dankie Rone, jy laat altyd ons voete jeuk en dankie dat jy ons altyd ondersteun.
Ons liewe Tannie Joey en Oom Nico dankie dat julle al soos familie is! Ons geniet julle altyd, sooo dankie!
SA Monster Trokke, Flip en Karen Nel baie dankie vir die MONSTER wat julle hier kom uitstal het en soveel kinder hartjies (en groot manne) laat vinniger klop het.
Ina Wilken van Finbond en Gryskrag! Baie dankie vir ons donasie en ook dat jy en Aggie hier was en ons kom ondersteun het. Dit was lekker om julle hier te kon ontvang op ons groot dag!
Cecily Kuhn van Avbob, baie dankie dat jy altyd deurkom en vir ons kom ondersteun! Dankie ook vir ons donasie en pryse! Ek waardeer jou!
Spar Les Marais baie dankie dat julle ons altyd help met bestandele, ons waardeer julle.
Mari Joubert so dankie vir jou! Dankie dat jy elke keer gesê het “ek vind gou uit en ek bel jou terug”.
Windell Fotografie, baie dankie Marietjie en Rosanie dat julle vir ons die dag op kamera vasgevang het sodat ons weer kan terugkyk op die dag.
Braai Mekka, Marissa baie dankie vir jul donasie en dat jy altyd daar is om ons ook te ondersteun.
Mimosa Apteek baie dankie vir die pryse wat julle vir ons geborg het, ons waardeer dit baie.
Gys Pitzer baie dankie vir die donasie wat julle vir ons gegee het.
Spur Wonderboom baie dankie dat julle vir ons soveel pryse geborg het, ons waardeer julle!
Caren Pavier dankie vir jou donasie en dat jy ‘n “friend” duisend is!
Tannie Rina Strydom dankie dat Tannie as die langsdienende voorsitter van Silwerkroon Sentrum in ons dag kom deel het.
Ronel Fourie dankie dat jy as langsdienende Sentrum Bestuurder ons ook kom ondersteun het ons waardeer dit.
Adelene Jordaan, baie dankie vir baie ure se verwerking en tik van die Silwerkroon Resepteboek. Daar is nog van hulle beskikbaar @ R100.
D & B Landscaping, Johanthan en jou span baie dankie dat julle ons probleem met gras om die oord vinnig vir ons uitsorteer het. Ons waardeer dit.
Benjamin Phiri baie dankie vir al jou harde werk en vroeg oggende en laat aande. Jy is ‘n yster!
Indien ek iemand uitgelaat het is ek jammer maar weet dat ons dit WAARDEER!
Dit was ook vir ons ‘n voorreg om te kon aankondig dat ons binnekort ‘n versorgingsentrum gaan open. Kyk uit vir die Ret-Ko Care Centre se opening!
