12/04/2024
Ons is baie opgewonde oor hierdie Kreatiewe kuieroggend! Ons vier plaaslike talent en bou saam bande met jou ma, sussie, dogter of vriendin. Kom hou jou lyf kunsstudent en kies een van vier klasse om aan deel te neem:
1) Bak regte, egte suurdeegbrood volgepak met tegnieke en kuns! Hierdie is inderwaarheid 'n paar dae se proses, maar Sonja van Heerden en Wanda gaan slim te werk dat studente al die stappe leer en steeds met heerlike broodjie - wat amper te mooi is om te eet - huis toe gaan. Gesels gerus ook met Sonja oor haar modelloopbaan wat haar om die wêreld geneem het, asook die vreugdes wat sy deesdae as 'n voorslag Boervrou beleef.
2) Daar is min vroue & meisies in Standerton wat nie 'n paar (of tien) Crown of Splendor - Christian Gift Store oorbelle besit nie! Eienaar Adele Smit leef haar talente as 'n seën vir ander uit en maak 'n groot deel van haar winkel se vars en vrolike voorraad self. Sy bring haar materiale en toerusting sodat elke student met 2-3 pare selfgemaakte polimeer-klei oorbelle kan pronk.
3) Cornél du Toit is een van die mees veelsydigste en talentvolle sakevroue wat ek ken! Sy kom deel haar geheime as grimeerkunstenaar, en verstaan net presies hoe om elke vrou wat onder haar hande deurgaan van binne en buite te laat straal. Elke student ontvang persoonlike aandag en grimeerwerke hoe om op 'n natuurlike manier op jou beste te kan lyk. Die kunswerk wat jy saamneem huis toe is die kroon van die Skepping... JY!
4) Rondom my tafel gaan ons speel met prettige kleure Tjhokoverf, stensils en inspirasie uit die natuur om abstrakte botaniese kuns te skep. Daar is genoeg hulpmiddels en struktuur vir studente wat dit benodig, maar ook vryheid om te skep en te ontdek. Ons trek beginsels van kunsterapie in - hoe 'n verfkwas ook kan heelmaak. Elke student gaan huis toe met 'n kaasbord in die kleure en ontwerp van jou keuse.
En dan die eetgoed om so tussendeur aan te peusel! 'n Verskeidenheid geurige soppe en vars broodjies, dekadente koeke en propperse koffie; tot die gegeurde water en pons word met liefde en sorg berei deur die Graad 7 mammas en oumas van Standerton Akademie.
Elke kunsstudent ontvang boonop 'n duursame geskenk wat jy die dag kan gebruik en ook nog in jare wat volg.
Bespreek maar vinnig, daar is slegs 20 sitplekke om elke tafel.
Ons tel die slapies af!
