Liefde Vir Liam Jacobs

15/02/2026

INTERNASIONAL KINDERKANKER DAG! 💛

Vandag onthou ons elke dapper klein vegtertjie en vegtertjie wat daagliks ’n geveg voer wat hulle nooit gekies het nie.

Kinderkanker verander ’n gesin se lewe in ’n oomblik. Dit bring hospitaal gange, chemo, bloedoortappings, onsekerheid… maar ook ongelooflike krag, hoop en geloof.

Hier is ’n paar belangrike feite:
✨ Kanker is een van die grootste oorsake van sterftes onder kinders wêreldwyd.
✨ Vroeë diagnose red lewens.
✨ LEEF VOLUIT!!

Vandag vra ons:
🎗️ Wees bewus van simptome.
🎗️ Ondersteun gesinne wat hierdie pad stap.
🎗️ Dra geel om hoop te wys.

En vir elke kind wat veg – julle is ons helde.
Vir elke ouer wat langs ’n hospitaalbed sit – julle is ongelooflik sterk.
Vir elke survivor – julle is ’n lewende getuienis van hoop. 💛

14/02/2026

Gelukkige Valentynsdag ❤️
My juffrou het die week vir ons elkeen gevra wat beteken LIEFDE? Natuurlik moet Jesus en Liefde in een sin wees! 🙌🏼

05/02/2026

My Dream Dag met The Reach For A Dream Foundation 🚜

04/02/2026

Vandag is ’n groot dag 🌍🎈
Dit is Wêreld Kankerdag, maar ook Liam se 6de verjaarsdag 🎉🎂

’n Dag wat die wêreld herinner aan gevegte, moed en hoop… en ’n dag wat ons herinner hoe kosbaar elke asem, elke laggie en elke nuwe jaar is.

Liam, jy is nóg ’n jaar gespaar.
Nog ’n jaar van groei, drome, klein oorwinnings en groot wonderwerke. Jou lewe is ’n getuienis dat hoop sterker is as vrees, en lig altyd die donker kan breek.

Vandag vier ons nie net ’n verjaarsdag nie —
ons vier krag, genade en ’n storie van oorlewing.

Gelukkige verjaarsdag, ons dapper seun 💙
Jy is ons daaglikse herinnering dat elke dag ’n geskenk is.

23/01/2026

Vandag het ek my eerste atletiek gehad na al my operasies en behandelings!

Dit was nie altyd maklik om hier te kom nie.

Daar was tye wat ek bang was.
Tye wat ek moeg was.
Maar ek het aangehou.

Ek wil vir jou sê:
moenie opgee nie.
Selfs as dit swaar is.
Selfs as jy d**k jy kan nie meer nie.

Party dae wen jy ’n medalje,
ander dae wen jy net omdat jy opdaag.
En dis ook genoeg.

Ek het vandag geleer:
as jy aanhou glo,
en aanhou probeer,
kan jy meer doen as wat jy d**k.

Dankie dat julle saam met my glo. 🤍🏃‍♂️

17/01/2026

Tekens van Kinder Kanker 🎗️
Dankie vir die bewusmaking Afrikaners 🙌🏼

Hoeveel vriende en familielede het ons nie al afgestaan aan die groot K nie? Hier is ñ bietjie oorsig. Let wel die is net vir informasie doeleindes!

Kanker is 'n versamelnaam vir 'n groot groep siektes wat gekenmerk word deur die onbeheerde groei en deling van abnormale selle in die liggaam. Hierdie selle kan omliggende weefsel binnedring en via die bloedstroom of limfvaatstelsel na ander dele van die liggaam versprei (metastase).

Belangrike feite oor kanker
Oorsprong: Dit word veroorsaak deur veranderinge (mutasies) in die DNS van selle, wat die instruksies vir groei en deling ontwrig.

Algemene tipes: Daar is meer as 200 soorte kanker. Van die algemeenste sluit in borskanker, longkanker, kolorektale (dikderm) kanker en prostaatkanker.

Risikofaktore: Faktore wat die risiko verhoog, sluit in tabakgebruik, oormatige alkoholinname, ongesonde dieet, gebrek aan oefening, en blootstelling aan sekere chemikalieë of infeksies (soos HPV).

Vroeë opsporing: Gereelde siftingstoetse en vroeë diagnose verbeter die kans op suksesvolle behandeling aansienlik.

Behandeling: Algemene metodes sluit in chirurgie, chemoterapie, radioterapie (bestraling) en immunoterapie.

Vir ondersteuning en inligting in Suid-Afrika kan jy die Kankervereniging van Suid-Afrika (KANSA) kontak of hul webwerf besoek vir riglyne oor waarskuwingstekens en sorg.

14/01/2026

Ek het die hospitaal se gange vir skool se stoepe verruil 🤩

Eerste dag van Gr. R 🙌🏼

05/01/2026

Een Jaar Uitmekaar!! 🙌🏼💛

Môre is dit n jaar sedert ek begin het met my 6 maande chemo terapie journey!

Vandag kyk ek terug en sê dankie –
dankie vir elke dag, elke glimlag, elke oorwinning.
Ek is nog hier 🙌🏼
Ek is sterk💪🏼
Ek is GESOND 🎗️
En my storie is een van genade💛

31/12/2025

My Genadejaar 💛

2025 was my genadejaar.

Ek het hierdie jaar begin as n maer seuntjie sonder hare. En vandag het ek n bos hare, lekker ronde wangetjies en n GESONDE lyfie!!

Die Jaar het ek nie altyd verstaan hoekom dinge gebeur nie, maar ek het elke dag gevoel het hoe God my dra.

Dit was ’n jaar van dokters en moeilike dae, maar ook ’n jaar van liefde, gebede en mense wat my styf vasgehou het – selfs van ver af.

Wanneer ek moeg was, was daar genade.
Wanneer ek bang was, was daar vrede
Hierdie jaar het my geleer dat ek nooit alleen is nie.
Dat elke dag ’n geskenk is.
En dat hoop altyd sterker is as vrees.

Dankie dat julle saam met my hierdie genadejaar gestap het 🤍

Liefde
💛 Liam

27/12/2025

Hierdie is n VOORREG 🙌🏼 Dankie Liewe Jesus vir genade en vir my gesondheid 💛
Ek is GENEES, GESEËND, GEKIES & GESPAAR!!

24/12/2025

❤️💚💛💙🧡

Hierdie Kersfees wil ek net dankie sê.
Dankie vir elke gebed, elke boodskap, elke hand wat vasgehou het toe ek moeg was, en elke hart wat saam met ons geglo het.

Hierdie jaar het my geleer hoe kosbaar die lewe is, hoe sterk liefde kan wees, en hoe groot Liewe Jesus se genade werklik is. Ek gaan hierdie Kersfees in met ’n hart vol hoop, dankbaarheid en geloof vir alles wat nog voorlê.

Mag hierdie Kersfees vir elkeen van julle vrede bring, hoop in moeilike tye, en lig selfs wanneer dinge onseker voel. Julle was deel van my reis – en dit sal ek nooit vergeet nie. 🫶🏼

Geseënde Christusfees 🎄

Baie Liefde
Liam 💛

📸 Sunike Wiese