23/07/2025
Besoeke by jou ouer of geliefde raak 'n uitdaging wanneer simptome van dimensie aan die deur klop. Gesprekke raak moeilik, veral as die persoon voor jou die minimum van belangstelling toon; jy raak oortuig dat jou besoek geen impak het nie met die gevolg dat die tydperk tussen besoeke al hoe langer raak.
Huis Matzikama nooi besoekers uit om tydens besoeke by hulle ouers, indien die weer dit toelaat, 'n rolstoel by die personeel te vra. Rolstoele is altyd beskikbaar. Gaan stap met jou ouer buite en stel hulle bloot aan sonlig en die mooi blomme wat op die oomblik oral langs die pad groei. Al sal die persoon moontlik steeds afgestomp voorkom, spandeer jy as kind kwaliteit tyd met jou ouer. Al lyk dit nie vir jou so nie, geniet hulle dit terdeë.
