مِيكَانِيزمْ - mechanism

14/09/2023

منصة مِيكَانِيزمْ - mechanism حتكون طرف متعاون في
بالتعاون مع فريق Itizan اتزان

تحت اشراف جمعية الهلال الاحمر الليبي فرع طرابلس

واللي من خلالها حيتم تقديم الدعم النفسي للضحايا والناجين خلال الازمة الحالية ..

نسأل الله السلامة للجميع 🙏🏻
للاستفسار
0926499008
0926499048

محمد ابي الاشهر | اخصائي نفسي

14/09/2023

الحمدلله بفضل الله تحصلنا على دعم معنوي بخصوص


وحاليا قاعدين نجهزوا في الاخصائيين النفسيين ونحطوا فيهم في قوائم حسب مكان سكنهم وتخصصهم وشن يقدروا يقدموا ..

المبادرة بعون الله حتكون بالتعاون مع منصة مِيكَانِيزمْ - mechanism النفسية منصتي
وفريق Itizan اتزان 🙏🏻

تحت اشراف جمعية الهلال الاحمر الليبي فرع طرابلس

بارك الله في كل من دعم المبادرة 🙏🏻

14/09/2023

مِيكَانِيزمْ - mechanism

ميكانزم منصة نفسية متخصصة في تقديم الدعم النفسي والتوعية بأهمية الصحة النفسية وكيف نحافظوا عليها ..

محمد ابي الاشهر | أخصائي نفسي

11/09/2023

السلام عليكم ..
نحن مجموعة من الأطباء النفسيين والمعالجين نفسيين من مدينة طرابلس جاهزين لتقديم خدمات الدعم النفسي، وتشكيل غرفة خاصة لدعم كل الإخوة والأهالي المتضررين في المنطقة الشرقية خاصة مدينتي درنة، والبيضاء.

أي شخص يحتاج للدعم النفسي من المناطق المتضررة يقدر يتواصل معانا على الأرقام التالية:

0926499008
0915843030
0924426585
0914451263
0926285212
0928617250
0927544905
0913450028
0926795613
0920129810

أيضا مركز مجموعة حلول داعم وتقدروا تتواصلوا لأي استشارة ودعم نفسي بشكل مجاني على الأرقام:

0927687234
0918946377

الأطباء والأخصائيين المشاركين:
د. سندس الساعدي
د. عبد المنعم الحلو
د. مفيدة القايد
د. منيرة العريفي
د. ندى عبدالعاطي
أ. شفاء أبي الأشهر
أ. نادية جموم
أ. نور قاباج
أ. مودة البادن
أ. محمد أبي الأشهر
أ. عائشة فتحي
أ. ليلى الصبار

تقدروا تتواصلوا مع
ليلى الصبار • Laila Alsabbar

حنكونوا ممتنين للتواصل والربط مع الزملاء في مدينة بنغازي لتحويل الحالات التي تحتاج لتدخل دوائي أو جلسات علاجية طارئة.

نسأل الله أن يصلح الحال، ويشفي المتضررين ويرحم من توفاه الأجل.

10/09/2023

في الوقت اللي تظن أنك نجحت في استغفال غيرك.. تأكد أن تغاضيه يعادل ثقتك في خداعه.. لكن هو اختار الصمت لأسباب تخصه..
بينما اخترت خسران ثقته وتشويه سمعتك..

16/08/2023

.. 😥😖

من المشاكل اللي يسموا فيها بالاضطرابات النفس جسمية ..

شن معناها نفس جسمية !!
يعني هي عرض أو اضطراب جسمي ناتج عن مشكلة أو اضطراب نفسي أو ضغط نفسي او قلق وغيرها ..

وأعصاب المعدة نعتبروا فيها عرض من الأعراض النفسية اللي تطلع أثناء أو بعد تعرض الشخص للأزمات أو تعرضه للضغط النفسي أو يحصل خلعة او رعشه وغيرها وغيرها .. وكذالك الحروب 💔

العلاج/
من العلاجات الناجحة ليه "العلاج النفسي" وطبعًا حسب حاجة الحالة سواء كان بالجلسات النفسية "العلاج بالكلام"أو بالعلاج الدوائي في بعض الحالات واللي بدوره يخفف منها ومن أعراضها وتأثيراتها ..

سلّم الله الجميع 💜

13/08/2023

✨الصالون النفسي

فكرة الغرض منها التوعية بالصحة والسلامة النفسية من خلال طرح عدة مواضيع تمسنا وتهمنا ..
حيكون الصلون تحت عنوان "الضغوطات النفسية"

معاي أنا ✨

📆حيكون يوم الموافق الاربعاء القادم

🗓️بتاريخ 16/8/2023

⏰ من 5 لـ 7 مساء

📤قيمة الاشتراك 25 دينار

لتسجيل في الصالونات تعبئة البيانات عبر الرابط 👀👇🏻✨👏🏻

https://forms.gle/tiM7WHy3PUM5BHqM7

📍✨العنوان: مركز مجموعة حلول للخدمات النفسية - باب بن غشير امام قصور الضيافة فوق حلويات الملكة

📲✨للتواصل والاستفسار:

0927687234

11/08/2023

‏نعمة ⁧‫ #التغافل‬⁩

‏وهي تجاهل الشخص للأشياء السيئة من الأحداث أو الظروف المحيطة به.

يمكن أن يكون التغافل استراتيجية يلجأ إليها الأفراد لمواجهة مواقف غير مريحة أو مشاعر سلبية.
ومع هذا، يمكن أن يكون له تأثيرات إيجابية وسلبية على الصعيدين الشخصي والاجتماعي.
‏
تغافل لتعيش ..

08/08/2023

‏الضغوطات النفسية والصدمات ممكن تغير شخصيتك ومشاعرك وردات فعلك لأجل تخليك شخص آخر تماما غير اللي كنت عليه من غير ما تحس بروحك ولا تحس بـاللي قاعد يصير معاك من تغيرات ..

07/08/2023

طلب المساعدة .. ⚠️

‏خلي نقولوا ان طلب المساعدة مايعنيش أنك ضعيف الشخصية، مفهوم زي هدا خاصة للي عنده نزعة قيادية في شخصيته ممكن يخليه يعاني ولسنوات ..

بعض الناس يخدع نفسه أنه يقدر على التعايش مع مشكلته بينما هي مش من هذا النوع بل هي أحيانًا قابله للحل والتغيير ..

إلا أن كبريائه ما يخليشي يمشي لمختص في مشكلته أيًا كانت هذه المشكلة.. 💔

ولذالك طلب المساعدة في الوقت المناسب يدل على وعي ونضج الشخصية..

ما تتأخرش باش ما تتمكنش منك المشكله ..
كلنا نحتاجوا لـحد في وقت من الأوقات في حياته يكون معانا ..

انت مش بروحك ومش عيب انك تطلب المستعدة 💜📣‏

محمد ابي الاشهر | اخصائي نفسي

06/08/2023

‏الأشخاص الذين لديهم حساسية تجاه الرفض أكثر عرضة للقلق النفسي، وهذا القلق يخلق حوار داخلي حول الحاجة إلى حماية الذات بطريقة خاطئة ..

‏"ويصل أحيانًا في حالات اذا ما تم القبول لهدف إرضاء الأشخاص في العلاقات بأي شكل من الأشكال" 🙏🏻

محمد ابي الاشهر | اخصائي نفسي

01/08/2023

صحتك النفسية وأهميتها.. 💜😌

الموضوع يطول ويطول لو بنحكوا فيه ..
لاكن خلي نقولوا كلمتين خفاف لطاف ظُراف من منظور مختص نفسي ..

"الصحة النفسية جزء من صحتك الجسمية ويشكلوا مع بعض صحتك العامة، واهتمامك بيها ما يقلش اهمية على اهتمامك بأساسيات الحياة، والسبب اهني ببساطة لأن نفسيتك تمثلك أنت وأنت لو كنت مضرب نفسيًا فـ هدا حـيأثر على حياتك وشغلك وعيلتك وعلاقاتك ومستقبلك وأفكارك وغيرها وغيرها .. "

وخوف الناس من زيارة المختص النفسي ممكن جاي بسبب الثقافة اللي منتشرة عليه، لاكن الحقيقة غير هكي بكل..

الحقيقة ان المختص النفسي شخص متعلم ويحترم خصوصيتك ومعتقداتك وافكارك ويحافظ على أسرارك، وهو موجود باش يقدملك يد المساعدة، وهدا ميثاق أخلاقي كل الأخصائيين النفسيين مطّلعين عليه ويشتغلوا بيه..

طبيعي انك تخاف و واجبي اني نطمنك، وحقك انك تسأل كويس على المختص النفسي اللي يشتغل بمهنية، وواجبي لما تجي ما نردكش ..

وفي النهاية صحتك النفسية مهمة، ما تهملهاش واهتم بيها وراعيها ..
ومش عيب انك تطلب المساعدة، لاكن الخطأ انك تكون محتاجها وما تطلبهاش ..

محمد ابي الاشهر | مختص نفسي

26/07/2023

‏من أكثر الأمور اللي تسبب في الاجهاد النفسي هي أنك تتظاهر بعكس اللي تحس به.
تجامل وتضحك وأنت ما ماعندكش خلوق.
توافق على اي شيء وأنت مش مقتنع.
تقعد هادي وأنت متململ وتبي ترحل.
تدّعي الهدوء والسكينة وأنت غاضب وتحترق من الداخل.

مع الوقت مش حتتحمل تقعد على نفس الحال، لأن كل اللي تحس بيه من مشاعر مكبوته حـتطلع فجأة ..

محمد ابي الاشهر - اخصائي نفسي

17/07/2023

‏"العلاقات الإنسانية أساسها التقبُّل وليس التحمُّل"

فـ مثلاً
‏تتقبل أنه قليل الكلام ومش أنك تتحمل قلة كلامه..

تتقبل انه شخص كتوم ومش انك تتحمل فكرة انه يخفي خصوصياته عليك ..

تتقبل هدوءه ومش أنك تتحمل صمته.

محمد ابي الاشهر | اخصائي نفسي

#صحتنا #الصحة

16/07/2023

‏"كيف تؤثر المعتقدات الفكرية العميقة على شخصيتك وأيضا حدوث الاضطراب النفسي"
‏
تتكون المعتقدات في مراحل العمر المبكرة، وغالبا تتكون بسبب التنشئة الأسرية أو حتى المعلومات والمواقف التي يواجهها الشخص في بداية حياته .

‏وتتسمى معتقدات بسبب انها عميقة وراسخة خاصة اذا تكررت بأفعالك وأقوالك.
‏
وبسبب عدم النضج يعتقد الشخص انها حقائق فيتعامل معها على هذا الأساس، ومن هنا تتكون شخصيته ونظرته لنفسه والحياة.
‏
فمثلا..
لو كانت الأسرة شديدة الانتقاد واللوم للطفل ودائما تظهر عدم كفائته في التصرف يتكون لدى هذا الطفل معتقد أنه فاشل أو غير كُفء .
‏
مع مرور الوقت والسنين يكوّن هذا الطفل لما يكبر معتقدات أخرى وتكون عبارة عن فرضيات وقوانين خاصة به

فمثلا لو ما قدرش القيام بشيء معين يظهر المعتقد الراسخ عنده بقوة ويقول ( أنا فاشل، أنا غير كفء .. وغيرها! )
وهكي يحكم على نفسه باستمرار في عدم النجاح في القيام بأي شيء، ومع مرور الوقت يوصل إلى قناعة كاملة انه فاشل وغالبا يصاب بعدها باضطرابات نفسية زي الاكتئاب مثلًا.

‏هل يمكن الوقاية من هذه المعتقدات ؟
‏أكيد، بالتربية والتنشئة الأسرية السليمة الخالية من النقد واللوم وإثارة القلق والتهديد، وزيد عليها لما نلاحظوا على أطفالنا معتقدات معينة نحاول التدخل وتصحيحها بشكل سليم .
‏
هل يمكن علاجها ؟
‏نعم، في جلسات العلاج النفسي يقوم المعالج باكتشاف هذه المعتقدات ومحاولة تخليص الشخص منها باش يقلل في النهاية من حدة الاضطراب النفسي الموجود..

محمد ابي الاشهر | اخصائي نفسي

13/07/2023

الرهاب الإجتماعي ..
شن أسبابه !!
وشن هي أعراضه ؟
وهل يتعالج !؟

محمد ابي الاشهر - اخصائي نفسي

11/06/2023

الحشيش ..
شن هو الحشيش ؟؟
وكيف يخدم داخل الدماغ ؟؟
وشن يصير لما الشخص ياخده !!

أضراره ..
شن أكتر أضراره ؟؟
وهل فعلًا ليه ضرر جسمي !!
ولا ضرره نفسي بس ؟؟

وعلاجه ..
هل يتعالج اللي ياخد في الحشيش ؟؟
هل ناجح علاجه ؟؟
به لو وقف يقدر الشخص معاش يرجع ؟؟

كل هالتساؤلات تحت كل صورة شرحها 💜✨

محمد ابي الاشهر | اخصائي نفسي
ودمتم سالمين 🙏🏻

09/06/2023

#الإدمان من زاوية تانية 🪶

كيف يخدم المخدر في جسمنا ..
وشن التفسيرات ليه ..

وهل فعلا فيه فرق بين الناس في تأثير الإدمان عليهم ..
. ✨🪶

محمد ابي الاشهر | اخصائي نفسي

08/06/2023

#الإدمان من زاوية تانية 🪶

شن هو الإدمان وشن فكرتنا عليه ..
وهل فيه حاجات تانية ممكن تكون سبب في الموضوع !!؟

يتبع .. ✨🪶

محمد ابي الاشهر | اخصائي نفسي

07/06/2023

الإدمان..

26/يونيو هو اليوم عالمي اللي تخصص لـ مكافحة المخدرات والمؤثرات العقلية ..

بس مع الوقت بدت تطلع عندنا عدّة أنواع جديدة من الإدمان والمواد سواء كانت كيميائية او عشبية او على تصرفات وأفعال معينه ..
وهدا حيكون تركيزنا في خلال هالشهر

محمد أبي الأشهر | اخصائي نفسي

06/06/2023

الإكتئاب البسيط كنوع من أنواع الإكتئاب وأهمية التنشيط السلوكي للتخفيف من حدة الأعراض واستقرار المزاج ..

محمد أبي الأشهر | أخصائي نفسي

#الإكتئاب

06/06/2023

22/05/2023

إرضاء الناس ..

تعاملنا مع الناس يكون وراه عدّة دوافع، منها الإيجابية ومنها السلبية ..
منها بدافع الحب ومنها بدافع الخوف ومنها اللي بدافع الفطرة وفيه اللي بدافع الإرضاء ..

نجوا لـدافع الإرضاء ..
اللي يكون دافع تعامله مع الناس (الإرضاء المستمر) فـ المطاف حـ ينتهي بيه لمعاناة وضغط نفسي كبير ..
علاش !!
لأن الناس ماتعرفش وين يوقفوا بحدودهم معاك مدامك ماقلتلهمش عليها وبينتها ليهم ..

فـ اللي يعتمد على ذوق الآخرين وإنه عابي عليهم يعرفوا حدودك بروحهم فـ مش حيحصّل الا القليل ..

فالعقول والخبرات والأذواق والذكاء الإجتماعي والتربية تختلف من شخص لآخر..

مش القصد منه الأنانية بقدر ما قصدنا انه فيه حاجة تبيّن للناس أنت شن تبي وشن هي حدودك وشن اللي تقدر اديره وشن اللي تعتذر عليه ..

والأفضل انه تكون شخصيتك واضحة باش يعرفوا الآخرون واللي حواليك من "أهلك، وأصدقائك، وزملائك، وشريك حياتك" كيف يتعاملون معاك، وما تتهمش غيرك بل نظّم وعدّل من نفسك.

محمد أبي الأشهر | أخصائي نفسي

مِيكَانِيزمْ - Mechanism
#ميكانيزم ‏⁧

19/05/2023

الأُمّيّ نفسياً

شن معناها الأُمّيّ نفسيًا..
نقدروا نقولوا عليه هو الشخص اللي ما يعرفش نفسه ومشاعره، ومش عارف تأثير مشاكله اللي يمر بيها وقداش ممكن تأثر عليه نفسيًا واجتماعيًا وجسديًا..

الأُمّيّ نفسيًا حـيقولك :

‏حياتي كلها تمام التمام، وماعنديش أي مشاكل ولا نعاني من أي ضغوطات ..
‏ولما تقعمز جنبه وتسمعله وتهدرز عليه وتشوفه حـتلقاه مليان مشاكل نفسية جسمية زي ..
مرة يشكي من صداع نصفي فجأة ..
ومرة من قولون عصبي بدون سبب ..
ومرات يشكي من آلام جسمية مش معروف المنشأ متعها من وين، وغيرها ..

ولما يمشي يعاين "طبيًا يقولوله مافيك شي" ..
ولما مايلقوا فيه شي يقول يـ "الدكاتوة
‏ماعرفولي علّة، يـ يقولك هدي من العين والسحر وغيرها" ..

الناس هدي يتوصفوا بـوصف:
"أُمّيّة المشاعر"

محمد أبي الأشهر | أخصائي نفسي
#ميكانيزم

18/05/2023

#الحب والمستقبل ..

من الممكن انه حاجتنا للحب تدفعنا إتجاه الإرتباط بعلاقات عاطفية ليست ذات مستقبل واضح، نحسوا من خلالها الألفة والحب والأُنس ..

و مع مرور الوقت ممكن نقلوا أنفسنا وقعنا في مأزق مشاعر داخلية معقدة، مابين "تعلق أرواحنا مع الآخر وما بين تصادم رغباتنا مع الواقع" ..

ومن اهني ممكن تنشأ عدة مشاكل نفسية أو عاطفية نكونوا احني شاركنا فيها ودخلنا فيها بدون وعي ..

لذالك كُن حذرًا من إستنزاف مشاعرك في علاقة ليست ذات مستقبل واضح ..

محمد أبي الأشهر | أخصائي نفسي

16/05/2023

#ذات - Self

مافيش شخص يستحق أن يعرفك كاملاً بشكل أوتوماتيكي ..

إظهار ذاتك تدريجيًا للغير بعد ما يكسبوا ثقتك هو تصرف يعكس نضج ووعي عاليين للشخص ..

‏المسألة مش مسألة أقنعة أو تمثيل بقدر ما هي رحلة للجوهر ..
و ذاتك هي جوهرك وجوهرك يستاهل الحماية من سهولة وصول الناس ليه ..

محمد أبي الأشهر | أخصائي نفسي

14/05/2023

مهما حاولت انك تبنى إنتماء موظفينك لشغلك أو لمكانك ..
‏أو تبني إنتماء اصحابك وأقاربك ليك ..
‏فـ مش حتلقى أفضل من القاعده البسيطة هدي ..

‏ قال صلى الله عليه وسلم "إِنَّكم لاتَسَعُونَ الناسَ بأمْوالِكم، ولكِنْ لِيَسَعْهُمْ منكُمْ بَسطُ الوجْهِ، وحسنُ الخلُقِ"

محمد ابي الاشهر | اخصائي نفسي

13/05/2023

ماذا بعد الغضب !! 🙆🏻‍♂️🤷🏻‍♂️

وكيف نتعاملوا مع الموقف لما يكون فيه اللخبطه هدي كلها !! 🙍🏻‍♂️🙅🏻‍♂️

محمد أبي الأشهر | أخصائي نفسي

13/05/2023

الغضب وما أدراك مالغضب .. 🤯

شن هو الغضب !! 🤔

خلي نقولوا أن الغضب هو شعور يمر بيه الإنسان يطلّع فيه سلوكيات أو أفكار عدوانية ..
وبرضو ردات فعل فسيولوجية "جسمية" وفي الغالب ماينتج عليه تصرفات نقدروا نقولوا عليها غير لائقة ..
تطلع من الشخص الغاضب للأشخاص الآخرين ..
وتطلع معاه شوية أعراض جسدية زي ارتفاع معدل نبضات القلب 💗
والشعور بالصداع 🤕
وغيرها من التصرفات والتعابير اللفظية زي الصراخ 🙀📣
أو تلويح النقال 📱
أو تكسير طاولة 🪵
أو ضرب اليد بالحائط 🤛🏻🧱

وفي بعض الاحيان ما يعبّرش الإنسان عليه ويقعد شعور داخلي يعاني منه "زي ما يقولو ياكل في روحه 🔥🤯"

محمد أبي الأشهر | أخصائي نفسي

12/05/2023

أخطاء شائعة عن العلاج النفسي ..

العلاج النفسي مش تقديم نصائح !
‏العلاج النفسي يتبع نهج علمي مثبت بالدراسات والأدلة للوصول لأفضل التدخلات العلاجية لمساعدة الفرد للوصول لهدفه من الرحلة العلاجية ..

محمد أبي الأشهر | أخصائي نفسي

‏⁧

12/05/2023

مكسب وخسارة

ماذا لو حطيت في بالك انه كل مكسب تكسبه بالمقابل فيه خسارة تخسرها !!؟

فـ ممكن تكسب نوم وتخسر إنتاج ..
وتكسب مال وتخسر صحة، وتكسب صفقة وتخسر وقت مع الأسرة، وتكسب طعم جميل وتخسر استقرار وزنك ..
وتكسب ثقة الناس في حل مشكلاتهم وتخسر صحتك النفسية لكثرة ضغوطهم ..
‏الفكرة من الكلام إنك تكون مستعد لتخسر إذا أردت أن تكسب ..

وإنه بيصير التعب النفسي لو فكرت بطريقة أنك تبي كل شيء وفي نفس الوقت ترفض التخلي على أي شيء ..


محمد أبي الأشهر | أخصائي نفسي

10/05/2023

#علاقاتنا ..

#الزواج يعتبر شراكة بين شخصين مستقلين كل واحد فيهم ليه عقل مختلف وتاريخ عائلي مختلف وبالتالي باش تنجح هذه الشراكة يجب أن يكون فيه قدر من التوازن والتفاهم بين الطرفين وبذل جهد لمواءمة كل طرف مع الطرف الآخر باش يوصلو للاتفاق والفهم المشترك فيما بينهم .


محمد ابي الاشهر | أخصائي نفسي

26/11/2022

قد ينسى الإنسان أيامه الصعبة ..
لاكنه لا ينسى أبداً من هَوَّنها عليه ..

محمد أبي الأشهر | أخصائي نفسي

13/11/2022

الحزن المعقد..

‏تجربة الحزن ليست شيئ بسيط يتعافي منه الانسان بسرعة ..
الا ان الوقت عادة يخفف من حدته ..
‏عادة بعض الأشخاص اللي فقدوا احبابهم او مرو بتجارب مؤلمة وصعبة، ممكن ان يعانون من الحزن المعقد ..

المصطلح هدا يشير بشكل عام على شعور الحزن التي ممكن يستمر عام او اكثر ..

الا ان الاوقات اللي يحس فيها الشخص بتغير كبيرة في مزاجه، ولو استمرت اعراض الحزن فترة طويلة فإنها توصف بالحزن المعقد ..

اضافة الى ان اعراض الحزن المعقد ممكن تكون اكثر حدة وغالبا مايهيمن الحزن المعقد على حياة الشخص و يتدخل في نشاطه اليومي ..

ملاحظة..
‏
مهم جدا ان اللي يعانون من الحزن المعقد ان تتم معالجتهم نفسيا واجتماعيا لتتحسن حياتهم ..

محمد أبي الأشهر | أخصائي نفسي

13/11/2022

النسيان :

لو حاولنا نسيان شخص ما، أو موقف معين صار معانا .. أو ذكرى مزعجة ..

تأكد أننا بـهكي نعطوا في الاشارة لعقلنا لأجل يتذكرها أكثر !

‏" نبي ننسا، علاش ديمة اللي نبي ننساه يجي على بالي طول الوقت !"

خلي نقولوا علاش !

‏حاول أنك ما تفكرش في شخص ما او موقف معيمن !! شن حيصير ؟؟

حـيصبح هو كل اللي تفكر فيه ..

‏النسيان مش حل بل اعادة صياغة الذكرى بالشكل الصحيح بما يتماشى مع الشخص هو الحل ..

محمد أبي الأشهر | أخصائي نفسي

08/09/2022

مبدأ السرية ..

الشخص اللي يزور العيادة النفسية يتكلم في بعض واغلب الأحيان على أسرار شخصية ممكن ما يعرفهاش عليه حتى أقرب الناس ليه ..

هدا باش اهني اللي يخدم في العمل هدا هو في مهمة انسانية صعبة ومش ساهلة بكل ..

حفظ الأسرار أمانة أخلاقية ..
وزيد عليها التركيز على انك تحافظ على لسانك باش ما يقولش اي لفظ مهين أو حتى بـبصارة او تعليق يـخلي المراجع يندم أنه فتح قلبه وعقله واستأمنك على اللي الموجود فيه ..




محمد أبي الأشهر | أخصائي نفسي