Psikologe Blerina Leka

17/01/2026

🔸Reziliencia tek fëmijët është aftësia për t’u përballur me vështirësitë, për t’u përshtatur me ndryshimet dhe për t’u rimëkëmbur emocionalisht pas situatave të vështira.
Kjo nuk do të thotë që fëmija nuk ndjen frikë, mërzi apo zhgënjim, por që mëson t’i përballojë këto emocione në mënyrë të shëndetshme. Fëmijët rezilientë zhvillojnë vetëbesim, rregullim emocional dhe aftësi më të mira sociale, duke qenë më të mbrojtur ndaj ankthit dhe vështirësive emocionale në të ardhmen. -Reziliencia ndërtohet përmes lidhjeve të sigurta me prindërit dhe kujdestarët, përmes dëgjimit empatik, validimit të emocioneve, lejimit të fëmijës të provojë dhe të gabojë, si dhe përmes modelimit të mënyrave të shëndetshme të përballimit të stresit.
Çdo fëmijë ka potencialin për të zhvilluar reziliencë kur rritet në një mjedis që ofron siguri emocionale, mbështetje dhe mirëkuptim.

10/01/2026

Regresi zhvillimor tek fëmijët si reagim psikologjik ndaj stresit

Regresi zhvillimor tek fëmijët është një reagim i natyrshëm i sistemit nervor ndaj stresit dhe pasigurisë emocionale, dhe jo një prapambetje apo sjellje e qëllimshme. Kur fëmija përjeton ndryshime të mëdha ose mbingarkesë emocionale, truri i tij fokusohet te siguria, jo te zhvillimi, duke çuar në humbje të përkohshme të aftësive të fituara më parë.

Ky fenomen shfaqet shpesh pas ngjarjeve si lindja e një motre apo vëllai, fillimi i kopshtit ose shkollës, ndarja e prindërve, konfliktet familjare apo mungesa e mbështetjes emocionale. Regresi mund të manifestohet përmes sjelljeve foshnjore, vështirësive në komunikim, shpërthimeve emocionale, frikës nga ndarja ose problemeve me gjumin dhe vetëkontrollin.

Reagimi i të rriturve luan rol kyç në zgjatjen ose lehtësimin e regresit. Presioni, ndëshkimi dhe krahasimi e thellojnë pasigurinë, ndërsa qasja mbështetëse, e qëndrueshme dhe empatike ndihmon në qetësimin e sistemit nervor dhe rikthimin gradual të aftësive. Në shumicën e rasteve, regresi është i përkohshëm, por nëse zgjat ose thellohet pa shkak të dukshëm, kërkohet vlerësim profesional.

Regresi zhvillimor duhet kuptuar si një sinjal për nevojë emocionale dhe jo si dështim zhvillimor, duke theksuar rëndësinë e sigurisë emocionale si bazë për rritjen e shëndetshme të fëmijës.

01/01/2026

Mëndja e femijes zhvillohet nëpërmjet ndërveprimit të përditshëm me të tjerët, dhe në mënyrë të veçantë nëpërmjet komunikimit të vëmëndshëm me prindërit apo zëvëndësusit e tyre. Kur të rriturit hynë në komunikim me fëmijën nëpërmjet rregullit, butësisë vëmendjes, pra nëpërmjet një gjëndje shpirtërore të qetë, fëmija arrin të perceptojë mëndjen e tij me qartësi, të paktën kështu thonë shkencëtarët. Shkencëtarët po përpiqen të gjejnë qarqet cerebrale që marrin pjesë në këtë proces “magjik”, këtë sintonizim të prindit apo kujdestarit me botën e brendëshme të fëmijës, e cila stimulon qarqet neural të trurit të fëmijës. Prindër, të rritur, mos i shihni fëmijët të vegjël dhe, që nuk “marrin vesh”, nuk kuptojnë. Është pikërisht komunikimi me të rriturin që stimulon mëndjen fëmijës dhe e nxit të njohi veten dhe botën nëpërmjet ngarkesave emocionale të të rriturve dhe sjelljeve të tyre. Lira Gjika

23/12/2025

▪️Imitimi i kubave përbën një aktivitet thelbësor në seancat stimuluese, pasi mbështet zhvillimin e aftësive imituese, rrit vëmendjen e përqendruar, përmirëson koordinimin sy–dorë dhe kontribuon në organizimin hapësinor.
-Ky aktivitet shërben si bazë për të nxënit social dhe kognitiv, si dhe për zhvillimin e komunikimit funksional.

20/12/2025

🎉 Punëtorët e Vitit 2025 🎉

Me shumë krenari shpallim punëtoret tona të vitit, të cilat u dalluan për përkushtimin, profesionalizmin dhe energjinë që sollën çdo ditë në punë:

Znj. Hanife Fazliu
Znj. Blerina Leka
Znj. Blerta Kryeziu

Faleminderit për punën e palodhshme, seriozitetin dhe shembullin që jepni për gjithë ekipin.
Ju jeni motivim dhe frymëzim për ne!

Urime dhe suksese edhe më të mëdha në vitin që vjen!

15/12/2025

13/12/2025

▪️Jean Piaget na mësoi se fëmijët nuk e kuptojnë botën menjëherë. Zhvillimi i tyre ndodh hap pas hapi, përmes përvojës së drejtpërdrejtë: prekjes, shijimit, hedhjes së objekteve dhe eksperimentimit.

Një nga konceptet kyçe në zhvillimin kognitiv është qëndrueshmëria e objektit (object permanence) – kuptimi se një objekt vazhdon të ekzistojë edhe kur nuk shihet më.

Kjo aftësi nuk lind automatikisht. Ajo ndërtohet gradualisht dhe kërkon maturim neurologjik, përvojë dhe ndërveprim të vazhdueshëm me mjedisin.

Reagimet e fëmijës kur një objekt fshihet, zhvendoset apo bllokohet, na japin informacion të çmuar për mënyrën se si po zhvillohet mendimi i tij – dhe aty ku mund të ketë vështirësi.

Zhvillimi i mendjes është një proces i jashtëzakonshëm, por edhe delikat, që kërkon durim, mbështetje dhe stimulim të përshtatshëm në çdo fazë të rritjes.

09/12/2025

Me shumë kënaqësi ju prezantojmë me psikologen- Eljesa Murseli,

Anëtaren më të re të ekipit tonë në FERIZAJ.

Eljesa ka përfunduar studimet bachelor në Psikologji në Universitetin e Prishtinës, duke ndërtuar një bazë të fortë teorike dhe praktike në fushën e zhvillimit dhe mirëqenies së fëmijëve.

Ajo ka përvojë si asistente me fëmijë me nevoja të veçanta, ku ka kontribuar me përkushtim dhe profesionalizëm.Eljesa punon si terapiste zhvillimi ku ndihmon fëmijët në zhvillimin e aftësive sociale, motorike dhe kognitive.

Eljesa ka marrë pjesë në trajtime dhe trajnime të ndryshme, përfshirë ABA, art terapi, ADHD, si dhe fusha të tjera që lidhen me çrregullimet emocionale, me qëllim që secilit fëmijë t’i ofrojë mbështetjen më të përshtatshme dhe më cilësore.

Jemi shumë të lumtur ta kemi pjesë të ekipit tonë dhe i urojmë mirëseardhje të përzemërt në këtë etapë të re profesionale.🙂

07/12/2025

Kur një fëmijë me ODD “sfidon”, nuk po kërkon konflikt — po kërkon kontroll emocional.

🔸Fëmijët me Çrregullim Kundërshtues-Sfidues (ODD) nuk kundërshtojnë sepse duan të jenë të vështirë.
Ata shpesh janë:
• të mbingarkuar
• të ndjeshëm ndaj kritikës
• të lodhur emocionalisht
• të frustruar nga rregullat që nuk i kuptojnë
🔸Kundërshtimi i tyre është një mënyrë për të thënë:
“Po mundohem, por nuk di si ta bëj më mirë.”

Ajo që ndihmon më shumë nuk është dënimi, por:
• kufij të qartë dhe të butë
• rutina të parashikueshme
• komunikim i qetë
• validim emocional
• mundësi zgjedhjeje (“Cilën nga këto dy detyra do të bësh e para?”)
• shpërblime të vogla për përpjekje, jo vetëm rezultate

ODD kërkon durim, por prindërit dhe fëmijët nuk janë vetëm.
Me mbështetje profesionale, fëmijët mësojnë të rregullojnë emocionet dhe të ndërtojnë sjellje më të qëndrueshme.

30/11/2025

Është shumë normale që një fëmijë të dojë gjithmonë të luajë me prindin — kjo do të thotë që ai ndjehet i sigurt me ty. Por, me kohë duhet mësuar edhe loja e pavarur. Ja disa metoda shumë të thjeshta që funksionojnë:

🔸Luaj bashkë, pastaj largoju pak e nga pak

Mos e lë fëmijën menjëherë vetëm. Filloni kështu:
• 5 minuta luani bashkë
• pastaj thuaji:
“Tani mami shkon 1 minutë në kuzhinë, ti vazhdo. Po kthehem prapë.”
• Ktheju vërtet pas 1 minute.
• Rrit minuta ngadalë (1 → 2 → 3 → 5…).

Fëmija e mëson që ti largohesh, por gjithmonë kthehesh.

🔸Jepi një detyrë “speciale” për ta bërë vetëm

Fëmijët duan ndjesinë se po bëjnë diçka vetë.

Shembuj:
• “Ndërto një kullë nga lego sa më të lartë që mundesh. Kur të kthehem dua me e pa!”
• “Vendosi kukullat në rresht. Dua t’i shoh si i ke renditur.”

Kjo e motivon të vazhdojë vetëm.

🔸Krijo një ambient loje që e tërheq

Ndonjëherë fëmija nuk qëndron vetëm sepse thjesht nuk e tërheq loja.

Krijo një “kënd loje” që ka:
• lodrat e preferuara
• një tavolinë të vogël
• ngjyra, kubëza, libra të vegjël

Sa më i organizuar ambienti → aq më gjatë luan vetëm.

🔸Mos u kthe menjëherë sa herë që të thërret

Nëse të kërkon çdo minutë:

Mos shko menjëherë. Thuaji me zë të qetë:
“Mami/Babi e ka edhe këtë punë. Menjëherë kur ta mbaroj, vij te ti.”

Të mësuarit e pritjes është pjesë e pavarësisë.

🔸Mos e shpërblej me vëmendje çdo herë që ndërpret lojën

Nëse fëmija e kupton që çdo herë që ankron a tërheq për më shumë lojë, ti lëshon gjithçka dhe shkon… ai do ta bëjë prapë.

🔸6. Luaj me të në fillim të ditës

Fëmijët luajnë më lehtë vetëm kur kanë marrë pak vëmendje cilësore më parë.
Edhe 10 minuta lojë intensive me ty → pastaj është më i qetë të vazhdojë vetë.

🔸Bëhu konsistente

Në fillim mund të ketë rezistencë — normale.
Pas disa ditësh, minuta e lojës së pavarur fillon të rritet

23/11/2025

“Në vend që t’i trajnojmë fëmijët të përmbushin pritshmëritë e të rriturve, duhet t’i trajnojmë të rriturit të përmbushin nevojat psikologjike, emocionale dhe zhvillimore të fëmijëve.”
– Zoe Tolman