Handikos Ferizaj

15/04/2026

Sot u mbajt një takim me prindërit e grupit “Zëri Ynë”, një iniciativë e përbashkët që synon fuqizimin e rolit të prindërve në mbrojtjen dhe promovimin e të drejtave të fëmijëve me aftësi të kufizuara. Gjatë takimit u diskutua për sfidat me të cilat përballen familjet, nevojën për mbështetje më të madhe institucionale, si dhe rëndësinë e bashkëpunimit dhe organizimit të përbashkët për të adresuar këto çështje.

Grupi “Zëri Ynë” do të zhvillojë takime të rregullta dhe do të angazhohet në aktivitete avokuese, me qëllim ngritjen e vetëdijes në komunitet, përmirësimin e qasjes në shërbime dhe sigurimin e respektimit të të drejtave të fëmijëve me aftësi të kufizuara. Përmes këtij angazhimi, prindërit do të kenë një platformë për të shprehur zërin e tyre dhe për të ndikuar në ndryshime konkrete.

Ky aktivitet përkrahet nga programi i Fondacionit Kosovar për Shoqëri Civile (KCSF) “EJA Kosovë”, bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.
KCSF

14/04/2026

Qëllimi i këtij aktiviteti të lirë, i organizuar nga piskologet e qendrës në bashkëpunim të ngushtë me fëmijët, ka qenë krijimi i një hapësire të ngrohtë dhe gjithëpërfshirëse ku secili fëmijë të ndihet i pranuar, i lirë dhe i vlerësuar. Përmes ndërveprimit spontan dhe lojërave të lira, është nxitur komunikimi natyral, bashkëpunimi dhe krijimi i lidhjeve pozitive mes fëmijëve.

Gjatë aktivitetit, fëmijët kanë pasur mundësinë të shprehin veten pa kufizime, të ndajnë emocionet dhe idetë e tyre, duke ndërtuar një atmosferë besimi, mirëkuptimi dhe respekti reciprok. Kjo qasje e lirë ka ndihmuar në zhvillimin e aftësive socio-emocionale, rritjen e vetëbesimit dhe ndjenjës së përkatësisë, duke i inkurajuar ata të jenë aktivë dhe të përfshirë në grup në mënyrë të natyrshme.

Ky aktivitet përfaqëson një moment të rëndësishëm për fuqizimin e fëmijëve, duke u dhënë atyre hapësirën e nevojshme për të qenë vetvetja dhe për të zhvilluar potencialin e tyre në një mjedis të sigurt dhe mbështetës.

Ky aktivitet është mbështetur nga Ministria e Drejtësisë

10/04/2026

Në kuadër të këtij projekti, Handikos Ferizaj ofron shërbime të bazuara në rutinat e përditshme të fëmijës, duke vepruar në kopshte, shkollë dhe në shtëpi, çka e bën këtë projekt tejet të rëndësishëm për zhvillimin e përgjithshëm të fëmijëve me vështirësi zhvillimore dhe aftësi të kufizuara.

Përmes një qasjeje gjithëpërfshirëse, projekti kontribuon në përmirësimin e aftësive komunikuese, sociale dhe fizike të fëmijëve, duke ofruar shërbime në katër fusha kryesore: logopedike, psikologjike, edukim joformal dhe fizioterapi.

Nga fillimi i projektit janë mbështetur gjithsej 78 familje, ndërsa aktualisht 51 fëmijë janë përfituese të shërbimeve të intervenimit në fëmijërinë e hershme në Handikos Ferizaj.

Rëndësia e mbështetjes në intervenimin e hershëm tek fëmijët me vështirësi zhvillimore dhe aftësi të kufizuara është jetike për ta.

Për programin e shërbimeve që ofron HANDIKOS në terren, më poshtë mund të ndiqni intervistën në emisionin ''Pasdite'' në RTK.

Linku 🔗: https://rb.gy/x9k5kp

03/04/2026

Për Ditën Botërore të Ndërgjegjësimit për Autizmin, sot kemi pasur kënaqësinë të mirëpresim deputetët Shqipe Metaj Isufi dhe Ejup Ahmeti për një vizitë të veçantë.

Një falënderim i madh për mbështetjen e tyre të vazhdueshme dhe për donacionin nga paga e tyre, i cili do të ndihmojë në ofrimin e shërbimeve që ofron Handikos Ferizaj.

02/04/2026

Faleminderit nga zemra stafit dhe prindërve të fëmijëve që ndjekin mësimin në Universum Schools për organizimin e kësaj Bake & Sale kaq të veçantë. 🙏

Kjo nuk ishte vetëm një aktivitet – ishte një dëshmi e dashurisë, përkushtimit dhe shpirtit solidar që na bashkon. Çdo kontribut, çdo buzëqeshje dhe çdo përpjekje u kthye në një mesazh të fuqishëm humaniteti. ❤️

Me mirënjohje të thellë ju njoftojmë se gjatë këtij aktiviteti u mblodhën gjithsej 1160 euro, të cilat do të shkojnë për mbështetjen e Handikos Ferizaj. Ky nuk është vetëm një kontribut financiar – është shpresë për ditë më të mira, është kujdes dhe dashuri për ata që kanë më shumë nevojë.

Faleminderit secilit prej jush që dhatë nga vetja juaj dhe u bëtë pjesë e kësaj nisme me zemër. Ju jeni arsyeja pse këto iniciativa kanë kuptim.🙏👏

02/04/2026

🌍 2 Prilli – Dita Botërore e Ndërgjegjësimit për Autizmin 💙

Sot shënuam këtë ditë të veçantë përmes një aktiviteti të përbashkët mes Handikos Ferizaj dhe Universum Schools

Aktiviteti përfshiu lojëra rekreative dhe kreative, duke krijuar një atmosferë të ngrohtë bashkëpunimi dhe gjithëpërfshirjeje. Një ndër momentet më të bukura ishte realizimi i puzzle me emrat e nxënësve të shkollës dhe fëmijëve anëtarë të qendrës Handikos Ferizaj – një simbol i unitetit dhe respektit për secilin person.

Gjithashtu, përmes një “Bake & Sale” të organizuar nga shkolla dhe nxënësit, u arrit të mblidhen 1160 euro, të cilat do të shkojnë në mbështetje të Handikos Ferizaj. 🙌

Falënderojmë nga zemra psikologen Arta Salihu Osmani dhe stafin e Universum Schools për bashkëpunimin dhe përkushtimin në realizimin e këtij aktiviteti kuptimplotë.

Falenderojmë dhe Drejtorin e Shëndetësisë dhe Mirëqenies Sociale Dr. Kemajl Emini për pjesëmarrjen dhe mbështetjen e vazhdueshme.

Së bashku për më shumë mirëkuptim, pranim dhe dashuri për të gjithë 💙

Ky aktivitet përkrahet nga programi i Fondacionit Kosovar për Shoqëri Civile (KCSF) ‘EJA Kosovë’,
bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

01/04/2026

Faleminderit të gjithë nxënësve të IAAP "Zenel Hajdini" Ferizaj, vullnetarë të Kryqi i Kuq i Kosovës - Dega Ferizaj për angazhimin dhe kontributin e tyre në aksionin humanitar për mbledhjen e fondeve.

Ky solidaritet dhe përkushtim ka një rëndësi të veçantë për realizimin e punimeve të shtrimit dhe nivelizimit të ibercukut në objektin e ri të Handikos Ferizaj.

Ky aktivitet u realizua në kuadër të projektit “Përhapja e Vlerave Humane”, duke dëshmuar edhe një herë fuqinë e bashkëpunimit dhe humanizmit në komunitetin tonë.

Faleminderit të veçantë profesorit Vedat Ismajli dhe Arsim Hamiti për iniciativën dhe motivimin e nxënësve për të marrë pjesë në punë vullnetare.

Mirënjohje e thellë për secilin prej jush! 🙏

fans

31/03/2026

https://www.gjejpune.org/job/nje-1-ekspert-e-lokal/

Job Description Tags: Featured Jobs Një (1) Ekspert/e lokal Featured Drejtor i zyrës për çështje të komuniteteve Featured Komisioner për Gjuhët Featured Zyrtar Ligjor Featured Ekspert/e për ofrimin e trajnimeve në ngritje të kapaciteteve për të rinj Featured View All Jobs Oferta të Pun...

31/03/2026

Handikos Ferizaj kërkon ekspert për tetë (8) ditë trajnim mbi:

Shkrimin e projekt-propozimeve për grante

Menaxhimin financiar dhe raportimin e granteve

Ky aktivitet realizohet në kuadër të projektit “Grant Institucional EJA- GI- 15”, i mbështetur nga Fondacioni Kosovar për Shoqëri Civile (KCSF) dhe bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

Aplikimet pranohen në adresën elektronike:
prokurorimihandikos@gmail.com

https://handikosferizaj.org/2026/03/31/%f0%9f%93%a2-thirrje-per-ekspert-trajner/

28/03/2026

Me TIRE Center – Sapo u vlerësova si një nga admiruesit e tij kryesorë! 🎉

27/03/2026

Raporti Vjetor Narrativ 2025

Me kënaqësi ndajmë me ju Raportin Vjetor Narrativ për vitin 2025, i cili pasqyron punën, arritjet dhe ndikimin tonë gjatë këtij viti.

https://handikosferizaj.org/2026/03/27/raporti-vjetor-narrativ-2025/

27/03/2026

Ky raport përfshin pasqyrat financiare të audituara dhe opinionin e auditorëve të pavarur për vitin e përfunduar më 31 Dhjetor 2025, duke siguruar transparencë dhe llogaridhënie në menaxhimin e fondeve.

https://handikosferizaj.org/2026/03/27/pasqyrat-financiare-dhe-raporti-i-auditoreve-te-pavarur-31-dhjetor-2025/