Qendra Kryesore e Mjekësisë Familjare - Ferizaj

20/01/2026

Në Qendrën Kryesore të Mjekësisë Familjare (QKMF) gjatë muajve të fundit të vitit 2025 ,u realizua pranimi i pajisjeve të reja mjekësore në vlerë prej 54 275€ : 5 karrika stomatologjike tre prej tyre të destinuara për QKMF , një në QMF-1 dhe një në QMF-5 në fshatin Komogllavë ,një Autokllavë 100 L ,të destinuar për objektin e ri të QKMF-së i cili është në fazën e meremetimit ,një RTG(për dhëmbë) Portabël Intraoral me sensor në DAT dhe pajisjet për laborator për QMF-11 në fshatin Koshare e cila është në fazën përfundimtare të punimeve.
Këto pajisje mjekësore janë siguruar përmes investimeve kapitale nga Buxheti Komunal për Shëndetësi nëpërmjet DSHMS-së,të cilat kanë për qëllim avancimin e shërbimeve shëndetësore parësore, rritjen e cilësisë së diagnostikimit dhe trajtimit, si dhe përmirësimin e kushteve të punës për stafin mjekësor.
Investimi në pajisje bashkëkohore mjekësore paraqet një hap të rëndësishëm drejt modernizimit të shërbimeve shëndetësore dhe rritjes së kujdesit ndaj shëndetit të qytetarëve. Komuna, përmes këtyre investimeve, dëshmon përkushtimin e saj të vazhdueshëm në përmirësimin e infrastrukturës dhe kapaciteteve shëndetësore në shërbim të komunitetit.

19/01/2026

Gjatë ditës së sotme ,me rastin e ditëlindjes së 65-të, pensionimit të dr.Lemane Bytyqi ,drejtoresha dr.Nadire Ymeri e priti në zyre të saj,meqërast në emrin e saj personal dhe në emër të stafit të Qendrës Kryesore të Mjekësisë Familjare, i shprehu falënderimin dhe mirënjohjen më të sinqertë për kontributin saj shumëvjeçar si stomatologe.
Puna e saj e palodhur, profesionalizmi i lartë, përkushtimi ndaj pacientëve dhe korrektësia në bashkëpunim me kolegët kanë qenë shembull dhe vlerë e çmuar për institucionin tonë. Gjatë gjithë viteve të shërbimit, dr.Lemane ka dhënë një ndihmesë të rëndësishme në përmirësimin e shëndetit oral dhe në rritjen e cilësisë së shërbimeve stomatologjike.
Meqërast në shenjë mirënjohje për kontributin e çmuar të dhënë me dekada si stomatologe në QKMF, drejtoresha i ndau një mirënjohje e dhuratë modeste,duke i uruar shëndet të mirë, qetësi dhe gëzime në këtë kapitull të ri të jetës, duke shpresuar që pensionimi ti sjellë kohë të bukur për veten, familjen dhe gjithçka që e bën të ndihet e përmbushur.

14/01/2026

Ekipi punues i kujdestarisë sē Antimikrobikëve sot u takua për ti diskutuar rezultatet e 1000 rasteve të vizituara nga periudha shtator dhjetor 2025 në QKMF-Ferizaj, gjatë takimit u shqyrtuan indikatorët e performancës me që rast u perzgjedhën indikatorët e performancës që janë prioritar për institucionin tonë.

19/12/2025

Sot me pikëllim të madh morëm lajmin për ndarjen nga jeta të ish koleges sonë në pension Xhemile Zeqiri-Prushi ,e cila ka qenë një ndër infermieret e para e angazhuar në Kujdesin Primar Shëndetësor të Ferizajt ,duke dhënë kontribut të çmuar me dekada.
Menaxhmenti i QKMF-së i shprehin ngushëllime të sinqerta familjes e farefisit dhe kolegëve të saj.
Shpirti i saj i bardhë u prehtë në paqe!

18/12/2025

Përmbyllje e suksesshme e sesionit vjetor të ligjëratave për infermierë – 2025

Sot, në Qendrën Trajnuese të QKMF-së, u mbajtën dy ligjërata profesionale me rëndësi të veçantë për stafin infermieror, të cilat shënuan edhe përfundimin e sesionit të 12-të të ligjëratave për vitin 2025.

Ligjërata e parë u mbajt nga Ali Shaqiri, me temën:
“Procedurat dhe teknikat e larjes së vesh*t dhe syrit”, ku u trajtuan në mënyrë të detajuar praktikat e sigurta, teknikat e duhura dhe rëndësia e zbatimit korrekt të procedurave në kujdesin infermieror.

Ndërsa ligjërata e dytë u prezantua nga Selim Bega, me temën:
“Etika, parimet etike dhe legjislacioni në infermieri”, duke theksuar rëndësinë e etikës profesionale, respektimit të parimeve etike dhe kornizës ligjore në ushtrimin e profesionit infermieror.

Në këto ligjërata mori pjesë një numër i madh i infermierëve, të cilët treguan interesim dhe angazhim të lartë profesional. Ky cikël trajnimesh përfshiu gjithsej 12 ligjërata, të organizuara në dy sesione, gjatë vitit 2025.

Falë pjesëmarrjes në këto sesione, infermierët kanë mundur të sigurojnë gjithsej 24 pikë akredituese për këtë vit, duke kontribuar në zhvillimin e vazhdueshëm profesional dhe ngritjen e cilësisë së shërbimeve shëndetësore.

QKMF mbetet e përkushtuar në organizimin e aktiviteteve edukative dhe profesionale në funksion të përmirësimit të vazhdueshëm të kujdesit shëndetësor

03/12/2025

Trajnim mbi “Ndihmën e Parë dhe Emergjencat Mjekësore në Terren” për trajnerët dhe kapitenët e klubeve sportive të Komunës së Ferizajit

Në bashkëpunim mes Drejtorisë së Shëndetësisë dhe Drejtorisë për Rini, Kulturë dhe Sport, sot në QKMF Ferizaj u zhvillua trajnimi me temën “Ndihma e parë dhe emergjencat mjekësore në terren”, dedikuar trajnerëve dhe kapitenëve të klubeve sportive të komunës sonë.

Qëllimi i këtij trajnimi ishte aftësimi i pjesëmarrësve për të reaguar në mënyrë të duhur në situata emergjente, duke aplikuar ndihmën e parë deri në mbërritjen e ekipit profesional të Urgjencës. Përmes këtij programi u theksua rëndësia e ruajtjes së zinxhirit të mbijetesës, njohja e procedurave bazike të intervenimit, si dhe rritja e sigurisë në ambientet sportive.

Pjesëmarrësit patën mundësinë të mësojnë, praktikojnë dhe diskutojnë skenarë realë nga terreni, me fokus në mbrojtjen e jetës dhe reagimin e shpejtë e të saktë në raste të urgjencave.

QKMF Ferizaj falënderon të gjithë pjesëmarrësit dhe trajnerët e QKMF-së, si dhe trajnerin Ali Shaqiri ( në pension i cili vullnetarisht iu bashkua ekipit të Qendrës Trajnuese me përvojën e tij shumëvjeçare) për angazhimin dhe interesimin e treguar, si dhe rithekson rëndësinë e bashkëpunimit të vazhdueshëm për sigurinë dhe mirëqenien e komunitetit tonë sportiv.

01/12/2025

Aktivitet i QKMF-së Ferizaj në Ditën Botërore të HIV/AIDS

Në kuadër të shënimit të 1 Dhjetorit – Ditës Botërore të HIV/AIDS, ekipi i Edukimit dhe Promovimit Shëndetësor i QKMF-së, ka mbajtur një ligjëratë informuese dhe ndërgjegjësuese me nxënësit e shkollës “Çesk Zadeja”.

Ligjërata u zhvillua nga:

Selim Bega, kryeinfermier i QKMF-së

Afërdita Muharremi, kordinatore e EVP

Zahide Bytyqi, koordinatorja e Edukimit dhe Promovimit Shëndetësor në komunitet

Gjatë takimit u diskutua për rëndësinë e informimit të hershëm, mënyrat e transmetimit, parandalimin dhe thyerjen e stigmatizimit ndaj personave që jetojnë me HIV/AIDS. Nxënësit patën mundësi të parashtrojnë pyetje dhe të marrin këshilla direkte nga profesionistët e shëndetit.

QKMF-ja Ferizaj vazhdon të jetë e përkushtuar në edukimin shëndetësor dhe promovimin e sjelljeve të shëndetshme tek të rinjtë tanë.
🎗1 Dhjetori – Ditë kujtese, ndërgjegjësimi dhe solidariteti.

01/12/2025

Gjatë ditës së sotme , menaxhmenti i QKMF-së dhe Drejtori e DSHMS-së ,i mirëpritën me kënaqësi në takim delegacionin e përfaqësuesve të UNICEF-it të kryesuar nga shefja znj/Veronika dhe Ambasadori i Italisë,si dhe të pranishëm ishin përfaqësuesit e HandiKosit të qytetit. Takim ky i rëndësishëm për të shkëmbyer ide për sfidat të arriturat të programit të MSH, Vizitat Shtëpiake për Nëna e Fëmijë nga 0-3 vjeç .Si QKMF e parë ndër pesë komunat është cilësuar si komuna që më së miri ka bashkëpunuar me ekipin e pilot projektit ,për të funksionuar si ekip bashkë me psikologun, llogopedin,punëtorin social dhe fizioterapeutin.
Nikoqirët falënderuan delegacionin për vizitën , për bashkëpunimin dhe mbështetjen e vazhdueshme të UNICEF-it e cila ka qenë gjithmonë shtyllë e fortë e zhvillimit të shërbimeve tona shëndetësore dhe një motivim i madh për të rritur cilësinë e kujdesit që u ofrojmë familjeve tona.
Meqërast një prezantim të shkurtër lidhur me punën e ekipeve të Vizitave Shtëpiake i cili si program ka filluar të implementohet në vitin 2015, e paraqiti Koordinatorja e tyre .
Në kuadër të këtij programi ofrohen vizita standarde për të gjitha gratë shtatzëna dhe fëmijët nga 0-3 vjeç,si dhe vizita shtesë për familjet e
cenueshme.
Që mga viti 2024 në QKMF,ka filluar zbatimi i Udhëzuesit për Monitorimin e Zhvillimit të gershëm të Fëmijëve(GMCD)gjatë vizitave në shtëpi,për identifikimin dhe referimin e rasteve të ngecjeve zhvillimore tek fëmijët 0-3 vjeç.
Për bashkëpunimin e mirë me QKMF dhe për rastet e fëmijëve me aftësi të kufizuar të kësaj moshe e prezantoi raportin shkurtimisht llogopedja nga Handikos.
Qëllimi i këtij takimi ishte për të ndihmuar në ndërtimin e strategjisë edhe më efektive drejt një sistemi shëndetësor më të fortë më të drejtë dhe më gjithëpërfshirës .

27/11/2025

Ligjëratat e Edukimit të Vazhdueshëm Profesional për infermierë kanë vazhduar edhe sot në Qendrën trajnuese të QKMF-së.
Trajnerja Afërdita Muharremi ka ligjëruar temën
-"Kujdesi infermieror te pacientët në kujdesin shtëpiak", temë mjaft aktuale dhe interesante.
- Ligjëratën e pasuruan dhe infermierët e këtij shërbimi Mimoza Marevci, Lirije Sadiku, Erblin Shabani që prezentuan rastet e shumta që kanë trajtuar dhe me përkushtim e profesionalizmin e tyre iu kanë ndihmuar të shërohen me sukses.

-Kujdesi shtëpiak për pacientët kronik dhe paliativ, në komunën e Ferizajit është lider i këtij shërbimi edhe në nivel vendi falë përovojës shumvjeçare, përkushtimit dhe përgatitjes profesionale të infermierëve të ekipeve nga katër qendrat e QKMF-së në Ferizaj.

25/11/2025

Ishte kënaqësi e veçantë që sot në kuadër të QKMF-së,në objektin e QMF-1,bazuar në Statutin Unik të QKMF-së dhe marrveshjes komunale mbështetur nga Projekti AQH, është inauguruar Dhoma e Këshillit të Pacientëve – një hapësirë e dedikuar për dialog, bashkëpunim dhe përmirësim të vazhdueshëm të shërbimeve shëndetësore.
Kjo dhomë do të shërbejë si urë komunikimi ndërmjet pacientëve dhe stafit shëndetësor, duke mundësuar që zëri i pacientit të dëgjohet qartë dhe sugjerimet e tyre të kthehen në veprime konkrete. Me krijimin e këtij këshilli, QKMF përforcon angazhimin e vet për transparencë, cilësi të kujdesit dhe respekt ndaj nevojave të komunitetit.
Urojmë që kjo hapësirë të jetë vend ku bashkëpunimi sjell ndryshime pozitive dhe shërbime më cilësore për të gjithë.
Me kënaqësi shpallim të hapur Dhomën e Këshillit të Pacientëve në QMF-1”

25/11/2025

Në sallën e trajnimit në QKMF ,ditë më parë u mbajt takimi i planifikuar nga eksperti ndërkombëtar z.Calin dhe ai lokal nga AQH dr.Agim Krasniqi me komitetet për cilësi nga QKMF-Ferizaj,Kaçanik dhe Hani i Elezit.
Fokusi i sesioneve për të gjitha qendrat ishte zbatimi i praktikave standarde të menaximit të cilësisë përmes listës së proceseve,KPI ,së bashku me identifikimin dhe menaxhimin e rreziqeve,matrica e përmirësimit/masat korigjuese.

25/11/2025