QKMF dr.Fatmir Krasniqi - Fushe Kosove - Faqja Zyrtare

17/02/2026

https://www.facebook.com/share/18AuwSFg5j/

Të nderuar qytetarë,

Me rastin e 18-vjetorit të shpalljes së Pavarësisë së Republikës së Kosovës, Instituti Kombëtar i Shëndetësisë Publike të Kosovës u uron të gjithëve këtë ditë të shënuar të historisë sonë.

Në këtë ditë feste, kujtojmë jo vetëm sakrificat dhe qëndresën për liri ndër vite, por edhe përkushtimin për një shoqëri të shëndetshme dhe me mirëqenie për brezat që vijnë.

Duke punuar bashkë dhe duke u kujdesur për shëndetin publik, ne kontribuojmë në ndërtimin e një Kosove të fortë.

IKSHPK do të vazhdojë të bashkëpunojë me ju në promovimin e shëndetit, parandalimin e sëmundjeve dhe mirëqenien e përgjithshme të popullatës sonë.

🇽🇰 Gëzuar Ditën e Pavarësisë!

13/02/2026

https://www.facebook.com/share/1CEncxmq8i/

Udhëtoni jashtë vendit? Mos harroni vaksinimin!

Instituti Kombëtar i Shëndetësisë Publike të Kosovës (IKSHPK), bazuar në Udhëzimin Administrativ Nr.05/2025 për Imunoprofilaksë dhe Kimioprofilaksë, rekomandon vaksinimin si masë parandaluese sipas rrezikut epidemiologjik të vendeve që planifikoni të vizitoni.

Në varësi të destinacionit, mund të rekomandohen vaksina kundër:
• Hepatitit B
• Etheve të Verdha (Yellow Fever)
• Meningjitit (ACYW135)
• Tifos abdominale
• dhe sëmundjeve të tjera, në përputhje me Rregulloren Ndërkombëtare të Shëndetit (IHR)
Vaksinimi nuk është i njëjtë për çdo udhëtar – ai varet nga vendi i udhëtimit dhe rreziku i ekspozimit.

Kur duhet të paraqiteni?
Rekomandohet të konsultoheni dhe të vaksinoheni së paku 4 javë para udhëtimit, për të siguruar kohën e nevojshme për zhvillimin e imunitetit dhe, nëse është e nevojshme, për profilaksi shtesë.

Ku të drejtoheni?
Për këshilla të personalizuara dhe planifikim të vaksinimit:
Instituti Kombëtar i Shëndetësisë Publike të Kosovës (IKSHPK)
Adresa: Rr. “Instituti Shëndetësor”, nr.12, 10 000, Prishtinë
Email: ikshpk@rks-gov.net
Prishtinë, Republika e Kosovës
Telefoni: +383 45 480 488 (për info dhe konsultë)

Orari i vaksinimit:
E hënë – E premte | 08:00 – 16:00

Qendrat Rajonale të Shëndetësisë Publike (QRShP)
Shërbimet e këshillimit dhe vaksinimit ofrohen edhe në Qendrat Rajonale të Shëndetësisë Publike.

12/02/2026

Sot, QKMF Fushë Kosovë u vizitua nga Komandanti i Policisë së Fushë Kosovës, z. Bekim Zogiani, së bashku me ekipin e tij.

Gjatë takimit u diskutua për bashkëpunimin e deritashëm ndërinstitucional, sfidat aktuale si dhe për forcimin e koordinimit në funksion të rritjes së sigurisë dhe cilësisë së shërbimeve shëndetësore për qytetarët.
U vlerësua lart bashkëpunimi shumë i mirë ndërmjet Policisë së Kosovës, QKMF-së, Komunës së Fushë Kosovës dhe Drejtorisë së Shëndetësisë dhe Mirëqenies Sociale (DSHMS), si një partneritet i rëndësishëm në menaxhimin e situatave të përditshme dhe sfidave të aktualitetit.
Veçanërisht u theksua angazhimi i ekipit mbështetës nga Policia në ambientet e QKMF-së, i cili ka kontribuar në rritjen e sigurisë për stafin shëndetësor dhe pacientët.

Me këtë rast, Komandanti z. Bekim Zogiani i ndau mirënjohje–falënderim Drejtorit të QKMF-së, dr. Remzi Shala, për bashkëpunimin korrekt, profesional dhe të vazhdueshëm ndërinstitucional.
QKMF Fushë Kosovë, në bashkëpunim të ngushtë me Komunën dhe DSHMS-në, mbetet e përkushtuar në forcimin e partneritetit institucional në shërbim të shëndetit dhe sigurisë së komunitetit.

10/02/2026

Komiteti për Cilësi dhe Siguri të Shërbimeve Shëndetësore (KCSHSH) mbajti sot takimin e rregullt, gjatë të cilit u shqyrtua dhe u prezantua Raporti vjetor për vitin 2025, me theks në arritjet e realizuara në kuadër të të gjitha sektorëve dhe shërbimeve të QKMF-së.

Në këtë takim u prezantuan gjithashtu objektivat strategjike për vitin 2026, të cilat synojnë avancimin e vazhdueshëm të cilësisë, sigurisë dhe efikasitetit të shërbimeve shëndetësore për qytetarët.

KCSHSH shpreh përkushtimin e plotë për zbatimin e këtyre objektivave, duke vlerësuar kontributin profesional të gjithë stafit shëndetësor në arritjet e deritanishme, si dhe duke u angazhuar për realizimin e qëllimeve të reja gjatë vitit 2026.

09/02/2026

Sot, në kuadër të Zhvilimit të Vazhdueshëm Profesional (ZHVP), u mbajt ligjërata e radhës nga Dr. Merita Shala biokimiste me temën:
“Dhimbja e fytit dhe ASTO testi në Mjekësinë Familjare.”

08/02/2026

“Dita e mirë shihet që në mëngjes” – thotë një fjalë e urtë popullore.

Kryetari i Komunës së Fushë Kosovës VALON PREBREZA dhe Drejtoresha e Shëndetësisë ALBANA GASHI po dëshmojnë me vepra se janë për të gjithë qytetarët pa dallim race, feje apo kombi.

Shembulli më i mirë është punësimi i motrës LUMTURIE JASHARI, nga komuniteti ashkali, si infermiere në shërbim të qytetarëve.

Ky është një hap i rëndësishëm drejt barazisë, respektit dhe kujdesit për secilin banor të komunës.

Burimi i videos: https://vm.tiktok.com/ZGdmT1Wey/

06/02/2026

Faleminderit znj. Fate Prebreza për një jetë të tërë në shërbim të pacientëve. Pensionim të mbarë dhe me shëndet!

Me rastin e pensionimit, me respekt, admirim dhe mirënjohje të thellë, nderojmë infermieren znj. Fate Prebreza, e cila për mbi 40 vite shërbimi i qëndroi besnike profesionit dhe misionit human të kujdesit shëndetësor.
Nga QKUK – Klinika Vaskulare deri në vitin 2002, e më pas duke vazhduar shërbimin e saj në QKMF Fushë Kosovë, ajo u dallua për profesionalizëm të lartë, sjellje shembullore, përgjegjësi dhe gatishmëri të vazhdueshme në çdo kohë. Kontributi i saj ishte i plotë, i sinqertë dhe i pandërprerë, gjithmonë në shërbim të pacientit.
Në veçanti, gjatë sfidës së Pandemisë COVID-19, ajo tregoi vetëmohim, sakrificë dhe përkushtim të jashtëzakonshëm, duke qëndruar në vijën e parë të mbrojtjes së shëndetit publik, me guxim, dinjitet dhe ndjenjë të lartë përgjegjësie njerëzore e profesionale.
Pensionimi i saj shënon përfundimin e një kapitulli të ndritur shërbimi dhe lë pas një trashëgimi vlerash që do të mbetet shembull për kolegët dhe brezat e ardhshëm.
Respekt i përjetshëm dhe pension i merituar.

01/02/2026

27/01/2026

https://www.facebook.com/share/p/1CMjHMNfyZ/

27/01/2026

Sot, në QKMF, në kuadër të ZHVP, u mbajt ligjërata e radhës me temën “MMR dhe autizmi”, të cilën e prezantoi Dr. Rukije Kuçi, mjeke familjare në Shërbimin e Vaksinimit.

Gjatë ligjëratës u prezantuan evidencat shkencore që tregojnë qartë se vaksina MMR është e sigurt dhe efektive dhe nuk ka asnjë lidhje me autizmin. U diskutua rëndësia e vaksinës për parandalimin e tri sëmundjeve të rrezikshme:

Fruthi – shumë ngjitës dhe me komplikime të rënda si pneumonia dhe encefaliti.

Shytat – mund të shkaktojë meningjit, humbje të dëgjimit dhe probleme riprodhuese.

Rubeola – rrezik serioz për gratë shtatzëna dhe foshnjat e lindura me dëmtime të pakthyeshme.

Ligjërata gjithashtu theksoi rolin kyç të mjekëve dhe stafit shëndetësor në informimin e prindërve, rritjen e mbulueshmërisë vaksinale dhe parandalimin e shpërthimeve epidemike.

MMR është mbrojtje, jo rrezik.
Vaksinimi mbron fëmijët dhe komunitetin.

22/01/2026

https://www.facebook.com/share/1HPmmPKpUZ/