Dr Almedin Ramizi - Endokrinolog

17/02/2026

15/02/2026

Kreatina dhe rëndësia e sajë në organizëm

*Rritje e fuqisë muskulore
*Rritje e volumit muskulor (mbajtje uji brenda qelizës muskulore)
*Përmirësim i performancës në sporte si fitnes, sprint, peshëngritje
*Ka studime që sugjerojnë përfitime edhe në funksionin kognitiv

Forma më e studiuar: Kreatina monohidrat

⚠️ Efektet anësore
Mbajtje e lehtë e ujit
Rritje e lehtë e peshës trupore
Rrallë: shqetësime gastrointestinale
❗ Te personat me sëmundje të veshkave duhet kujdes dhe konsultë mjekësore.

08/02/2026

Hyperandrogjenizmi

Hyperandrogjenizmi është gjendje kur në organizëm ka nivel të rritur të hormoneve androgjene (p.sh. testosteroni), sidomos te femrat dhe mund të shkaktojë ndryshime të dukshme hormonale e fizike.
🔬 Shkaqet më të shpeshta
*Sindroma e vezoreve policistike (PCOS) – shkaku më i zakonshëm
*Hiperplazia kongjenitale e gjendrës mbiveshkore
*Tumore ovariane ose adrenale (të rralla, por të rëndësishme)
Sindroma Cushing
*Medikamente (p.sh. steroidë anabolikë)
*Rezistenca ndaj insulinës / obeziteti
🚨 Shenjat dhe simptomat
Hirsutizëm – rritje e qimeve në fytyrë, gjoks, bark
Akne dhe lëkurë e yndyrshme
Çrregullime menstruale ose amenorre
Infertilitet
Rënie e flokëve sipas modelit mashkullor
Zë më i trashë, rritje e masës muskulore (në raste të rënda)
🧪 Diagnostikimi
Analiza hormonale:
Testosteron total & i lirë
DHEA-S
Androstendion
LH, FSH
SHBG
Ekografi e vezoreve
Në raste të zgjedhura: CT/MRI e adrenaleve

📌 Trajtimi gjithmonë individualizohet dhe kërkon ndjekje nga endokrinologu.

04/02/2026

Hyperprolaktinemia është gjendje kur niveli i hormonit prolaktinë në gjak është më i lartë se normalja.
🔹 Shkaqet më të shpeshta:
Adenoma e hipofizës (prolaktinoma)
Stresi
Disa barna (antipsikotikë, antidepressantë)
Hipotiroidizmi
Shtatzënia dhe gjidhënia
🔹 Simptomat:
Çrregullime të ciklit menstrual, infertilitet
Galaktorre (sekrecion qumështi jashtë gjidhënies)
Ulje e libidos, disfunksion erektil te meshkujt
Dhimbje koke, çrregullime të shikimit (në raste të rralla)

30/01/2026

Tiroideja dhe planifikimi i shtatzënisë

Gjëndra tiroide është thelbësore për fertilitetin dhe zhvillimin e shëndetshëm të fetusit.
Pse është e rëndësishme?
Hormonet tiroide ndikojnë drejtpërdrejt në:
*ovulacionin dhe fertilitetin
*zhvillimin neurologjik të fetusit (sidomos në tremujorin e parë).

Para shtatzënisë duhet të kontrollohen:
✔ TSH
✔ FT4
✔ Anti-TPO ± Anti-TG (nëse dyshohet autoimunitet)

Objektivi ideal i TSH është < 2.5 mIU/L para konceptimit.

18/09/2025

Menopauza dhe dhimbja e eshtrave

Menopauza shpesh shoqërohet me dhimbje të eshtrave dhe kyçeve, dhe kjo lidhet kryesisht me ndryshimet hormonale që ndodhin në këtë periudhë.

Pse ndodh?

Ulja e estrogjenit → përshpejton humbjen e masës kockore, duke rritur rrezikun për osteopeni dhe osteoporozë.

Çrregullimet hormonale ndikojnë edhe në indet përreth kyçeve (ligamente, muskuj), duke sjellë dhimbje muskulare dhe artralgji.

Mungesa e vitaminës D dhe kalciumit shpesh përkeqëson simptomat.

Pasojat e mundshme

Rritje e rrezikut për fraktura, sidomos në shtyllën kurrizore, qafën e femurit dhe kyçet e dorës.

Dhimbje të vazhdueshme në shpinë, gjunjë, ije, që ndikojnë në cilësinë e jetës.

Çfarë mund të bëhet?

Diagnoza dhe monitorimi

Densitometria kockore (DEXA scan) për të vlerësuar osteopeninë/osteoporozën.

Analizat për kalcium, vitaminë D, fosfat, PTH, TSH nëse dyshohet për çrregullime endokrine.

Ndryshimet në stilin e jetesës

Aktivitet fizik i rregullt (sidomos ushtrime me pesha të lehta dhe ecje).

Dietë e pasur me kalcium (qumësht, kos, djathë, zarzavate jeshile).

Ekspozim i mjaftueshëm në diell (vitamina D natyrale).

Shmangia e duhanit dhe alkoolit.

Suplementet dhe trajtimi

Kalcium + Vitaminë D sipas nevojës.

19/08/2025

Insulin rezistenca është një gjendje metabolike ku qelizat e trupit (muskulore, yndyrore dhe hepatike) nuk reagojnë normalisht ndaj veprimit të insulinës. Si pasojë, pankreasi sekreton më shumë insulinë për të arritur të njëjtin efekt, duke shkaktuar hiperinsulinemi.

Shkaqet kryesore

Obeziteti abdominal (yndyra rreth belit)

Mungesa e aktivitetit fizik

Dieta e pasur me sheqerna dhe yndyra të përpunuara

Gjenetika

Disa barna (kortikosteroidet, antipsikotikët atipikë, etj.)

Simptomat (shpesh jo specifike)

Lodhje kronike

Shtim në peshë, sidomos rreth belit

Vështirësi për të humbur peshë

Lëkurë e errët në zona të palosura (acanthosis nigricans)

Tek femrat shpesh shoqërohet me PCOS

Diagnostikimi

Nuk ka një test unik, por përdoret:

HOMA-IR (nga glukoza dhe insulina esëll)

Trajtimi

Stili i jetesës (themelor)

Humbja e 5–10% të peshës trupore përmirëson ndjeshëm ndjeshmërinë ndaj insulinës.

Aktivitet fizik i rregullt (aerobik + forcë).

Dietë e pasur me perime, proteina cilësore, drithëra integrale, yndyra të shëndetshme.

Ulja e sheqernave dhe karbohidrateve të rafinuara.

Terapia farmakologjike (nëse ka indikacione).