18/01/2024
Luksacioni i protezës totale të kërdhokullës.
Shkaqet më të shpeshta të luksimit të protezës totale të kërdhokullës janë:
Prishja e balancit të forcës muskulare të femurit dhe atyre gluteal.
Vendosja jokorrekte e komponentëve protetikë gjatë operimit.
Mos ndjekja nga ana e pacientit të udhëzimeve dhe këshillave ortopedike dhe rehabilituese
Lëndimet traumatike ( të cilat shpesh mund të përcillen edhe me fraktura ).
Në aspektin statistkor, luksacioni i protezes totale të kërdhokullave varion nga 0.5-10% të rasteve ( në varësi nga autorë të ndryshëm si dhe serioziteti i vet pacientave për të ndjekur udhëzimet ortopedike).
Simptomat e një luksacioni të protezës totale të kërdhokullës janë: humbja e lëvizjes dhe pamundësia për të peshuar në këmbë si dhe dhembje në kërdhokullën e luksuar.
Diagnostifikimi kryhet nga ana e një specialisti të ortopedisë me anë të ekzaminive klinike dhe imazheve radiografike.
Reponimi bëhet gjithmonë nën sedacion të plotë nga ana e profesionistëve.
Pas reponimit, varësisht nga shkalla e lëndimeve të kryera gjatë luksimit, si dhe koha e qëndrimit në pozitë të luksuar, pacienti mund të vendoset në imobilizim për 3-4 javë, vendoset ortozë coxo-femorale për një periudhe 3 deri 6 javë, udhëzohet për regjim shtrati për rreth 3 javë, apo nëse nuk ka asnjë pengesë pas luksimit edhe mund të vazhdojë aktivitetet normale ( psh te rastet e luksimit traumatik dhe pa frakturë apo lëndime tjera përcjellëse).
Në foto kemi një rast të luksimit traumatik dhe reponimit të kryer nën sedacion të plotë ( Pacienti menjëherë peshon në këmbë dhe nuk ndien asnjë pengesë gjatë lëvizjes ). Reponimi është kryer edhe me ndihmën e ekipes në Qendren Emergjente dhe anesteziologes kujdestare në Spitalin “Isa Grezda” në Gjakovë.
P.S: Ftot - RTG janë postuar me miratimin e vet pacientit.
