Spitali i Përgjithshëm Gjilan faqja zyrtare

31/12/2025

Të nderuar qytetarë të Anamoravës dhe më gjerë

Stafi i Spitalit të Përgjithshëm në Gjilan po e përmbyll këtë vit me rezultate të mira në ofrimin e shërbimeve shëndetësore, duke marrë parasysh riorganizimin e të gjitha shërbimeve tona në objektet spitalore që nga muaji gusht.

Menaxhmenti i Spitalit të Përgjithshëm në Gjilan shpreh falënderimin më të sinqertë për të gjithë mjekët, infermierët, si dhe stafin administrativ dhe teknik, për përkushtimin, profesionalizmin dhe punën e palodhshme në shërbim të pacientëve gjatë vitit 2025.

Drejtori i Përgjithshëm, Dr. Afrim Cana, theksoi se bashkëpunimi ynë i ngushtë me Ministrinë e Shëndetësisë, SHSKUK-në, donatorët dhe stafin ka mundësuar realizimin e objektivave të përcaktuara për vitin 2025, ku qëllimi ynë kryesor ishte dhe mbetet shërbimi cilësor dhe i dinjitetshëm ndaj pacientëve tanë.

Përkushtimi ynë do të vazhdojë edhe në të ardhmen, me të gjitha kapacitetet tona profesionale, për t’u dalë në ndihmë pacientëve të rajonit të Anamoravës dhe më gjerë.

GËZUAR VITIN E RI 2026.

24/12/2025

23/12/2025

Në Spitalin e Përgjithshëm të Gjilanit u mbajt Konferenca e shtatë e Morbiditetit dhe Mortalitetit.

Konferenca u organizua nga Komiteti për Cilësi dhe Siguri të Shërbimeve Shëndetësore, i udhëhequr nga Dr. Ramadan Halimi, i cili edhe bëri hapjen e konferencës duke prezantuar rëndësinë e saj dhe objektivat kryesore.

Në këtë konferencë u diskutuan katër tema nga repartet: Reparti i Sëmundjeve të Zemrës, Neurologjia dhe Emergjenca.

Drejtori ekzekutiv i Spitalit të Përgjithshëm të Gjilanit, Dr. Afrim Cana, ka përgëzuar komitetin për sigurinë dhe cilësinë e shërbimeve për organizimin e konferencës dhe aktiviteteve të ndryshme që rrjedhin nga ky komision.

Ai theksoi se angazhimi i tij do të jetë maksimal për të përkrahur këtë konferencë dhe organizime të ngjashme, me qëllim të identifikimit të praktikave që kontribuojnë në përmirësimin e cilësisë së shërbimeve shëndetësore, duke shprehur gatishmërinë për përkrahje të vazhdueshme.

Morbiditeti dhe mortaliteti janë tregues të rëndësishëm në vlerësimin e gjendjes shëndetësore dhe të cilësisë së shërbimeve shëndetësore. Morbiditeti i referohet shpeshtësisë së sëmundjeve, komplikimeve apo gjendjeve shëndetësore, ndërsa mortaliteti tregon shkallën e vdekshmërisë së shkaktuar nga sëmundje të ndryshme ose faktorë të tjerë shëndetësorë.

19/12/2025

Në kuadër të aktiviteteve të zhvilluara, është realizuar analiza e performancës profesionale për disa shërbime internistike dhe kirurgjike.

“Në këtë kuadër, është prezantuar analiza e performancës profesionale në shërbimet e Internës dhe të Gjinekologjisë.

Janë prezantuar indikatorët e punës për periudhën Prill–Maj–Qershor 2025, ndërkohë që analiza e performancës profesionale do të vazhdojë edhe për shërbimet e tjera.

08/12/2025

Ministria e Shëndetësisë dhe SHSKUK sjellin pajisje moderne mjekësore në Spitalin e Përgjithshëm të Gjilanit – DIGITAL C-ARM SYSTEM

Spitali i Përgjithshëm në Gjilan është pajisur me aparaturën e avancuar Digital C-ARM System, një teknologji moderne që rrit ndjeshëm cilësinë e shërbimeve diagnostike.

Drejtori i Spitalit, Dr. Afrim Cana, theksoi:

Bashkëpunimi ynë i vazhdueshëm me Ministrin e Shëndetësisë dhe SHSKUK po sjell rezultate konkrete për pacientët dhe stafin tonë. Instalimi dhe vënia në funksion e pajisjes së re DIGITAL C-ARM SYSTEM në Spitalin e Përgjithshëm Gjilan po mundëson avancimin e shërbimeve diagnostike, rritjen e cilësisë së trajtimit dhe ofrimin e një kujdesi më të shpejtë dhe më të saktë për pacientët tonë.

Bashkëpunimi ndërmjet SHSKUK-së dhe Spitalit të Përgjithshëm të Gjilanit po dëshmohet si një model i suksesshëm i zhvillimit të kapaciteteve shëndetësore. Përmes koordinimit të përbashkët me investimet e synuara, po krijohen kushte më moderne pune për stafin mjekësor dhe shërbime më cilësore për pacientët e Ortopedisë dhe Traumatologjisë.

Fluroskopia është një pajisje që shërben si ndihmë e rëndësisë së veçantë në mjekimet më të avansuara me metoda bashkëkohore në Ortopedi e Traumatologji, si në trajtimet operative të hapura, në ato minimal invazive, por sidomos në ato të mbyllura, ku fluoroskopia quhet edhe ’syri i tretë’ i Kirurgut Ortoped.

28/11/2025

13/11/2025

Në kuadër të organizimit dhe planifikimit të temave profesionale për Edukimin e Vazhdueshëm Profesional, të zhvilluara nga menaxhmenti dhe mjekët e Repartit të Pediatrisë në SPGJ, u prezantua tema “Bronkioliti akut”.

Temën e prezantoi Dr. Sadik Rash*ti, Specialist Pediatër.

Bronkioliti akut ka rëndësi të veçantë në praktikën pediatrike dhe pulmologjike, pasi është një nga shkaqet më të shpeshta të infeksioneve të rrugëve të poshtme të frymëmarrjes te foshnjat dhe fëmijët e vegjël.

Në kuadër të kësaj teme, Dr. Sadik Rash*ti prezantoi edhe disa raste të trajtuara me sukses në Repartin e Pediatrisë, të cilët ishin diagnostikuar me bronkiolit akut.

Ekipit të Pediatrisë në SPGJ i urojmë suksese të mëtejshme në vazhdimësi.

13/11/2025

Menaxhmenti i Spitalit të Përgjithshëm Gjilan priti në takim KFOR-in Turk në Kosovë Major Sadettin Bal dhe ekipin e tij.

Drejtori ekzekutiv i Spitalit të Përgjithshëm Gjilan Dr.Afrim Cana ju dëshiroj mirëseardhje përfaqësuesëve të Kforit Turk duke i falënderuar për kontributin e dhënë në Shëndetësin e Republikës së Kosovës e në veçanti në Spitalin e Përgjithshëm Gjilan.

Pranimi i donacionit nga Kfori Turk i tri makinave për Lavanderin e Spitalit sigurisht se rrisin kapacitetet dhe efikasitetin në ofrimin e shërbimeve shëndetësore dhe atyre ndihmëse teknike duke marë parasysh shumë faktor në shërbimet tona 24/7, gjithashtu ky donacion forcon bashkëpunimin tonë në të ardhmen.

Major Sadettin Bal theksoj se jemi shumë të kënaqur me bashkëpunimin që kemi me Spitalin e Gjilanit, ky donacion do të rrit kapacitetet në shërbimin teknik përkatësisht në Lavanderin e Spitalit të Përgjithshëm Gjilan.

Bashkëpunimi jonë do të vazhdoj edhe më tutje me institucionet shëndetësore dhe ato Arsimore.

Pjesë e diskutimit ishte edhe shkëmbimi i përvojave të ndryshme të cilat ndihmojnë shumë në përmirësimin e cilësisë së shërbimeve në Spitalin e Përgjithshëm Gjilan.

08/11/2025

Spitali i Përgjithshëm Gjilan

Të nderuar qytetar të Anamoraves, Kosovës lindore, dhe më gjerë ju njoftojm se shërbimi i Hemodializës vazhdon punën pa ndërprerje, ku nuk ka ndodhë në asnjë moment të kemi ndërprerje të shërbimit.

Drejtori ekzekutiv Dr.Afrim Cana theksoi se jemi në koordinim të plotë me SHSKUK dhe përgjegjësin e Hemodializës në SPGJ Dr.Afrim Bekteshi që ky shërbim të jetë aktiv me kapacitet të plot dhe normal, ashtu siq dihet planifikimet dhe objektivat tona janë që të ju dalim në ndihmë pacientëve tanë sa herë që ata kanë nevojë për shërbimet tona.

Tani më sapo kemi filluar me projektin më të ri infrastrukturor për shërbimin e Dializës, projekti i cili do të jetë sipas standardeve evropiane dhe do të jetë model në rajon.

Në fokus të veqant për menaxhmentin e Spitalit është ofrimi i shërbimeve sa më cilësore për të gjithë qytetarët që kërkojnë ndihmë në Spitalin e Përgjithshëm Gjilan.

08/11/2025

Fillojnë punimet për repartin e ri të Dializës në Spitalin e Përgjithshëm të Gjilanit

Në Spitalin e Përgjithshëm të Gjilanit kanë filluar punimet për ndërtimin e repartit të ri të Dializës, një investim shumë i rëndësishëm që do të përmirësojë dukshëm kushtet e trajtimit për pacientët që marrin këtë shërbim jetik.

Ky është investimi i parë i këtij lloji që realizohet në këtë spital për shërbimin e dializës, duke shënuar një hap të madh drejt modernizimit të infrastrukturës shëndetësore në rajon.

Aktualisht, në repartin e dializës në Gjilan ofrohen shërbime çdo ditë, me një mesatare prej mbi 500 trajtimesh në muaj, çka tregon rëndësinë e këtij sektori për komunitetin lokal dhe rajonal.

Ky projekt pritet të krijojë kushte më të mira për pacientët dhe stafin mjekësor, si dhe të rrisë cilësinë e shërbimeve shëndetësore në përgjithësi.

05/11/2025

Spitali i Përgjithshëm Gjilan, demanton kronikën e publikuar nga një medium vendor koha.net, ku pretendimet janë të pabazuara dhe të pavërtetuara lidhur me gjendjen në shërbimin e Hemodializës.

Drejtori i Spitalit të Përgjithshëm Gjilan Dr.Afrim Cana deklaroi se perkitazi me informaten e mediumit Koha.net,
nuk qëndron fakti që në SP Gjilan sot nuk është ofruar shërbimi i hemodializës për pacientët që kanë qenë në program për këtë shërbim.

Edhe në Spitalin e Përgjithshëm Gjilan situata pothuajse është identike sikur në nivel të vendit por që furnizimi ka vazhduar në baza ditore nga Barnatorja Qendrore në QKUK.

Pretendimet janë të njëanshme dhe të pavërteta, Spitali i Përgjithshëm Gjilan u bën thirrje mediave që të verifikojnë me kujdes burimet e informacionit përpara publikimit të çfarëdo materiali, për të shmangur dezinformimin publik dhe dëmtimin e imazhit të profesionistëve shëndetësorë.

22/09/2025

Njoftim

Të dashur qytetarë,

Me qëllim të parandalimit të infeksioneve spitalore dhe krijimin e kushteve më të mira për pacientët dhe personelin, nga data 23.09.2025 hyjnë në fuqi rregullat e reja për vizitorët në Spitalin e Përgjithshëm Gjilan.

Vizitorët lejohen vetëm gjatë orarit të vizitave sipas orarit të më poshtëm:
Çdo ditë, nga ora: 14:00 – 14:30 dhe 18:00 – 19:00, në të gjitha shërbimet.

Ju lusim që të respektoni orarin e vizitave sepse në këtë mënyrë garantojm mbrojtje nga infeksionet për pacientët dhe vizitorët, gjithashtu punë efikase për stafin mjekësor.

Le të kujdesemi së bashku.