Psikologe-Terapiste stimulimi Besa Salihu

08/10/2025

27/09/2025

Gabimet më të shpeshta të prindërve që pa vetëdije forcojnë sjelljet e padëshiruara te fëmijët
•Dhënia e lodrës kur fëmija qan
kjo e mëson fëmijën se çdo gjë mund të arrihet duke qarë.
•Mosaplikimi i pasojës pas një sjelljeje negative
kur mungon pasoja, fëmija nuk kupton rëndësinë e veprimeve të veta dhe nuk motivohen të ndjekin kërkesat e të rriturve.
•Konsistenca me fjalën “JO”
kur thuhet “jo”, ajo duhet të mbetet “jo”, përndryshe fëmija mëson të mos e marrë seriozisht.
•Premtimet duhet të mbahen
prindi nuk duhet të thotë “po” vetëm për ta qetësuar fëmijën. Nëse është premtuar se diçka do të ndodhë pasi të qetësohet, atëherë premtimi duhet përmbushur.

➡️ Fëmijët kuptojnë shumë dhe mësojnë kryesisht nga veprimet dhe premtimet e prindërve.

24/09/2025

Shkruan shkronjën që mungon në fjalë

• Ndihmon në zhvillimin e vëmendjes dhe përqendrimit, sepse fëmija duhet të shikojë me kujdes fjalën dhe të vërejë cila shkronjë mungon.
• Përforcon aftësitë gjuhësore dhe drejtshkrimin, duke i mësuar fëmijës se si shkruhen fjalët në mënyrën e saktë. Kjo e ndihmon të lexojë dhe të shkruajë më lehtë edhe në të ardhmen.
• Nxit kujtesën vizuale dhe dëgjimore, sepse fëmija duhet ta kujtojë si duket fjala e plotë dhe ta lidhë tingullin me shkronjën që mungon.
• Përmirëson aftësitë motorike fine, pasi përmes shkrimit të shkronjës fëmija stërvit dorën dhe gishtat, gjë që është e rëndësishme për shkrimin, vizatimin dhe punët e tjera të vogla.
• Rrit vetëbesimin dhe motivimin, sepse kur fëmija e plotëson saktë fjalën, ai ndjehet i suksesshëm dhe i aftë, gjë që e inkurajon të vazhdojë të mësojë.

24/09/2025

Rëndësia e mësimit të veprimeve përmes fotove
• Ndihmon në zhvillimin e komunikimit
fëmija mëson t’i lidhë veprimet me fjalët, duke e pasuruar fjalorin.
• Nxit kujtesën vizuale
fotot e ndihmojnë fëmijën të mbajë mend më lehtë veprimet.
• Përmirëson të kuptuarit social
fëmija mëson çfarë bëjnë njerëzit në situata të ndryshme dhe si të sillet.
• Forcon lidhjen mes gjuhës dhe veprimit
ndihmon fëmijën të kuptojë se çdo fjalë lidhet me një veprim të caktuar.
• Mbështet zhvillimin e të menduarit
fëmija fillon të lidhë shkakun me pasojën

22/09/2025

Faza e Përshtatshmërisë

Faza më e rëndësishme në fillimin e një terapie është faza e përshtatshmërisë së fëmijës me ambientin dhe terapistin. Në këtë periudhë ofrohen lodrat dhe zhvillohet loja e përbashkët, e cila shërben si urë për krijimin e lidhjes së parë emocionale e sociale me fëmijën. Përmes lojës mundësohet vëzhgimi i aspekteve thelbësore të ndërveprimit dhe bashkëveprimit, duke na orientuar më pas drejt fushave ku duhet të fokusohet terapia.
•Një rëndësi të veçantë kjo fazë ka edhe për identifikimin e përforcuesve më të fuqishëm, të cilët përdoren gjatë procesit terapeutik si mjet kushtëzimi për të eliminuar sjelljet jo të përshtatshme dhe për të inkurajuar sjelljet e dëshiruara.
Përshtatshmëria nuk është një hap i vetëm, por zhvillohet gradualisht, duke filluar nga përshtatshmëria e lirë deri në përshtatshmërinë e strukturuar, e cila e përgatit fëmijën për fillimin e terapisë së mirëfilltë.
Pa këtë hap të parë, terapia nuk mund të jetë rezultative.

18/02/2025

28/01/2025

Mësojmë aftësi të nevojshme për jetën dhe zhvillojmë motorikën fine. Kapëset e vogla luajnë një rol të rëndësishëm në përmirësimin e fleksibilitetit të gishtërinjve. Përveç kësaj, në mënyrë logjike, mësojmë si të vendosim rrobat në varëse me saktësi dhe organizim.

11/01/2025

Çrregullimet në sjellje tek fëmijët kërkojnë një qasje të strukturuar dhe të kujdesshme për t’u trajtuar me sukses. Në rastet kur fëmija shfaq sjellje problematike, rekomandohen hapat e mëposhtëm:
1. Analizimi i sjelljes: Vlerësoni natyrën dhe frekuencën e sjelljes problematike për të kuptuar më mirë shkaqet dhe ndikimet e saj.
2. Identifikimi i situatave nxitëse: Përcaktoni rrethanat ose mjediset që shkaktojnë sjelljen e padëshiruar, si p.sh. situata stresuese ose ndryshime në rutinë.
3. Ndërhyrjet në sjellje: Përdorni shpërblime pozitive për të inkurajuar sjelljet e dëshiruara dhe shpërblime negative për të dekurajuar ato problematike.
4. Analiza e efektshmërisë së ndërhyrjeve: Monitoroni dhe vlerësoni se sa efektive janë strategjitë e zbatuara në ndryshimin e sjelljes së fëmijës.
5. Mbajtja e shënimeve: Regjistroni sjelljet e fëmijës për të identifikuar modele dhe për të vlerësuar progresin me kalimin e kohës.
6. Shpërblimi i përparimit: Inkurajoni fëmijën kur ai fillon të mos shfaqë sjellje problematike në situata ku më parë ka vepruar ndryshe, duke forcuar kështu sjelljet pozitive.
7. Bashkëpunimi prind-terapist: Një bashkëpunim i ngushtë ndërmjet prindërve dhe terapistit është thelbësor për të siguruar një qasje të unifikuar dhe efektive në trajtimin e sjelljeve problematike.

Forma e prindërimit luan një rol të rëndësishëm në zhvillimin e sjelljes së fëmijës. Disa këshilla për prindërit përfshijnë:
• Nuk është gabim të thoni “jo” në situata kur e shihni të arsyeshme; vendosja e kufijve të qartë ndihmon në formimin e disiplinës.
• Nuk është gabim ta përqafoni fëmijën kur kërkon afeksion, por sigurohuni që kjo të mos ndodhë si rezultat i qarjes ose bërtitjes; inkurajoni shprehjen e qetë të emocioneve.
• Nuk është gabim të injoroni kërkesat për vëmendje kur fëmija i shpreh në mënyrë të papërshtatshme; kjo ndihmon në mësimin e mënyrave të duhura për të kërkuar vëmendje.
• Nuk është gabim t’i plotësoni dëshirat fëmijës, por kërkoni që ai t’i shprehë ato qetësisht dhe pa qarë; kjo promovon komunikimin efektiv.
• Nuk është gabim të flisni në një gjuhë tjetër, por është e rëndësishme që në shtëpi e gjithë familja të komunikojë në të njëjtën gjuhë për të shmangur konfuzionin te fëmija.

Nëse prindi flet me fëmijën në një gjuhë të huaj, ndërsa me familjarët e tjerë në një gjuhë tjetër, fëmija mund të bëhet konfuz. Ky konfuzion mund të shkaktojë sjellje problematike, pasi fëmija nuk arrin të shprehë dhe të kuptojë nevojat apo dëshirat e tij.

Prindër, kini parasysh se të gjitha arrihen me kohë, punë dhe përkushtim. Ndërhyrja e hershme dhe e vazhdueshme është çelësi për të ndihmuar fëmijën tuaj të zhvillohet në mënyrë të shëndetshme dhe të suksesshme.