11/05/2025
Insulina u zbulua në vitin 1921 nga dy shkencëtarë kanadezë, Frederick Banting dhe Charles Best, në laboratorin e John Macleod në Universitetin e Torontos.
Zbulimi i tyre ishte një nga arritjet më të mëdha në mjekësinë moderne dhe shpëtoi miliona jetë njerëzish që vuanin nga diabeti.
Ideja fillestare ishte nga Banting ne 1920 një mjek i ri, kishte lexuar studime që sugjeronin se pankreasi prodhonte një substancë që kontrollonte sheqerin në gjak. Ai mendonte se, nëse bllokohej pjesa e pankreasit që prodhonte enzima tretëse, mund të izolohej “substanca që ul sheqerin” (që sot njihet si insulinë).
Ne 1921 eksperimentet me qen me ndihmën e studentit Charles Best, ata bënë eksperimente te qentë. Hoqën pankreasin te disa qen për t’i bërë diabetikë, pastaj injektuan ekstrakte të marra nga pankreasi i kafshëve të tjera.
Kur i injektuan ekstraktin një qeni diabetik, panë që niveli i sheqerit në gjak ra – një provë që ekstrakti përmbante një substancë që funksiononte.
Me ndihmën e biokimistit James Collip, ata pastruan insulinën për përdorim te njerëzit. Në janar 1922, një djalë 14-vjeçar me diabet, Leonard Thompson, u bë personi i parë që mori insulinë – dhe jeta e tij u shpëtua.
Shkencëtarët shkuan në një repart spitalor me fëmijë diabetikë, shumica e tyre komatozë dhe qe po vdisnin nga keto-acidoza diabetike. Kjo njihet si një nga momentet më të pabesueshme të mjekësisë.
Imagjinoni një dhomë plot prindër të ulur në shtratet e vogelusheve duke pritur vdekjen e pashmangshme të me te dashurve së tyre. Shkencëtarët shkuan nga shtrati në shtrat dhe injektuan tek fëmijët ekstraktin e ri të pastruar te sapo zbuluar - Insulinë.
Ndërsa ishin duke injektuar insulinen te femija i fundit ne gjendje kome, fëmija i parë te cilit i ishte injektuar Insulina filloi të zgjohej nga koma dhe te hapte syte.
Pastaj një nga një, të gjithë fëmijët filluan te zgjohen nga komat e tyre diabetike. Një dhomë e vdekjes dhe e errësirës, u bë një vend i gëzimit dhe shpresës. Falë Dr. Banting dhe Dr Best!
Në fillim të viteve 1920 Dr.Frederick Banting dhe Dr.Charles Best zbuluan Insulinën nën drejtimin e John Macleod në Universitetin e Torontos. Me ndihmën e James Collip insulina u pastrua, duke e bërë atë të disponueshme për trajtimin e suksesshëm të diabetit.
Çmimi Nobel:
Në vitin 1923, Banting dhe Macleod morën Çmimin Nobel në Mjekësi. Banting ia ndau gjysmën e çmimit Charles Best-it, ndërsa Macleod ia ndau gjysmën e tij James Collip-it.
