Dr. sci. Arlind Batalli-Kardiolog

13/01/2026

LDL kolesteroli ( yndyra keqe)nuk vlerësohet njësoj për të gjithë.
Targetet përcaktohen sipas rrezikut individual dhe ulen për të parandaluar infarktin dhe insultin.

Parandalimi modern nuk nis kur shfaqen simptomat,
por kur rreziku identifikohet dhe trajtohet herët.

08/01/2026

Temperaturat e ulëta & zemra

I ftohti nuk është neutral për trupin.
Temperaturat e ulëta:

⚠️ngushtojnë enët e gjakut
⚠️rrisin tensionin arterial
⚠️shtojnë ngarkesën mbi zemër
⚠️rrisin rrezikun për ngjarje kardiovaskulare

Kush duhet të ketë kujdes
⚠️personat me hipertension
⚠️sëmundje koronare
⚠️moshat e shtyra

Si ta shijojm dimrin pa probleme
✅kontroll i rregullt i Tensionit
✅vazhdim i terapisë
✅Veshuni mire kur ekspozoheni në të ftohët
✅reagim i hershëm ndaj simptomeve

31/12/2025

Gëzuar Vitin e Ri!
Shëndet mbi të gjitha,paqe në familje dhe ditë më të mira përpara.

30/12/2025

Ushqimi i festave nuk e dëmton zemrën.
Abuzimi po.

Një pjatë e balancuar pak mish dhe perime,një ëmbëlsirë, një gotë .. janë pjesë e normales. Problemi nis kur “vetëm sot” kthehet në disa ditë rresht më shumë alkool, pak gjumë, ushqim i tepërt.

Kjo është arsyeja pse mund të shfaqet ajo që njihet si Holiday Heart Syndrome, palpitacione dhe aritmi, shpesh edhe te persona pa sëmundje të mëparshme të zemrës.

Zemra nuk kërkon perfeksion. Kërkon masë.

Gëzuar 2026, me shëndet për të gjithë!

25/12/2025

Niveli më i sigurt i konsumit të alkoolit për shëndetin është zero.
Përfitimet e supozuara kardiovaskulare janë të vogla, dhe të varura nga profili individual.
Studimet e fundit tregojnë se përfitimi kardiovaskular i alkoolit është i kufizuar dhe jo i garantuar për të gjithë.
Gëzuar Festat!

24/12/2025

Gëzuar Krishtlindjet! 🎄✨
Uroj që kjo festë t’ju gjejë me shëndet, paqe dhe ngrohtësi familjare

16/12/2025

Sëmundjet e zemres!

Subscribe dhe aktivizo 🔔 për t'u njoftuar për të gjitha videot e reja.

16/12/2025

Gabimet më të shpeshta nuk vijnë nga mungesa e dijes, por nga neglizhenca, vetëbesimi i tepruar dhe pritja që simptomat të bëhen serioze

08/12/2025

Ngjarjet e papritura Kardiake tek të rinjet

Ngjarjet kardiake të papritura tek të rinjtë, që mund të përfundojnë me arrest kardiak dhe fatalitet, zakonisht lidhen me faktorë të njohur
faktorët gjenetikë, sëmundja koronare e hersheme, sëmundjet e lindura të fshehta të zemrës (HCM, Brugada, Long QT, WPW, anomalitë koronare), aritmitë primare, miokarditi pas infeksioneve virale, si edhe përdorimi i stimulantëve apo ngarkesa e tepruar fizike.

Shpesh këta faktorë qëndrojnë të heshtur për një kohë të gjatë dhe dalin në pah vetëm në situata stresi fiziologjik.

Shenjat paralajmëruese si marramendja gjatë aktivitetit, rrahjet e çrregullta, presioni në gjoks ose lodhja e pazakontë duhet të merren seriozisht, sidomos tek të rinjtë aktivë.

Parandalimi bazohet në kontrolle rutinë (EKG + EKO)
Me vëmendje të vogël dhe qasje të hershme, shumica e këtyre rasteve mund të identifikohen dhe të parandalohen.

05/12/2025

Infarkti shpesh vjen pa paralajmërim…
por arteriet dëmtohen vite më herët.
Zgjedhjet e vogla të përditshme bëjnë diferencën. ❤️

28/11/2025

Gëzuar 28 Nëntorin!
Sot nderojmë historinë, identitetin dhe sakrificën që na solli këtu ku jemi.
Le të vazhdojmë të punojmë me përkushtim për një shëndet më të mirë dhe një të ardhme më të fortë për vendin tonë.

25/11/2025

Shumë probleme të zemrës fillojnë në heshtje. Kontrolli i rregullt është mënyra më e sigurt për t’i zbuluar herët.