27/12/2021
Vitamina C(acidi L-askorbik)është vitaminë e tretshme në ujë që është e pranishme në disa ushqime, dhe e disponueshme si një shtesë dietike. Njerëzit, ndryshe nga shumica e kafshëve, nuk janë në gjendje të sintetizojnë vitaminën C në mënyrë endogjene, kështu që është një përbërës thelbësor dietik.
Vitamina C nevojitet për biosintezën e kolagjenit, L-karnitinës dhe disa neurotransmetuesve, është gjithashtu e përfshirë në metabolizmin e proteinave. Kolagjeni është një përbërës thelbësor i indit lidhor, i cili luan një rol te rëndesishem në shërimin e plagës. Vitamina C është gjithashtu një antioksidant i rëndësishëm fiziologjik dhe është treguar se rigjeneron antioksidantë të tjerë brenda organizmit, përfshirë alfa-tokoferolin (vitamina E). Përveç funksioneve të saj biosintetike dhe antioksiduese. Vitamina C luan një rol të rëndësishëm në rritjen e imunitetit dhe përmirëson perthithjen e hekurit.
Vitamina C është një antioksidant që ndihmon në mbrojtjen e qelizave nga efektet e radikaleve të lira - molekula te prodhuara gjate proceseve te ndryshme metabolike ose kur është i ekspozuar ndaj tymit të duhanit dhe rrezatimit UV, rrezet X ose burime të tjera. Radikalet e lira mund të luajnë një rol në sëmundjet e zemrës, kancer dhe sëmundjet e tjera kronike.
Marrja e pamjaftueshme e vitaminës C shkakton skorbutin i cili karakterizohet me gjakderdhje të mish*t të dhëmbëve, mavijosje dhe shërim të dobët të plagëve.
Vitamina C duke kufizuar efektet dëmtuese të radikalëve të lirë përmes veprimtarisë së saj antioksiduese, mund të ndihmojë në parandalimin ose vonimin e zhvillimit të kancereve të caktuara, sëmundjeve kardiovaskulare dhe sëmundjeve të tjera në të cilat stresi oksidativ luan një rol shkakësor.
Shumica e njerëzve marrin mjaftueshëm vitaminë C nga një dietë e ekuilibruar. Njerëzit të cilët mund të jenë të ndjeshëm ndaj mungesës së vitaminës C mund të përfitojnë nga përdorimi i suplementeve të vitaminës C.
Sasia e rekomanduar ditore e vitaminës C është 100-200 miligramë për të rritur doze e cila mund te ndryshoj nga gjendja shendetsore e personit.
Përdorimi i suplementeve të vitaminës C mund të shkurtojë kohëzgjatjen e ftohjes së zakonshme dhe ashpërsinë e simptomave.
Vitamina C mund të ketë efekt antiviral kundër viruseve të shumëta të frymëmarrjes përveç viruseve të tjerë të ADN-së dhe ARN-se. Ky efekt ka mund të jetë dytësor permes rritjes se përgjigjes imunologjike kundër infeksioneve virale sesa një efekt të drejtpërdrejtë kundër replikimit viral.Vitamina C përmirëson përgjigjen imune antivirale duke rritur prodhimin e interferonit dhe stimulimin e përhapjes së limfociteve.
