05/02/2026
Përdorimi i ujit të qeshmes për pastrimin e lenteve të kontaktit dhe neglizhimi i rregullave të higjienës është rrezik. Uji i qeshmes përmban mikroorganizma të dëmshëm që mund të ngjiten në sipërfaqen e lentes. Është një domosdoshmëri shkencore që lentet të pastrohen gjithmonë me solucione të posaçme sterile, për të parandaluar infeksione si keratiti, i cili mund të çojë në dëmtime të përhershme të shikimit.
Vazhdimi i përdorimit të lenteve të kontaktit pa i ndërruar sipas afatit (ditore, javore, mujore) është rrezik.Kornea merr oksigjenin e nevojshëm drejtpërdrejt nga ajri. Tejkalimi i kohës së lejuar të përdorimit të lenteve e pengon këtë proces dhe shkakton skuqje, dhimbje dhe ndjeshmëri në sy. Për sigurinë tuaj shëndetësore, duhet t’i përmbaheni strikt kalendarit të ndërrimit të rekomanduar nga mjeku.
Neglizhimi i heqjes së lenteve të kontaktit gjatë gjumit të natës gjithashtu është rrezik.Mbyllja e qepallave gjatë gjumit ul tashmë nivelin e oksigjenit, ndërsa prania e lentes rrit ndjeshëm rrezikun e infeksioneve. Heqja e lentes para gjumit i mundëson kornesë të pushojë dhe të rigjenerohet gjatë natës.
Këmbëngulja në përdorimin e lenteve të kontaktit kur shfaqen shenja si skuqje, djegie apo shikim i turbullt prap rrezik.Çdo shenjë shqetësimi në sy tregon se indet okulare janë nën stres. Në këto raste, përdorimi i lenteve duhet të ndërpritet menjëherë dhe një mjek specialist duhet të vlerësojë nëse bëhet fjalë për irritim apo për një infeksion serioz.
“Kujdesu për veten, shijo jetën qartë"
