10/08/2025
Zhvillimi i vetëbesimit tek fëmijët
Vetëbesimi është mënyra si e sheh dhe e vlerëson fëmiu vetën e tij. Ajo ndikon në shumë aspekte të zhvillimit të fëmiut, në sjelljet e tij, qëndrimet, në mënyrën e komunikimit si dhe në marrëdhëniet sociale që ai ndërton. Disa mënyra të cilat ndihmojnë fëmiun të ketë një vetëbesim të lartë janë:
1.Ndihmoje fëmijën të mësojë të bëjë gjëra. Për një fëmijë, të mësojë të mbajë një filxhan ose të hedhë hapat e parë i jep një ndjenjë arritjeje dhe kënaqësie. Ndërsa fëmija rritet, mësimi i gjërave si veshja, leximi apo ngasja e biçikletës janë mundësi për të zhvilluar vetëvlerësimin.
2.Lavdëro përpjekjet. Shmang lavdërimin vetëm të rezultateve por lavdëroni edhe gjatë realizimit të detyrave.
3.Ji i/e sinqertë. Lavdërimi që nuk ndihet i merituar nuk tingëllon i vërtetë. Për shembull, t’i thuash fëmijës që luajti një lojë të shkëlqyer kur e di që nuk ishte dita e tij më e mirë, mund të ndihet i pavërtetë. Në vend të kësaj, mund të thuash: “Edhe pse nuk ishte loja jote më e mirë, jam krenar/e që nuk u dorëzove.”
4.Ji një model i mirë. Kur ti përpiqesh në detyrat e përditshme (si gatimi ose larja e enëve), vendos një shembull të mirë. Fëmija yt mëson të përpiqet edhe ai në detyrat e tij, si bërja e detyrave të shtëpisë, pastrimi i lodrave apo rregullimi i shtratit.
5.Shmang kritikën e tepërt. Mesazhet që fëmijët dëgjojnë për veten e tyre ndikojnë në mënyrën se si ndihen. Fjalët e ashpra ose komentet negative nuk i motivojnë, por mund të dëmtojnë vetëbesimin e tyre. Korrigjoji me durim.
6.Përqendrohu te pikat e forta. Vëzhgo çfarë fëmijët e tu bëjnë mirë dhe çfarë i pëlqen të bëjnë. Sigurohu që ata të kenë mundësi të zhvillojnë këto aftësi.
7.Lejo fëmijët të ndihmojnë dhe të japin. Vetëbesimi rritet kur fëmijët shohin që veprimet e tyre kanë ndikim te të tjerët. Ata mund të ndihmojnë në shtëpi, të marrin pjesë në një projekt shoqëror në shkollë ose t’i ndihmojnë vëllait/motrës.
Duke ndihmuar fëmijët në rritjen e vetëbesimit,
ata do të kenë guximin të provojë gjëra të reja dhe të marrë vendime për veten e tyre.
