04/11/2025
Një tjetër vizitë e bukur gjatë tetorit, e kësaj here në Prizren!!
Sabina Musliu, themeluese dhe psikologia klinike e qendrës sonë, mbajti një prezantim si ligjëruese e ftuar në Medresen “Alauddin”.
Ligjërata e saj u përqendrua në harmoninë mes trupit dhe mendjes, duke ndarë njohuri shkencore dhe reflektime të thjeshta mbi mënyrat se si gjërat e vogla — një shëtitje, një vakt i mirë, një frymëmarrje e thellë — mund të ndihmojnë në ruajtjen e ekuilibrit mes provimeve, miqësive dhe ritmit të jetës së përditshme.
Pastaj erdhi pjesa më e mirë: sesioni i pyetjeve dhe përgjigjeve! Nxënësit ishin të hapur, kureshtarë dhe plot interes për të mësuar më shumë — një energji që e bën çdo takim të vlefshëm.
Por, ajo që na preku më shumë? Mikpritja e ngrohtë nga nxënësit dhe stafi — çaji, bisedat, buzëqeshjet.
Faleminderit Medresesë për ftesën, bashkëpunimin dhe vëmendjen e sinqertë.
–deri në takimin tjetër!
