24/10/2025
🎀 Një hap përpara në kujdesin ndaj pacientëve onkologjikë – në Muajin Rozë të ndërgjegjësimit për kancerin e gjirit.
Në kuadër të Muajit Rozë, kushtuar ndërgjegjësimit për kancerin e gjirit, AGS Corporation ka dhuruar në Qendrën Klinike Universitare të Kosovës (QKUK) pajisjen inovative “Scalp Cooling System”, për Klinikën e Onkologjisë.
Kjo pajisje e avancuar, e prodhuar nga kompania britanike Paxman Scalp Cooling, ndihmon në reduktimin e humbjes së flokëve gjatë kimioterapisë, duke lehtësuar ndjeshëm përvojën fizike dhe emocionale të pacientëve gjatë trajtimit.
Në ceremoninë e dorëzimit morën pjesë drejtues të QKUK-së, Klinikës së Onkologjisë, si dhe përfaqësues nga kompania britanike Paxman.
Ky donacion, i realizuar në këtë muaj simbolik, është pjesë e misionit tonë për të përmirësuar cilësinë e trajtimit në institucionet publike shëndetësore dhe për të sjellë në Kosovë teknologjitë më bashkëkohore mjekësore në shërbim të pacientëve.
🤝 Falënderim i veçantë për Paxman dhe për të gjithë partnerët tanë që ndajnë të njëjtin vizion – shërbim më të mirë, kujdes më human dhe jetë me dinjitet.
