Visar Sadiku Psikolog Klinik

24/09/2025

Të lumtur të ju informojmë që nga ky moment do kemi mundësinë të rrisin numrin e pjesëmarrësve në trajnimin që do mbahet me datë 18 tetor 2025 në sirius hotel Prishtinë
“ÇRREGULLIMET E SPEKTRIT TË AUTIZMIT”.

Numri shtesë i pjesëmarrësve që mund të pranohen +20.
Të drejtë për pjesëmarrje: studentët dhe të diplomuarit në:
-psikologji,logopedi,mësues, edukatorë, punonjës social.

Trajnimi është i akredituar nga OIK dhe certifikata nga trajnimi bartë pikë kredituese të cilat vlejn për licencim/rilicencim.
Pjesëmarrës aktive 9 pikë
Pjesëmarrës pasive 6 pikë

Sqarim shtesë: Ky trajnim do mbahet vetëm 1x në vitë ndaj ju ftojmë të përfitoni nga ekspertiza e psikologut Visar 🙂
📍Sirius Hotel- Prishtinë
🕰️ 10:00-16:00.
Pagesa për pjesëmarrje: 30€.

Regjistrimi përmes numrit: +383 43 864 550

23/09/2025

Çdo shtator femijet me autizem refuzohen ne shkolla, çdo shtator prinderit e femijeve me autizem duhet te “luftojne” per mireqenjen e femijeve te tyre, per te drejtat e tyre te garantuara me ligjet e shtetit dhe Konventave Nderkomtare.

23/09/2025

Të nderuar mërgimtarë,

Ju njoftojmë që terminet për muajin dhjetor kanë filluar të caktohen, dhe ne kemi vënë në dispozicjon 50 vende për vlerësimin e fëmijëve që jetonë jashtë vendit.

Jemi të vetëdijshëm që këto vende mund të mos mjaftojnë mirëpo nuk do kemi mundësi kohore për më shumë termine në muajin dhjetor 2025, për shkak të termineve të cilat caktohen çdo ditë nga qytetarët e Kosovës/Maqedonisë/Shqipërisë.

Ju lusim që kërkesat për termine ti adresoni nga tani pasiqë në rastet kur na kontaktoni sot për nesër ose pas një jave do e kemi të pamundun të ju ofrojmë zgjidhje.

📲 +383 43 864 550

18/09/2025

Ditëve të fundit, nëpër debate politike e media, fjala publike është degraduar në ofendime: “hajvan”, “kali” e fjalë të tjera që s’kanë vend as në rrugë, e jo më në ekrane kombëtare.

Por a mendoni ju, politikanë dhe gazetarë, se kush po ju dëgjon? Përveç jush që luftoni për pushtet dhe për klikime, aty janë edhe fëmijët tanë. Ata dëgjojnë çdo fjalë, e nesër në klasë do ta thërrasin shokun me të njëjtat shprehje. Pa e ditur, po i mësojmë të bullizojnë.

Ju që keni mikrofonin në dorë, keni edhe përgjegjësi. Fjalët tuaja nuk janë vetëm për kundërshtarin politik, ato formojnë kulturën e shoqërisë sonë. Me gjuhën që po përdorni sot, ju po cenoni drejtpërdrejt mirëqenien e fëmijëve tanë nesër.

Nuk është normale të normalizohet fyerja. Nuk është e pranueshme që fëmijët tanë të rriten duke menduar se sharja është “stil komunikimi”. Ju duhet të jeni shembull, jo burim i përçarjes dhe i bullizmit, duke e ditur që sot secili fëmijë para vetes ka një telefon ose tablet ku me lehtësi mund të ju shikoj dhe modeloj.

Ju lutem, para se të përdorni një term fyese, mendoni:
1.a do të dëshironit ta dëgjonte fëmija juaj? Nëse përgjigjja është jo, atëherë mos e thoni as për kundërshtarin tuaj.

Fëmijët kanë nevojë të shohin respekt, jo përbuzje. Të mësojnë dialog, jo sharje. Ju që flisni në publik, mbani mend: fjala juaj është mësim për gjeneratat që po rriten. Dhe me këtë mësim, ose po ndërtoni, ose po shkatërroni të ardhmen e tyre.

Kosova është shtet demokratik ku secili/secila gëzon të drejtën e tij/saj të mendimit POR para se të flasim të mendojmë pak dhe për gjuhën që përdorim, të mendojm për brezat që po rriten!

16/09/2025

Trajnimi mbahet me datë: 18 tetor (e shtune).
📍Sirius Hotel- Prishtinë
Vende të lira: 20

Ky trajnim është i dedikuar për profesionistë të shëndetit mendor, psikologë, mësimdhënës, edukatorë, logoped, të cilët dëshirojnë të kuptojnë më shumë për çrregullimet e spektrit të autizmit dhe mënyrat praktike të qasjes dhe mbështetjes.

11/09/2025

Në punën tonë të përditshme ka raste kur institucionet tona na bëjnë krenar dhe të lumtur për punën e tyre.

Sot gjatë ditës kur ngritëm zërin në rrjete sociale për një rast ndaj një të miture në qytetin e Ferizajit morrëm thirrje telefonike nga Policia e shtetit të cilët donin aq shumë të ndihmonin saqë bashkëpunimi me ta ishte i jashtëzakonshëm, gjë për të cilën u jemi falënderues dhe mirënjohës për Policinë e Kosovë- Stacioni Regjional FERIZAJ për intervenimin super të shpejt.

Poashtu falënderojmë dhe drejtorinë e Shkollës në ferizaj për hapat konkret në mbrojtje të të miturës (ani pse rasti nuk kishte ndodhur në shkollë) por e ngacmuara dhe ngacmuesit vijonin edukimin në të njëjten shkollë.

Kur punojmë bashkë jemi më të sigurt për mirëqenien psikologjike dhe sigurinë e fëmijëve tanë.

Faleminderit🙏

11/09/2025

Vetëm para pak ditësh pamë një ngjarje të rëndë, ku dy vajza të mitura sulmuan pa mëshirë një bashkëmoshatare të tyre. Fatkeqësisht, sot jemi sërish të tronditur nga një rast i ri: një vajzë tjetër e mitur në Ferizaj është përndjekur e filmuar nga bashkëmoshataret e saj.

NËSE SOT ËSHTË PËRNDJEKUR NESËR MUND TË SULMOHET!

Ky nuk është thjesht “konflikt mes nxënësish”, kjo është dhunë e drejtpërdrejtë e dinjitetit, e sigurisë së një fëmije!

Dhuna nuk të bën të fortë, të bën të dobët!
Filmimi i dhunës nuk është argëtim, është bashkëfajësi.
Shikimi dhe heshtja nuk janë neutralitet, janë pranimi i së keqes, dhe të bënë pjesë të veprës penale.

Prindër, mësues, institucione ju bëjmë thirrje të veproni menjëherë!

Kur prindi nuk edukon fëmijën, atë e edukon rruga, dhe rruga shpesh është e pamëshirshme!
Edukimi për respekt, dhembshuri e bashkëjetesë duhet të fillojë nga familja dhe të forcohet në shkollë.

Vajza të dashtuna që jeni viktima të këtyre rasteve nga bashkë moshatarët tuaj, mos u ndieni vetëm. Ju jeni më të forta, dhe më të vlefshme sesa dikush që përdor grushtin apo fjalën e rëndë drejt jush ndonjëherë.

Mos heshtni! Kërkoni ndihmë, raportoni, ngrini zërin sepse heshtja vetëm u jep më shumë fuqi dhunuesve.

Raportoni çdo rast dhune menjëherë në polici!
Vetëm kështu i mbrojmë fëmijët tanë dhe shoqërinë tonë nga aktet e uëlta të cilat po cënojnë e me raste edhe mund të marrin jeten e të rinjve.

10/09/2025

Të dashur edukatorë, mësues dhe prindër,

Fëmijët tanë janë pasqyra më e pastër e botës që ndërtojmë për ta. Ata dëgjojnë, vëzhgojnë dhe përthithin gjithçka që themi e bëjmë. Prandaj, është shumë e rëndësishme të jemi të kujdesshëm në mënyrën se si flasim për familjen me ta.

Jo të gjithë fëmijët rriten në të njëjtën formë familjeje. Disa kanë pranë të dy prindërit, disa vetëm njërin, të tjerë kujdesen nga gjyshër apo kujdestarë.

Për një fëmijë 3-5 vjeç, këto ndryshime janë delikate dhe shpesh të dhimbshme.

Kur flasim në klasa apo kopshte sikur “çdo familje është njësoj”, disa prej tyre ndihen të përjashtuar, të ndryshëm, madje në shumë raste edhe të “pavlerë”.
Kjo dëmton shëndetin e tyre mendor dhe plagos zemrën e tyre të brisht.

Detyra jonë është t’u mësojmë se familja është aty ku ka dashuri, kujdes dhe respekt, pavarësisht formës.
Më shumë se struktura, rëndësi ka DASHURIA.

Mesazh për prindërit,

Ju lutemi, bisedoni me fëmijët tuaj në shtëpi. Shpjegojuni se shokët e tyre mund të mos kenë pranë të dy prindërit, ndonjëherë për shkak ndarjesh, largësisë, sëmundjeve apo fatkeqësive të jetës.

Fëmijët duhet ta dinë se kjo nuk e bën askënd më pak të vlefshëm.
Mësojini t’u afrohen shokëve të tyre me mirësjellje, të mos qeshin, të mos tallin, të mos përjashtojnë. Çdo fjalë e tyre ka peshë të madhe në zemrën e një moshatari tjetër.

Nëse e edukojmë fëmijën sot të tregojë empati, dhembshuri dhe respekt, nesër nuk do të kemi të rinj bullizues, por të rritur të përgjegjshëm që e ndërtojnë shoqërinë mbi dashuri dhe humanizëm.

Le të punojmë bashkë me dukatorë dhe prindër, për të krijuar një ambient ku asnjë fëmijë të mos ndihet i vetëm apo më pak se të tjerët.

Fëmijëria e hershme është periudha ku mbillen farat!

Ne zgjedhim çfarë të mbjellim:
nëse mbjellim mirësi, do të korrim njerëz të mirë të cilët do na bëjnë krenar nesër.🙂

08/09/2025

Të nderuar prindër të fëmijëve me vështirësi,

Ju lusim që të na ndihmoni që ti evidentojmë mësuesit e jashtëzakonshëm në nivel vendi të cilët punojnë me përkushtim dhe etikë profesionale me femijët me vështirësi, emrat e mësuesve dhe shkollen ku ata veprojnë.

Ju lutem na duhen vetëm mendimet e prindve, që kanë pas eksperienc pozitive me mësuesit, të cilët kanë qenë bashkëpunues në të mirë të fëmijëve me vështirësi në komunikim, autizëm etj.

Faleminderit paraprakisht,

06/09/2025

Një shoqëri që nuk ngrit zërin ndaj dukurive negative, rrezikon dështimin total në cdo aspekt.

Albina Selmanaj (Një nënë nga Prishtina, burim i cili do të mbetet anonim, ka ndarë përvojën e saj të dhimbshme lidhur me edukimin dhe përfshirjen e vajzës së saj me autizëm dhe ADHD në sistemin arsimor në Kosovë. Rrëfimi i saj, i mbushur me dhimbje, zhgënjim dhe luftë të vazhdues...

05/09/2025

Si ka mundësi që në një klasë të një Shkolle prindërit të ngrihen e të bëjnë peticion për largimin e një fëmije me autizëm nga mësimi?
Me çfarë logjike?
Kush ua jep të drejtën të cenojnë të drejtën themelore të një fëmije për arsimim dhe integrim?

Autizmi nuk është kërcënim, JU PO!

Autizmi është një mënyrë ndryshe, që kërkon më shumë mirëkuptim, pranueshmëri dhe dashuri. Frika lind vetëm nga padituria dhe paragjykimi.

Për prindërit e fëmijëve me vështirësi:

Mos u ndalni. Ndiqni këto hapa:

1.Ankohuni në drejtori të shkollës:
2.Ankohuni në DKA:
3.Ankohuni në Ministrinë e Arsimit:
4. Paraqiteni rastin në media,ku ne do të jemi zëri dhe mbështetja juaj:
5. Ngritni padi në gjykatën kompetente.

Jemi lodhur me gjithë këtë energji që shkon përballë paragjykimit, në vend që të shkojë për dashuri, mirëkuptim dhe zhvillim.

Fëmijët tanë kanë të drejtë të jenë pjesë e shoqërisë, jo të përjashtohen prej saj.

2 javë më parë ne Podujevë takuam një mësuese e cila erdhi me nipin dhe nënën e saj, e cila në klasë kishte 5 fëmijë me autizëm dhe tha: “ Edhe nëse e tërë klasa ime do mbushet me fëmijë me autizëm unë do i pranoj pa hezitim, është profesioni im që kam zgjedhur dhe do i qëndroj besnike deri në fund”, emrin e mësueses fatkeqësisht nuk e dim por këtë mësuese të veçant dhe shumë të tjera si kjo i falënderojmë pafundësisht pë shembullin e tyre të jashtëzakonshëm.🙏

05/09/2025

Dje një vajzë e vogël shkoi nga shkolla në shtëpi duke qarë, sepse një shok i tha: “Unë kam babë, ti nuk ke…”, vetëm pse babai i kishte ndërruar jetë. Një tjetër e ofendoi pse i tha mësueses “mami” gabimisht, duke e përqeshur para të gjithëve.

PRINDËR, ky nuk është thjesht faji i fëmijëve tuaj. Kjo është PASQYRA e edukimit që marrin në shtëpi.
Fëmija nuk lind me fjalor ofendues, ai e mëson fillimisht në familje e më pas në rrugë, në market, duke luajtur lojëra të dhunshme çdo ditë për dukuri të cilën fatkeqësisht një masë e madhe e prindve nuk e marrin seriozisht!

Të dashtun prindër, mos i nisni fëmijët në shkollë të mbushur me helm në gojë, por edukojini që të jene të dashtun ndaj fëmijëve të tjerë sepse ndodhë shpesh kur atakohet një fëmijë kur:

- I ka vdek njeri prind:
- Kur prindërit janë të divorcuar:
- Kur është me autizëm ose down syndrome:
- Kur nuk ka kushte të vishet bukur…

Rregullat e funksionimit të shkollës poashtu janë të caktuara sipas ligjit dhe nuk mund ti bëjmë ne ato si të duam!
Ne nuk kemi të drejt të ngritemi në grupe për të përjashtuar nga klasa ose shkolla një fëmijë me autizëm ngaqë shkolla është e të gjithëve dhe jo e disave!

Ju lutemi , bëhuni prindër të vërtetë që edukon me kujdes fëmijët e tyre, jo burim i dhimbjeve të fëmijëve të tjerë.