Poliklinika "Dr. Memli"

13/04/2026

Miomat janë tumore beninje (jo-kancerogjene) që rriten në muret e mitrës dhe janë shumë të zakonshme te gratë në moshë riprodhuese.

Shumë gra kanë mioma dhe nuk e dinë, pasi ato shpesh nuk shkaktojnë simptoma. Megjithatë, kur ato rriten, mund të shkaktojnë gjakderdhje të rëndë, dhimbje pelvike apo vështirësi në konceptim.

Lajmi i mirë është se jo çdo miomë kërkon operacion. Vendimi për trajtim varet nga madhësia, pozicioni dhe dëshira e pacientes për shtatzëni në të ardhmen.

Përmes kontrollit me ultrazë, ne monitorojmë ecurinë e tyre. Nëse vëreni fryrje të pazakontë të barkut apo cikël shumë të rëndë, një vizitë është e nevojshme për të vlerësuar gjendjen dhe për të diskutuar opsionet më të mira për ju.

✅Poliklinika Dr. Memli: +383 45 725 725
📍Rr. Imzot Nik Prela, Ulpiana D9, Prishtinë, Kosovë
🩺Shërbimet – Gjinekologji, Endokrinologji, Pediatri

10/04/2026

Ndryshimet hormonale gjatë perimenopauzës dhe menopauzës prekin thellësisht cilësinë e jetës së grave.

Rënia e estrogjenit dhe progesteronit shkakton afshe të nxehta, ndryshime të humorit dhe vështirësi në gjumë.

Këto luhatje rrisin gjithashtu rrezikun për osteoporozë dhe probleme kardiovaskulare.

Kuptimi i këtyre fazave ndihmon në menaxhimin e simptomave përmes ushqimit, aktivitetit fizik apo terapive mjekësore, duke mundësuar mbajtjen e një jete aktive dhe të shëndetshme.

✅Poliklinika Dr. Memli: +383 45 725 725
📍Rr. Imzot Nik Prela, Ulpiana D9, Prishtinë, Kosovë
🩺Shërbimet – Gjinekologji, Endokrinologji, Pediatri

09/04/2026

Fëmijët mund ta trashëgojnë diabetin nga prindërit. Dr. Rreze Serhati-Morina, endokrinologe, bën thirrje të mos anashkalohen simptomat.

✅Poliklinika Dr. Memli: +383 45 725 725 | +383 49 66 77 22 [Viber]
📍Rr. Imzot Nik Prela, Ulpiana D9, Prishtinë, Kosovë
🩺Shërbimet – Gjinekologji, Endokrinologji, Pediatri

08/04/2026

08/04/2026

Infeksionet vaginale janë ndër shqetësimet më të shpeshta që i sjellin gratë në ordinancë. Kur ato bëhen të përsëritura, ato ndikojnë ndjeshëm në cilësinë e jetës dhe komoditetin ditor.

Shkaqet mund të jenë të ndryshme: nga prishja e florës natyrale bakteriale (pH), përdorimi i produkteve higjienike të papërshtatshme, e deri te rezistenca ndaj trajtimeve të mëparshme.

Përcaktimi i saktë i llojit të infeksionit përmes analizave laboratorike na lejon të japim terapinë e duhur.

Higjiena e duhur, veshjet prej pambuku dhe një dietë e balancuar janë aleatët tuaj kryesorë në mbajtjen e shëndetit intim nën kontroll.

✅Poliklinika Dr. Memli: +383 45 725 725
📍Rr. Imzot Nik Prela, Ulpiana D9, Prishtinë, Kosovë
🩺Shërbimet – Gjinekologji, Endokrinologji, Pediatri

07/04/2026

Ultrazëri morfologjik mes javës së 18-të dhe 22-të të shtatzënisë tregon gjithçka për zhvillimin e bebit. Në Poliklinikën "Dr. Memli" përdoret ultrazëri më i avancuar në Kosovë General Electric E22.

✅Poliklinika Dr. Memli: +383 45 725 725 | +383 49 66 77 22 [Viber]
📍Rr. Imzot Nik Prela, Ulpiana D9, Prishtinë, Kosovë
🩺Shërbimet – Gjinekologji, Endokrinologji, Pediatri

06/04/2026

Dr. Urata Efendija-Beqa - specialiste e pediatrisë, kujdeset me empati për vogëlushët tuaj. 💙🤍

✅Poliklinika Dr. Memli: +383 45 725 725 | +383 49 66 77 22 [Viber]
📍Rr. Imzot Nik Prela, Ulpiana D9, Prishtinë, Kosovë
🩺Shërbimet – Gjinekologji, Endokrinologji, Pediatri

06/04/2026

Nyjet në gjëndrën tiroide janë shumë të shpeshta dhe shumica dërrmuese e tyre (mbi 90%) janë beninje dhe nuk shkaktojnë probleme.

Megjithatë, çdo nyjë e vërejtur përmes prekjes ose rastësisht gjatë një ekografie, duhet të vlerësohet nga specialisti.

Përmes ultrazërit ne shohim karakteristikat e nyjes (madhësinë, përbërjen) dhe analizat e gjakut na tregojnë nëse nyja po ndikon në punën e tiroides.

Në raste të caktuara, bëjmë edhe punksionin (biopsinë me gjilpërë të hollë) për të përjashtuar ndryshimet malinje. Monitorimi i rregullt është kyç për të pasur siguri dhe për të ndërhyrë vetëm atëherë kur është vërtet e nevojshme.

✅Poliklinika Dr. Memli: +383 45 725 725
📍Rr. Imzot Nik Prela, Ulpiana D9, Prishtinë, Kosovë
🩺Shërbimet – Gjinekologji, Endokrinologji, Pediatri

04/04/2026

Tash kur je shtatzënë për herë të dytë, a e ke vënë re se fëmija yt ka filluar të sillet si bebe, është lidhur shumë me ty, qanë dhe dëshiron që ta mbash në gjoks?

N’fakt personi i parë që e merr vesh që ti je shtatzënë është fëmija yt (bile edhe para teje)!🙂 Pas shumë muajsh kur fëmija yt kishte filluar të jetë i pavarur, tash lidhet shumë me ty, ankohet, qanë, refuzon të flejë në shtratin e tij (dëshiron të flejë me ju).

Kjo sjellje e fëmijës është krejt normale. Bile, konsideroni si kompliment, sepse është një shenjë se ju keni bërë një punë të mirë dhe e keni krijuar një lidhje të shëndetshme me fëmijën dhe tash pasi që hormonet e shtatzënisë e ndryshojnë rutinën tuaj të përditshme, fëmija e vëren dhe reagon në këtë mënyrë. Fëmija e vëren kur ndryshon kujdesi dhe përkushtimi ndaj tij.

Juve ju duket se nuk keni ndryshuar, por fëmija e sheh se jeni më e lodhur dhe se keni ndryshuar emocionalisht (nervozoheni kollaj dhe qani më lehtë).

Përpiquni që ta mbani rutinën e zakonshme.
Nëse fëmija dëshiron që ta mbani në krahë, mos kini frikë se mund të rrezikohet shtatzënia.
Poashtu, mos kini frikë se nëse fleni bashkë me fëmijën nëse ju godet me këmbë në bark gjatë gjumit kjo e rrezikon shtatzëninë (në muajt e parë tê shtatzënisë mitra është poshtë në pelvik).

Kjo sjellje e fëmijës nuk e tregon se çfarë sjellje do të ketë me beben pas lindjes. Disa fëmijë kanë sjellje akoma më të çuditshme pas lindjes, por kjo ndodh përkohësisht, sepse me kalimin e javëve e shohin se mund të bëjnë gjëra që bebja nuk mundet dhe iu pëlqen kur e marrin rolin e motrës ose vëllait të madh.

04/04/2026

Infeksionet urinare janë të shpeshta dhe mjaft të bezdisshme❗☹

Manifestohen me djegie dhe dhimbje gjatë urinimit, kurse më vonë edhe me dhimbje në fund të barkut. Nëse infeksioni zgjerohet kah veshkat shoqërohet me dhimbje në ije dhe temperaturë të rritur trupore.

Urina është e turbullt, me nuanca të gjakut, mukusit dhe qelbit.

Pacientja nuk pin ujë mjaftueshëm pasi që urinimi shkakton dhimbje dhe kjo bën që shenjat të përkeqësohen akoma më shumë. Duhet pasur parasysh se urinimi mekanikisht ndihmon në shpërlarjen e rrugëve urinare.

Me analizën e urinës dhe urinokulturë konfirmohet diagnoza, ndonëse shenjat klinike janë shumë orientuese për vënien e diagnozës.

Mjekimi bëhet me antibiotikë. Rekomandohet që të pini shumë lëngje.

Për t’i parandaluar infeksionet urinare, pini shumë lëngje, mos e mbani urinën për një kohë të gjatë, shkoni rregullisht në banjo, sidomos para se të bini në gjumë.

03/04/2026

Isthmocele është një xhep në vendin e prerjes cezariane. Këtu mund të grumbullohet mukus ose gjak dhe pacientja ka rrjedhje gjaku edhe pasi që të kryhen menstruacionet.

03/04/2026

Cikli menstrual është më shumë se thjesht një proces mujor; ai është një tregues i fuqishëm i shëndetit tuaj hormonal dhe të përgjithshëm.

Një cikël i rregullt varion zakonisht nga 21 deri në 35 ditë. Çdo ndryshim i papritur, si mungesa e ciklit, gjakderdhja shumë e bollshme apo periudhat e zgjatura, mund të jenë sinjale për çështje si stresi, çrregullimet e tiroides apo problemet me vezoret.

Mbajtja e një kalendari të ciklit ju ndihmon të njihni trupin tuaj dhe të na jepni informacione të sakta gjatë vizitës. Mos i anashkaloni çrregullimet me mendimin se "do të rregullohen vetë".

Të kuptuarit e gjuhës së trupit tuaj është hapi i parë drejt parandalimit dhe trajtimit të hershëm të çdo shqetësimi gjinekologjik.

✅Poliklinika Dr. Memli: +383 45 725 725
📍Rr. Imzot Nik Prela, Ulpiana D9, Prishtinë, Kosovë
🩺Shërbimet – Gjinekologji, Endokrinologji, Pediatri