Poliklinika "Dr. Memli"

04/01/2026

Pse disa fëmijë sëmuren shpesh❓

Bebet pas lindjes nuk e kanë të maturuar sistemin e tyre imun, prandaj edhe sëmuren më shpesh (zakonisht 4 deri 8 herë në vit).

Me rritjen e moshës sistemi imunologjik maturohet dhe infeksionet janë gjithnjë e më të rralla, ashtu që në moshën shkollore infeksionet shfaqen po aq shpesh sa edhe tek të rriturit.

Infeksionet mund të shkaktohen nga viruset dhe bakteret.

Zakonisht, edhe pse fëmijët mund të kenë infeksione të shpeshta, ata do të rriten normalisht dhe do të jenë me shëndet të mirë.

Kujdesuni që fëmija juaj të flejë mjaftueshëm dhe të ushqehet shëndetshëm. Gjumi i bollshëm dhe ushqimi i mirë kanë po aq rëndësi sa edhe barnat në luftimin e infeksionit.

Fëmijët shumë lehtê e marrin infeksionin në çerdhe ose në shkollë. Fëmijët e prekin njëri tjetrin dhe disa mikrobe mund të jetojnë edhe për disa orë në lodra ose objekte që i ka prekur më parë fëmija i sëmurë.

Poashtu, i ashtuquajturi tubi i Eustahit (që lidh veshin me fytin) te fëmijët ka ndërtim të tillë që i lehtëson infeksionet. Sekrecionet në sinuset nazale nuk mund të drenohen me lehtësi dhe kjo iu mundëson mikrobeve që të shumohen.

Çfarë duhet të bëni që ta parandaloni infeksionin te fëmijët❓

🔶️Lani duart sa më shpesh, sidomos pasi të teshtini ose kolliteni. Fërkoni duart me sapun së paku për 20 sekonda.

🔶️Mos pini duhan! 🚭 Tymi i duhanit është shumë i dëmshëm për fëmijën.

🔶️Bisedoni me mjekun për mundësinë e vaksinimit.

🔶️Mos i jepni barna fëmijës pa u konsultuar me mjekun. Mos i jepni fëmijës antibiotikë pa u konsultuar me mjekun. Antibiotikët nuk kanë ndikim në infeksionet virusale (nëse nuk ka mbiinfeksion bakteror).

☎️ 045 725 725
☎️ 049 66 77 22

26/12/2025

Lajme të mira me mëngjes!
PLUS emri RUBIN!❤️

20/12/2025

🔶️Gjëndrat e Bartholinit (janë dy) gjenden në hyrje të vaginës.

🔶️Ndonjëherë kanali i tyre bllokohet dhe gjëndra rritet duke formuar cistën e Bartholinit.

🔶️Cista e Bartholinit është e shpeshtë dhe mjekimi varet nga madhësia e saj si dhe nga fakti se a është e infektuar (a jep shenja).

🔶️Ndonjëherë mjafton vetëm një mjekim i shkurtër në shtëpi, kurse në disa raste duhet të bëhet mjekimi kirurgjik.

19/12/2025

A ka ndonjë rrezik nëse ha mandarina dhe portokall gjatë shtatzënisë❓🍊🍊🍊

Portokalli dhe mandarina janë të sigurta dhe mund t’i hani gjatë shtatzënisë, por pa e tepruar.✅🆗️

Kanë vitaminë C, acid folik, kalcium, kalium dhe e forcojnë sistemin imunitar.

Lëngu i portokallit që blehet në dyqan mund të ketë konzervansë, prandaj nuk rekomandohet, por lëngun që e përgatitni vetë me shtrydhjen e portokallit mund ta pini pa problem.

14/12/2025

A mëson që të flasë bebja edhe para lindjes?

Bebja e dëgjon zërin tënd që nga java 23 e shtatzënisë.

Pra, edhe pse nuk mund të flasë, bebja jote mëson të folurit akoma pa lindur.

Zëri yt është muzika më e këndshme për beben tënde.

Bebja jote kënaqet kur ti i flet dhe kur ti i këndon asaj.

Asnjëherë nuk është herët që të fillosh t’i lexosh libra me përralla, sepse sa më shumë fjalë që të dëgjojë aq më shumë do të ketë aftësi të të folurit.

Poliklinika “Dr. Memli”
📍 Ulpiana D9, Prishtinë
☎️045 725 725 ose
☎️049 66 77 22 (ky numër edhe viber)

07/12/2025

Strijat dhe shtatzënia

Strijat janë disa vija të cilat zakonisht shfaqen në lëkurën e barkut.

Këto shfaqen zakonisht kah mesi i shtatzënisë, atëherë kur barku rritet vrullshëm për shkak të rritjes së bebes në brendi të mitrës.

Ndonëherë strijat mund të shfaqen edhe në kofsha, bel dhe gjinj.

Mendohet se strijat paraqiten për shkak të ndryshimeve në indin lidhor i cili gjendet menjëherë nën lëkurë. Varësisht nga ngjyra e lëkurës mund të kenë ngjyrë rozë, kafe të çeltë ose të mbyllur. Më vonë atë fillojnë e zbehen.

Sa i përket parandalimit të shfaqjes së strijave, për fat të keq nuk mund të bëhet shumë! Nëse shtatzëna i përmbahet mënyrë se rekomanduar të të ushqyerit dhe të jetuarit, atëherë pesha e cilat do të shtohet gjatë shtatzënisë do të jetë optimale dhe nuk do të shtohet shpejt.

Rrjedhimisht, gjasat për t’u shfaqur strijat janë shumë më të vogla.

Ekzistojnë në treg shumë kremëra, vajra dhe losione të cilat reklamohen shumë se parandalojnë shfaqjen e strijave.

Mund të keni dëgjuar nga shoqet tuaja se kremërat ia kanë hequr strijat, por kjo nuk është e vërtetë.

Siç u tha më sipër, strijat shfaqen për shkak të ndryshimeve të indit lidhor i cili gjendet nën lëkurë, prandaj kremërat nuk ofrojnë shumë ndihmë (ndonëse nëse e lyeni lëkurën, kjo mund ta pakësojë kruarjen dhe kjo i jep një rehati më të madhe shtatzënës).

Një gjë është e sigurt se pas lindjes së bebes, strijat zbehen dhe pas 6 deri 12 muajsh mezi që vërehen.

Poliklinika “Dr. Memli”
📍 Ulpiana D9, Prishtinë
☎️045 725 725 ose
☎️049 66 77 22 (ky numër edhe viber)

04/12/2025

Ngërqet e barkut në fillim të shtatzënisë janë të shpeshta. Shumë shtatzëna i kanë këto ngërqe dhe në këtë rast ato frikësohen se mos ndoshta do të ndodhë aborti. Këto ngërqe konsiderohen normale, por janë disa shenja të cilat nëse i keni, menjëherë duhet ta kontaktoni mjekun. Cilat janë këto shenja:

-nëse keni ngërqe të barkut dhe gjakrrjedhje nga va**na; sado e paktë që të jetë gjakrrjedhja, patjetër konsultohuni me mjekun.

-nëse ngërqet bëhen më të forta dhe ju prejnë frymën.

-nëse ngërqet përsëriten në intervale të rregullta.

Në shumicën e rasteve këto ngërqe nuk janë shenjë për të cilën duhet të bëheni merak, por duhet për çdo rast që të konsultoheni me mjekun.

04/12/2025

Bëni PAP testin rregullisht
PAP testi është skrining testi më efektiv i cili parandalon zhvillimin e kancerit të qafës së mitrës. Procedura është krejtësisht e padhimbshme dhe zgjat disa minuta. Nëse PAP testi bëhet në intervale të rregullta kohore, gjithmonë zbulohen ndryshimet në qelizat e qafës së mitrës përpara se ato të bëhen kanceroze. Skriningu i rregullt dhe trajtimi i ndryshimeve patologjike të qelizave të qafës së mitrës parandalon që këto ndryshime të zhvillohen në kancer.

02/12/2025

30/11/2025

Urinimi i pavullnetshëm (Stres inkontinenca urinare)
Pse ndodh dhe si trajtohet?

Rrjedhja e pavullnetshme e urinës gjatë kollitjes, teshtitjes, vrapimit apo ngritjes së peshave është një problem me të cilin përballen shumë gra gjatë jetës.

Shpesh shfaqet gjatë shtatzënisë, pas lindjes ose me kalimin e viteve. Megjithatë, shumë gra hezitojnë të flasin për të nga turpi, edhe pse është një problem shumë i shpeshtë dhe i trajtueshëm.

Pse shfaqet?
Kur va**na humbet elasticitetin (si pasojë e lindjes, moshës, ose ndryshimeve hormonale), fshikëza rrëshqet, ndryshon raporti me uretrën dhe ajo (fshikëza) nuk arrin të mbajë urinën gjatë aktivitetit fizik.

Favorizohet nga:
🔸shtatzënitë dhe lindjet va**nale (sidomos kur pesha e bebes është e madhe)
🔸menopauza
🔸mbipesha
🔸punët e rënda fizike
🔸faktorët gjenetikë (indi lidhor më i dobët)

Vlerësohet se rreth 1/3 e grave mbi moshën 40 vjeçare kanë simptoma të inkontinencës urinare.

Mundësitë e trajtimit
Terapia me laser për inkontinencën urinare është procedurë joinvazive, plotësisht e padhimbshme, që zgjat rreth 20 minuta dhe nuk kërkon kohë rikuperimi.

Si funksionon?
Efekti i laserit vepron mbi kolagjenin e murit va**nal, duke stimuluar krijimin e kolagjenit të ri dhe rimodelimin e atij ekzistues.

Si rezultati ngritet muri i përparmë i vaginës, përmirësohet mbështetja e uretres dhe fshikëzës, si dhe ngushtohet va**na.

Pas ndërhyrjes, gruaja rikthehet menjëherë në aktivitetet e përditshme, duke respektuar udhëzimet:

🔸shmangia e marrëdhënieve seksuale për 1 javë
🔸shmangia e ngritjes së peshave për 2 javë

Kjo terapi mund të kryhet 1–2 herë, me interval njëmujor, në varësi të rezultatit të parë.

🔸90% e pacienteve raportojnë përmirësim të ndjeshëm pas 3 muajsh

🔸70% nuk kanë më fare probleme

Në Klinikën Dr. Memli ofrohet trajtimi me laser modern për inkontinencën urinare.

☎️ 045725725 (edhe viber)
☎️ 049667722
📌 Ulpiana D9, Prishtinë

23/11/2025

A guxoj të flej në shpinë tash kur jam shtatzënë❓

Po, nëse ke më pak se 16 javë, por kur bebja (dhe mitra) fillon të rritet gjithnjë e më shumë është mirë që të flesh në krah.🛏

Pse❓

Kur ti rri shtrirë në kurriz pesha e mitrës bën shtypje në venat e mëdha që e kthejnë gjakun nga pjesa e poshtme e trupit në drejtim të zemrës. ♥️

Nëse rri shtrirë në kurriz për një kohë të gjatë kjo mund të ndikojë në qarkullimin e gjakut në placentë.⚠️

Mos u alarmo nëse zgjohesh natën dhe e gjen veten shtrirë në shpinë❗Kjo ndodh shpesh dhe nuk ka ndonjë ndikim në shëndetin e bebes. Vetëm ndrysho pozicionin dhe vazhdoje gjumin❗🙂

22/11/2025

Cili është shkaku i nauzesë dhe të vjellurave gjatë shtatzënisë?

Për fat të keq nuk mund të jepet një përgjigje e prerë. Të vjellurat mund të jenë pasojë e kombinimit të ndryshimeve fizike dhe hormonale të cilat ndodhin në organizëm gjatë shtatzënisë.

Si shkaktarë të të vjellurave përmenden:
1. Estrogjeni, niveli i të cilit rritet vrullshëm në fillim të shtatzënisë.
2. Ndjeshmëria e shtuar për të ndjerë aromat e ndryshme. Në fillim të shtatzënisë disa aroma mund të nxisin ndjenjën e ngulfatjes dhe vjelljes.
3. Niveli i rritur i hormonit hCG (gonadotropina korionike humane) mendohet se nxitë nauzenë dhe vjelljen.
4. Lukthi i ndjeshëm, sidomos nëse ka infeksion me Helicobacter pylori.
5. Stresi mund të shkaktojë nauze dhe vjellje, prandaj përpiquni që obligimet e punës të jenë në përputhshmëri me mundësitë tuaja fizike dhe psikike të cilat siq mund ta vëreni janë shumë më ndryshe se përpara shtatzënisë.

Pushoni, sepse lodhja fizike dhe emocionale e theksojnë këtë problem.

Paçi një shtatzëni të mbarë dhe bebe të shëndetshme!