Poliklinika "Dr. Memli"

31/07/2025

Janë disa arsye se përse mund të rrëzoheni më lehtë tash kur jeni shtatzënë (sidomos nëse jeni në tremujorin e tretë të shtatzënisë). Por, a është rrezik nëse rrëzoheni?

Janë disa arsye se përse mund të rrëzoheni më lehtë tash kur jeni shtatzënë (sidomos nëse jeni në tremujorin e tretë të shtatzënisë).

30/07/2025

PAP testi – një ekzaminim që ta shpëton jetën

PAP testi bëhet për të parë ndryshimet në qelizat e qafës së mitrës.

Me PAP test merren qelizat nga sipërfaqja e qafës së mitrës. Këto qeliza pastaj qiten në një pllakë qelqi ose përzihen me një lëng fiksues dhe më pas analizohen me mikroskop.

Qelizat shihen se a kanë ndryshime të cilat janë shenja të kancerit.

PAP testi zakonisht bëhet gjatë ekzaminimit tuaj të rregullt gjinekologjik.

PAP testi është pjesë e ekzaminimit rutinor të një gruaje.

Është mënyra më e mirë për ta parandaluar kancerin cervikal (kancerin e qafës së mitrës), sepse i zbulon qelizat të cilat mund të transformohen në kancer.

Nëse gjinekologu ju thotë se PAP testi është “jonormal”, kjo do të thotë se në qafën e mitrës janë gjetur disa qeliza të cilat nuk janë normale. Kjo nuk do të thotë se ju keni kancer.

☎️ 045 725 725 
☎️ 049 66 77 22 (ky numër edhe viber) 
📍 Ulpiana D9, Prishtinë

27/07/2025

A është normale që të rrjedhin gjinjtë gjatë shtatzënisë?

Po, është normale! Gjinjtë fillojnë të prodhojnë qumësht disa muaj para lindjes. Në fakr, substanca që rrjedh quhet kulloshtër (kolostrum).

26/07/2025

Jeta është sikur shalqiri:
🔸️i është e ëmbël (shumicën e herave🙂),
🔸️ ndonjëherë ka shumë fara, por mos u shqetëso - nxirri nga goja dhe vazhdo ha e kënaqu! 😀

Dikur mendohej se shalqiri ka vetëm ujë dhe materiet tjera ushqyese i ka të kufizuara. Në fakt është e vërtetë se shalqiri përbëhet nga rreth 92% ujë, por poashtu është një nga frutat më të shëndetshme, ka materie ushqyese, të freskon dhe të jep energji.

23/07/2025

A ndikon lindja edhe te babai i fëmijës?

Gjëja më e mirë që mund të bëjë një baba për fëmijët e tij është që ta dojë nënën e tyre!

Bashkëshorti ka një rol jashtëzakonisht të rëndësishëm jo vetëm gjatë shtatzënisë, por edhe gjatë lindjes dhe pas lindjes.

Është shumë e rëndësishme që ta ndihmoni dhe përkrahni gruan tuaj, por për ta bërë një gjë të tillë ju duhet të keni informacione të bollshme. Për këtë arsye ju duhet të jeni i pranishëm në vizitat antenatale dhe të jeni i përfshirë drejtpërdrejt në secilën situatë klinike.

Lindja e bebes ka ndikim signifikant në jetën e babait. Pas lindjes së bebes një burrë e ndryshon perceptimin e tij në raport ne gruan dhe rolin e tij në familje.

Babai ndryshon, sepse e ndien se rriten përgjegjësitë e tij, përfshirë edhe ato financiare.

Shumica e prindërve të rinj vijnë nga familje më tradicionale dhe shpeshherë nuk e kanë një rol model që iu ndihmon për t’iu përshtatur nevojave të një familjeje moderne.

Në ditët e sotme duhet të konsiderohet normale që babai të kujdeset për beben, të merret me punët e shtëpise, t’ia ndërrojë pelenën bebes etj.

Sot, gjithnjë e më shumë gra janë të punësuara dhe ky fakt ka ndikuar drejtpërdrejt se si perceptohet roli tradicional i babait dhe i nënës në familje. Rrjedhimisht, funksioni i babait është gjithnjë e më pak tradicional dhe po bëhet dita ditës me i hapur, fleksibil dhe jo strikt i definuar.

20/07/2025

Ditët e para pas lindjes me prerje Cezariane

1.Kur mund të qoheni nga shtrati pas operacionit?
2. A mund të bëni dush pas operacionit?
3. A do të keni dhimbje pas operacionit?
4. Kur pritet që të shkoni në shtëpi pas operacionit?
5. Cilat janë shenjat e rrezikut për të cila duhet ta kontaktoni mjekun?
6. Cilat janë ndryshimet emocionale pas operacionit?

☎️ 045 725 725
☎️ 049 66 77 22 (ky numër edhe viber)
📍 Ulpiana D9, Prishtinë

Numri i grave që lindin me prerje Cezariane është në rritje të vazhdueshme. Sot, në Kosovë afërsisht çdo e treta grua lind me operacion, prandaj është shumë e rëndësishme që shtatzënat të kenë informacione të mjaftueshme lidhur me prerjen Cezariane si dhe me shqetësimet të cilat...

16/07/2025

A është e sigurt sauna, banja ose xhakuzi tash kur jeni shtatzënë?

Ka pak hulumtime për përdorimin e saunës, xhakuzit, vaskës me ujë të nxehtë dhe dhomave me avull gjatë shtatzënisë.

Këshillohet t’i shmangni ato për shkak të rreziqeve të mbinxehjes, dehidrimit dhe të fikëtit.

Tash kur jeni shratzënë, ju ndiheni më nxehtë se zakonisht. Kjo shkaktohet nga ndryshimet hormonale dhe nga shtimi i furnizimit me gjak të lëkurës.

Këto ndryshime hormonale gjithashtu mund të bëjnë që shtatzënës t’i bie të fikët.

Kur jeni në sauna, xhakuzi, vaskë të nxehtë ose dhomë me avull, trupi juaj nuk është në gjendje të humbasë nxehtësinë në mënyrë efektive duke djersitur.

Kjo do të thotë se temperatura bazale e trupit tuaj rritet.

Kjo rritje e temperaturës bazale mund të jetë e dëmshme gjatë shtatzënisë, veçanërisht në 12 javët e para.

Nëse mbinxeheni, më shumë gjak rrjedh në lëkurë (për të ndihmuar në ftohjen e trupit përmes djersitjes).

Kjo do të thotë se ka më pak rrjedhje gjaku në organet e brendshme (siç është truri).

Nëse truri nuk merr mjaftueshëm gjak dhe oksigjen, mund t’ju bie të fikët.

Kur jeni shtatzënë, ndryshimet hormonale mund t’ju bëjnë që shpesh ta keni ndjenjën se po ju bie të fikët.

Temperatura e ujit kur laheni dhe notoni nuk duhet të jetë mbi 32°C.

Disa banja mund ta kenë ujin ne temperaturë deri në 40 gradë celsius, kështu që është më mirë t’i shmangni ato.

☎️ 045 725 725 
☎️ 049 66 77 22 (ky numër edhe viber) 
📍 Ulpiana D9, Prishtinë

15/07/2025

Për ta parandaluar dhimbjen e shpinës gjatë shtatzënisë mos rrini ulur për një kohë të gjatë: Kur jeni ulur ndrydhen disqet midis rruzave të shpinës dhe muskujt bëhen më të plogësht. Nëse punoni në zyrë, ngrituni dhe ecni nëpër zyrë së paku çdo orë. Edhe kur jeni ulur mos i kryqëzoni këmbët, sepse mund ta tendosni nervin skiatik.

14/07/2025

Kur të dy prindërit e kanë të njëjtin grup gjaku dhe të njëjtin faktor rhesus, a është rrezik që fëmija të lindë me pasoja?

Kur të dy prindërit e kanë të njëjtin grup gjaku dhe të njëjtin faktor rhesus, nuk është shkak që fëmija të lindë me pasoja.

30/06/2025

22nd World Congress in Fetal Medicine

28/06/2025

Pini ujë 8 deri 10 gota në ditë.

Është shumë e rëndësishme që trupi juaj të jetë i hidruar, sidomos në tremujorin e tretë të shtatzënisë kur dehidrimi mund të shkaktojë kontraksione të cilat mund ta provokojnë lindjen e parakohshme.

27/06/2025

Ç’është testi i shtatzënisë ose analiza hCG (Human Chorionic Gonadotropin)?

Ky test bëhet për të parë se a e keni hormonin hCG në gjak ose në urinë.

Disa teste e masin saktësisht vlerën e hCG e disa tjera vetëm e caktojnë se a është i pranishëm ky hormon apo jo.

Hormoni hCG prodhohet nga placenta dhe përdoret për ta marrë vesh se a është një grua shtatzënë apo jo.

Organizmi fillon ta prodhojë këtë hormon sapo të implantohet qeliza vezë e fekonduar (brenda apo jashtë mitrës). Rrjedhimisht hCG duhet të jetë i pranishëm nëse një grua ka vonesë të menstruacioneve dhe nëse është shtatzënë.

Ky hormon prodhohet edhe nëse ndodhë shtatzënia jashtë mitrës dhe përcaktimi i hCG është analizë që duhet bërë nëse një grua ka vonesë të menstruacioneve, kurse me ultrazë nuk mund të shihet qesja e shtatzënisë.

Poashtu, hCG caktohet edhe si pjesë e skrining testit për të zbuluar çrregullimet gjenetike te fryti.
Te një shtatzëni normale vlera e hCG dyfishohet çdo të dytën ditë.