Armend Agolli

12/01/2026

Ingvar Kamprad (1926), themeluesi i IKEA-s, u lind në Älmhult – zemra e Småland-it në Suedi.
Ai u ba simbol i një filozofie të thjeshtë: kursimi s’është varfni, po disiplinë.

Sipas asaj që u raportu kur u hap testamenti, gjysma e pasurisë së tij private u la për një fondacion të familjes Kamprad (jo domosdoshmërisht “IKEA Foundation”), me qëllim me mbështet arsimimin, kërkimin shkencor dhe ndërmarrësinë (entrepreneurship), ndër tema tjera.

Thuhet se e ka vozitë një Volvo të vjetër për rreth 20 vjet dhe e ka ndërru veç kur s’ishte ma i sigurt për rrugë.
Edhe pse kishte mundësi me jetu në luks, ai krenohej me jetesë të thjeshtë: u thoshte stafit me shkrue në të dyja anët e letrës dhe i qortonte kur linin dritat ndezë.

Ka edhe një episod domethanës: një herë p***a shku me autobus në një gala ku do ta merrte çmimin “Businessman of the Year”, e madje u refuzu me hy — sepse kishte ardh me autobus lokal, jo “si VIP” me limuzinë si të tjerët.
Për flokë, preferonte çmimet ma të lira (madje thoshte se i bënte në vende më të lira kur udhëtonte).
Ndërsa për pazarin: në një libër të vitit 1998 ku bashkë-shkroi historinë e IKEA-s, përmendet zakoni i tij me shku afër mbylljes së tregut të perimeve, me shpresë me i gjetë ma lirë.

10/01/2026

Stenoza spinale cervikale (ngushtimi i kanalit në qafë)
Palca kurrizore dhe nervat ndodhen brenda “tunelit” të shtyllës – kanalit spinal. Stenoza cervikale do të thotë ngushtim i këtij kanali në nivelin e qafës, më së shpeshti nga ndryshimet degjenerative (osteofite, trashje e nyjeve/facetave, trashje e ligamenteve), por ndonjëherë edhe si pasojë e traumës ose e një mase/tumori.

Sa më shumë ngushtohet kanali, aq më shumë rritet presioni mbi palcën kurrizore dhe rrënjët nervore, duke shkaktuar:
• dhimbje në qafë dhe shpatulla
• mpirje/therje në duar (nganjëherë edhe në këmbë)
• dobësi, rënie të sendeve nga dora, “ngathtësi” në gishta
• çrregullim të ekuilibrit dhe ecje të pasigurt
Në raste të rënda, mund të shfaqen edhe probleme me urinimin.

Në klinikën tonë, trajtimi nis me barna dhe fizioterapi; kur kjo nuk mjafton ose kur ka kompresion të rëndë neurologjik, rekomandohet kirurgjia dekompresive (zgjerim i kanalit) dhe, kur duhet, edhe stabilizim me vida/shufra.

⚠️ Nëse dobësia ose pasiguria në ecje po përkeqësohen, ose ka çrregullime të urinimit — caktoni menjëherë kontrollë te neurokirurgu spinal.

Neurokirurg i boshtit kurrizor | Intelektual /Patriot | Bamirës

09/01/2026

Lista e plotë e vendeve në koment

08/01/2026

07/01/2026

Kopenhagë, -5°C.
Njerëz me biçikleta, rresht te semafori — qetësi, rregull, kulturë.

Te na, edhe kur distanca asht 300 metra, prapë hypim në veturë —
e shpesh jo çfarëdo veture: me BMW a Mercedes, edhe për te dyqani i lagjes.

S’osht veç puna e infrastrukturës (edhe pse na mungon shumë).
Asht edhe përtacia, shprehia dhe mania e “me u dukë”: me e pasë veturën si identitet, jo si mjet.

Pastaj ankohemi për trafik, parking, stres e ajër që s’merret frymë.

Qytetnia s’bahet veç me asfalt.
Bahet kur biçikleta e ecja s’na duken varfni, po normalitet.

#

04/01/2026

MIGJENI

Shok i dashtun, unë përgjithësisht nuk shkruej urime, as për Krishtlindje as për Bajram, as për ditëlindje as për ndoj feste tjetër. Nuk shkruej, pse urimet qe n’ato dite tan bota ban, nuk dij a plotësohen një për qind se pothuej të gjitha dalin nga hipokrizia. Bota ketë e din, por njësoj vazhdon të shkruejë urime. As për Motmotin e Ri deri tash nuk i urova askujt asgja.

Por kësaj here due te hyj ne rradhën e njerëzve korrekte dhe t’u uroj shokve të mi Motmotin e Ri 1937. Së pari, t’uroj, shok i dashtun gjumin e ambël, që të mos ndëgjosh si gjëmojnë njerëzit nën barrën e kryqave të vet tue mundunve, as britmën e ngadhnjysve në këtë jetë. Të mos dëgjosh bubullimën e Spanjës. Gjumin e ambël! Të mos dëgjosh si afër teje gërset dhëmballa për dhëmballë, nga teë ftohtit. Pse atëherë duhet të pyesësh: moj dhëmballë, pse ndeshe për dhëmballë dhe gërset aq?
E gjuha në vend të dhëmballës përgjigjet: pse asht ftohtë, zotni, e kur asht ftohte, zotni, u hyn dreqi trupit, muskulave, nervave, zotni, dhe qashtu gërset dhëmballa për dhëmballë, zotni. Asht tepër banale të themi se mungon veshja dhe mbathja dhe zjarrmi, prandej: gjumin e ambël, shok i dashtun. Së dyti mbas gjumit t’ambël, t’uroj – ç’asht dhe e natyrshme – të jesh i gëzuem, gjithmonë i gëzuem. Nga gëzimi i madh, ne sentimentalizëm, të puthish drrasat e dhomës e shtyllat, si bani Greta Garbo në filmin “Mbretnesha Kristina”, kur shijoi dashunin shtazore (desha të them hyjnore, por njësoj asht).

Aq i gëzuem, saqë bota të ta kenë zili dhe të thonë: oh, sa i lumtun asht! Të jesh i gëzuem edhe pse n ‘anë tjetër zemra të pëlset, si paljaços. Te jesh i gëzuem, se gëzimi yt u jep shpresa edhe tjerëve. Në rasë se tryeza e shkrimit të çalon, ti qeshu. Në rasë se e vetmja karrige që ke në shtëpi asht e shpueme dhe s’ke se ku të rrish, ti qeshu.

Në rast se s’ke zjarrm e ke të ftohtë, po, ti qeshu. Në rasë se ndonj ditë, ashtu kot, të mungon dhe buka, ti merre për lojë, për shaka, dhe qeshu, qeshu. Del në rruge bile, në kryqzimin e udhve, dhe qeshu, qeshu, qeshu, e bota do ta ketë zili dhe do të thotë: ah, sa i lumtun asht!

E kur të të vije në shtëpi ta shofi shkakun e gëzimit tand, do t’i kujtohet botës vetvetja dhe do të filloje të qeshi kikikikakaka. Smundja e të qeshunit do të përhapet ndër të gjithë dhe njerzit si majmunat do të hidhen përpjetë nga gëzimi…

Dhe kështu uroj që vjetin 1937 ta kalojmë në gëzim, edhe se të smunde patalogjisht.

01/01/2026

01/01/2026

Ksamil per vitin e ri 😉

01/01/2026

Në Kosovë nuk ka ma shumë varfëri sesa ka luks të rremë.
Fishekzjarrët nuk e mbulojnë mungesën e dinjitetit, veç e zbulojnë.
Siç thoshte Konica: krim është me e trazue lumturinë e budallait por ma i madh krim është me ia sh*të rrenën si lumturi

31/12/2025

✨ Gëzuar Vitin e Ri 2026!
Disa shtylla mbajnë trupin, disa mbajnë shoqërinë 😉
Uroj që këtë vit të mos na bien asnjonja
por t’i mbajmë dhe t’i forcojmë të dyjat.