09/08/2024
Fatkeqësisht, jetojmë në një shoqëri ku bullizimi dhe mungesa e mirëkuptimit janë ende të pranishme. Raste të fundit të videove virale kanë treguar se sa lehtë shkelet pavarësia dhe integriteti i individëve, teksa njerëzit përballen me gjykime të padrejta dhe bullizim online. Kurrë nuk e dimë se çfarë problemi shëndetësor, social, ekonomik apo familjar mund të kenë njerëzit, dhe në vend që të jemi pranë tyre si shoqëri dhe komunitet, shpesh ua vështirësojmë situatën dhe përkeqësojmë gjendjen e tyre, si aktualisht ashtu edhe në të ardhmen.
Është koha të ndryshojmë këtë qasje dhe të ndërtojmë një shoqëri më empatike, ku respektohet privatësia dhe integriteti i çdo individi, dhe ku problemet dhe vështirësitë trajtohen me mirëkuptim dhe respekt.
