18/02/2026
REAGIM I SHOQATËS SË ANESTEZIOLOGËVE DHE INTENSIVISTËVE TË KOSOVËS
Shoqata e Anesteziologëve dhe Intensivistëve (ShAIK) përshëndet angazhimin institucional për rritjen e transparencës dhe përmirësimin e shërbimeve shëndetësore në vend.
Megjithatë, në lidhje me kërkesën për raport me shkrim mbi “performancën e anesteziologëve” të paraqitur nga Bordi Drejtues I ShSKUK, dëshirojmë të sqarojmë pikëpamjen tonë profesionale dhe principet që duhet të udhëheqin çdo analizë të tillë.
Shoqata e Anesteziologëve dhe Intensivistëve konsideron se matja e performancës profesionale është element thelbësor për garantimin e cilësisë, sigurisë së pacientit dhe zhvillimit të vazhdueshëm profesional.
Anesteziologjia dhe mjekimi intensiv janë shtylla kurrizore e cdo sistemi shendetësor. Specialitete me përgjegjësi të lartë klinike, që kërkojnë vendimmarrje komplekse dhe menaxhim të rrezikut në kohë reale.
Reduktimi i performancës profesionale vetëm në vellim pune nuk përputhet me standardet bashkëkohore evropiane dhe nuk garanton cilësi të kujdesit për pacientin.
Raporti i punës i SHSKUK-së evidenton se gjatë vitit 2025 të kaluar janë kryer mbi 21029 anestezione në QKUK, 131023 vizita specialistike 520 pacientë në Mjekim Intensiv Qendror-MIQ (po besojmë qe Bordi Drejtues e din cilat raste trajtohen ne MIQ), vellim ky I kryer vetëm me 44 anesteziologë.
Sa për ilustrim ne vitin 2019 kan qene 17000 anestezione me 64 anesteziolog e tani mbi 21000 me vetem 44 anesteziolog.
Ndërsa numrat janë elementë të rëndësishëm statistikor, performanca profesionale e anesteziologëve/intensivistëve nuk mund të kufizohet vetëm në volum pune (numër rasteve/operacioneve). Nevoja për indikatorë objektivë dhe të standardizuar
Performanca profesionale është multidimensionale ndaj cdo analizë e performancës duhet të përfshijë indikatorë klinikë të miratuar sic janë:
🔹 Siguria e pacientit është prioritet absolut
🔹 cilësinë e vendimmarrjes klinike,
🔹 mortaliteti i sipas shkalles se rrezikut,
🔹incidenca e komplikimeve anesteziologjike dhe reintubimeve,
🔹 respektimi i protokolleve dhe udherrefyesve,
🔹 menaxhimi I rasteve komplekse dhe kohezgjatja- te posalindur, femijë, intubime te veshtira, pacientë ASA III dhe IV,
🔹 menaxhimi I rasteve qe I nenshtrohen operacioneve komplekse- nuk eshte I njëjtë nje anestezion I aplikuar për intervenime 15 minutëshe I barabartë me nje anestezion në neurokirurgji apo kardiokirurgji qe zgjasin ndonjëhere deri ne 12 ore.
🔹 efikasiteti i proceseve klinike,
🔹 reanimimet kardiopulmonare
🔹 menaxhimi I rasteve komplekse ne njesite e mjekimit intensiv
🔹 dokumentimi korrekt
🔹 trajnimi dhe edukimi profesional.
🔹 aktiviteti akademik dhe shkencor,
🔹 kontributi në trajnimin e brezave të rinj
Keto dimensione janë te domosdoshme për të kuptuar realisht performancën mjekësore dhe duhet të jenë pjesë e çdo raporti profesional.
Këta tregues janë në përputhje me standardet e:European Society of Anaesthesiology and Intensive Care dhe European Society of Intensive
Care Medicine dhe sigurojnë një vlerësim të drejtë, të balancuar dhe të bazuar në evidencë.
Rekomandimet nga ShAIK
🔺 Andaj si perfundim duhet të theksojme që performanca e anesteziologut/intensivistit duhet të vlerësohet mbi bazën e cilësisë, sigurisë dhe rezultateve klinike
🔺 Numri i operacioneve është vetëm një komponent ndihmës dhe jo kriter i mjaftueshëm për vlerësim profesional.
🔺 Çdo sistem vlerësimi duhet të jetë transparent, i standardizuar dhe i bazuar në evidencë shkencore.
🔺 Ne e mbështesim kërkesën për transparencë dhe raportim institucional, me shprese qe e njëjta të kerkohet për të gjitha klinikat e QKUK, sepse kërkesa për performance vecmas për anesteziologët ështe kuptuar më teper si presion dhe demotivim nga kolegët tanë, të cilët me se paku kanë pritur falënderim nga Bordi Drejtues dhe menaxhmenti I ShSKUK për punën vetëmohuese dhe përkushtimin e treguar sidomos gjatë 5 viteve te fundit.
🔺 Kërkojmë që çdo raport mbi performancën të jetë i ndërtuar mbi indikatorë objektivë, klinikë dhe profesionalë, jo vetëm statistikë sasiore,
🔺 Jemi të gatshëm të bashkëpunojmë me institucionet kompetente për të krijuar një sistem të qartë dhe kredibil të matjes së performancës që nxit cilësinë e kujdesit dhe sigurinë e pacientëve.
