Psikologe për fëmijë Elena Gashi

Psikologe për fëmijë Elena Gashi Instituti për shërbime psikologjike- sociale “Visar Sadiku” sh.p.k

26/04/2026

-Kur je i nxehur mos e prek fëmijën me dorë sidomos kur je në rrugë. Nervozizmi është një energji që ti vetë nuk arrin ta kontrollosh. Ti reagon në mënyrë të dhunshme jo nga veprimi i fëmijës, por për shkak të situatës së turbullt emocionale brenda teje.
- Fol me fëmijën pasi të jesh qetësuar dhe ke mundësi të kontrollosh nervozizmin
-Kur bën një veprim të keq ndaj fëmijës, kur qetësohesh, të paktën kërkoi të falur.
-Edukimi nuk ndodh kur i rrituri urdhëron. Kjo mënyrë krijon vetëm frikë dhe përsërit të njëjtën mënyrë të sjelluri
- Edukimi nuk mund të realizohet kur të rriturit janë nervoz dhe urdhërues.
-Kur flisni me fëmijën, uluni në gjunjë që të barazoheni me të dhe të mos flisni në pozicion nga lart- poshtë
-Kur flisni me fëmijën mos e shkundi apo kapni për krahu apo veshi, janë veprime që gjymtojnë.
-Kur flisni me fëmijën, flisni me drejtshkrim. Dialekti duhet përdorur pasi është dhënë këshilla më parë me drejtshkrim. Fëmija duhet ta njohë edhe dialektin.
-Mos e gënjeni fëmijën as për arsye madhore. Përpiquni tia thoni të vërtetën fëmijës, sa më kuptueshëm edhe kur është një vjeç.
-Ëmbëlsoni zërin kur flisni me fëmijën.
-nuk mund të ketë edukim të mirë me dhunë, gënjeshtra, dhe të folur jo të zgjedhur
Lira Gjika

Ajo që fëmijët dëgjojnë “rastësisht” bëhet mësimi i tyre më i fortë.💛
19/04/2026

Ajo që fëmijët dëgjojnë “rastësisht” bëhet mësimi i tyre më i fortë.💛

11/04/2026

Diskalkulia – çfarë duhet të dini?

Sipas DSM-5, diskalkulia është pjesë e çrregullimeve specifike të të nxënit dhe lidhet me vështirësi të vazhdueshme në përpunimin e informacionit matematikor.

Ajo mund të shfaqet përmes:
• vështirësive në kuptimin e numrave dhe marrëdhënieve mes tyre
• gabimeve të shpeshta në veprime të thjeshta matematikore
• vështirësisë për të mbajtur mend fakte matematikore
• problemeve në zgjidhjen e detyrave që kërkojnë arsyetim matematikor

Këto vështirësi shpesh vërehen që në fillim të shkollimit dhe mund të vazhdojnë nëse nuk adresohen me mbështetjen e duhur.

Për të ndihmuar fëmijët me diskalkuli rekomandohet:
• përdorimi i materialeve konkrete dhe vizuale
• mësim i strukturuar, hap pas hapi
• praktikë e rregullt dhe e përsëritur
• shpjegime të thjeshta dhe të qarta
• mbështetje emocionale dhe inkurajim

05/04/2026

Disleksia – çfarë është?

Sipas DSM-5, Disleksia është një term që përdoret për të përshkruar një model vështirësish në lexim, i cili karakterizohet nga:
• vështirësi në njohjen e saktë të fjalëve
• lexim i ngadalshëm ose jo rrjedhshëm
• vështirësi në lidhjen e shkronjave me tingujt (dekodim)
• vështirësi në drejtshkrim

Këto vështirësi zakonisht shfaqen në vitet e para të shkollës dhe vazhdojnë nëse fëmija nuk merr mbështetjen e duhur.
Fëmijët me disleksi kanë nevojë për:
• ushtrime të strukturuara të leximit
• përsëritje dhe praktikë të rregullt
• mësim hap pas hapi
• durim dhe mbështetje emocionale

Sa më herët të identifikohet disleksia, aq më shumë mund të ndihmohet fëmija në lexim dhe shkrim.

A e dini se mënyra si reagoni ndaj emocioneve të fëmijës, ndikon drejtpërdrejt në zhvillimin e trurit të tij? Studimet n...
28/03/2026

A e dini se mënyra si reagoni ndaj emocioneve të fëmijës, ndikon drejtpërdrejt në zhvillimin e trurit të tij?

Studimet në neurozhvillim tregojnë se fëmijët nuk lindin me aftësinë për të rregulluar emocionet vetë.
Ata e mësojnë këtë përmes bashkë-rregullimit (co-regulation) me të rriturit.

Kur një fëmijë është i mërzitur dhe prindi:
– flet me zë të qetë
– qëndron afër
– e ndihmon ta emërtojë emocionin

truri i fëmijës fillon të krijojë lidhje që më vonë i mundësojnë vetë-rregullimin.

Në të kundërt, reagimet me zë të lartë apo ndëshkim në momente emocionale
e bëjnë më të vështirë që fëmija të mësojë si të qetësohet.

22/03/2026

Studimet e fundit në psikologjinë e zhvillimit tregojnë se sjelljet sfiduese tek fëmijët shpesh lidhen më shumë me vështirësi në rregullimin emocional sesa me “mosbindje”.

Kur një fëmijë nuk dëgjon, kundërshton apo reagon fort, shpesh ai nuk po përpiqet të sfidojë autoritetin por po përpiqet të përballojë një ndjenjë që nuk di ta shprehë.

Çfarë ndihmon më shumë?
• Qetësia e prindit
• Emërtimi i emocioneve (“po dukesh i mërzitur”)
• Mbështetja, jo vetëm korrigjimi

Sepse fëmijët mësojnë të qetësohen… duke u qetësuar fillimisht nga ne.

Para shkronjave dhe numrave, fëmijët kanë nevojë të mësojnë si të kuptojnë botën, emocionet dhe veten e tyre.🤍
15/03/2026

Para shkronjave dhe numrave, fëmijët kanë nevojë të mësojnë si të kuptojnë botën, emocionet dhe veten e tyre.🤍

08/03/2026

Fëmijët mësojnë shumë më tepër nga ajo që shohin, sesa nga ajo që u themi.

Nëse duam që ata të jenë të qetë, duhet të na shohin duke menaxhuar emocionet tona.
Nëse duam që ata të jenë të respektueshëm, duhet të përjetojnë respekt në komunikim.
Nëse duam që ata të jenë të sigurt në veten e tyre, duhet të ndihen të pranuar dhe të mbështetur.

Fëmijët nuk ndjekin vetëm fjalët tona, ata ndjekin shembullin tonë.

01/03/2026

Në një botë ku fëmijët po rriten mes ekraneve, ritmit të shpejtë dhe pritshmërive të larta, ata kanë nevojë më shumë se kurrë për lidhje të vërtetë emocionale.

Sot shumë fëmijë përballen me vështirësi në përqendrim, menaxhim emocionesh dhe komunikim. Kjo nuk do të thotë se janë “të padisiplinuar” apo “të llastuar”. Do të thotë se kanë nevojë për udhëzim, strukturë dhe kohë cilësore.

Le të ulim ritmin.
Le të dëgjojmë më shumë.
Le të ndërtojmë siguri emocionale para se të kërkojmë performancë.

Sepse zhvillimi i shëndetshëm fillon nga marrëdhënia.

Motorika “gross” përfshin lëvizjet e mëdha trupore si vrapimi, kërcimi, ngjitja dhe balancimi të cilat janë baza e zhvil...
22/02/2026

Motorika “gross” përfshin lëvizjet e mëdha trupore si vrapimi, kërcimi, ngjitja dhe balancimi të cilat janë baza e zhvillimit fizik dhe koordinimit tek fëmijët💛

Qetësia jonë është ajo që i jep fëmijës siguri.💛
15/02/2026

Qetësia jonë është ajo që i jep fëmijës siguri.💛

08/02/2026

5 biseda që është mirë t’i lëmë fëmijët t’i dëgjojnë‼️

Lërini fëmijët t’ju dëgjojnë kur vendosni kufij për veten tuaj.
“Për momentin nuk mund të luaj, derisa ta pi kafen e mëngjesit. Pas pak minutash, sapo të mbaroj kafen, do të jem gati.”

Lërini t’ju dëgjojnë duke i komplimentuar.
“Klea sot ishte shumë e zonja në kursin e vallëzimit! Edhe kur u pengua dhe ra, u ngrit përsëri dhe vazhdoi. Dukej shumë krenare për veten.”

Lërini t’ju dëgjojnë duke zgjidhur probleme.
“Nuk po e gjeja çantën askund dhe u shqetësova shumë… por vazhdova të kërkoj, të pyes, dhe në fund kuptova që e kisha harruar te shtëpia e gjyshes.”

Lërini t’ju dëgjojnë duke u përballur me emocionet.
“Sot u zemërova. Doja t’i bërtisja një shoferi që më preu rrugën. E thashë me zë: ‘Kjo ishte shumë zhgënjyese!’ dhe pastaj mora frymë thellë.”

Lërini t’ju dëgjojnë duke kërkuar falje.
“Xheni, më vjen shumë keq. E di që sot në mëngjes fola shkurt dhe me nerva me ty. Nuk ishte e drejtë. Të dua shumë.”

Kjo quhet “rregulli i thashethemeve”.
Ne i besojmë më lehtë gjërat që i dëgjojmë rastësisht, sesa ato që na thuhen drejtpërdrejt.

Address

Holger Petersen
Pristina
10000

Opening Hours

Monday 08:00 - 18:00
Tuesday 08:00 - 18:00
Wednesday 08:00 - 18:00
Thursday 08:00 - 18:00
Friday 08:00 - 18:00

Website

Alerts

Be the first to know and let us send you an email when Psikologe për fëmijë Elena Gashi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category