21/06/2025
☀️ Ditët e nxehta verore me diell dhe ndikimi i tyre tek pacientët me sëmundje reumatike?
Me ardhjen e verës dhe rritjen e temperaturave, shumë pacientë që vuajnë nga sëmundjet reumatizmale ndiejnë ndryshime në gjendjen e tyre shëndetësore. Por a është vera “shoqe” apo “armike” e sëmundjeve reumatike?
🔸 Lajmi i mirë është se shumë pacientë ndihen më mirë gjatë verës!
Nxehtësia dhe dielli ndihmojnë në relaksimin e muskujve dhe lehtësimin e dhimbjeve artikulare. Gjaku qarkullon më lirshëm, inflamacioni shpesh zbutet dhe ngurtësimi i mëngjesit është më pak i theksuar.
🔸 Por kujdes: jo për të gjithë është njësoj.
Disa forma të sëmundjeve reumatizmale (si Artriti reumatoid, lupus…etj.) mund të përkeqësohen nga ekspozimi në diell. Dielli mund të shkaktojë lodhje, skuqje të lëkurës, apo edhe shpërthime të sëmundjes. Po ashtu, temperatura shumë e lartë dhe dehidratimi mund të ndikojnë negativisht në ndjeshmërinë ndaj dhimbjes.
💧 Çfarë rekomandohet?
• Qëndroni të hidratuar gjatë gjithë ditës.
• Shmangni ekspozimin e drejtpërdrejtë në diell në orët e nxehta (11:00–17:00).
• Përdorni krem mbrojtës dhe veshje të lehta.
• Bëni ushtrime të lehta në mëngjes ose mbrëmje.
• Konsultohuni gjithmonë me mjekun reumatolog për ndonjë ndryshim të terapisë gjatë verës.
🌞 Vera mund të jetë kohë pushimi edhe për simptomat e reumatizmës — por me kujdes dhe vëmendje të vazhdueshme!
Nga
Dr. Fidan S Berisha
Reumatolog / Rhueumatologist
💬 Keni përjetuar ndonjë ndryshim në simptomat tuaja gjatë verës? Ndani përvojën tuaj në komente 👇
________________________________________
, , , , , , , , , , , , , , , , , , , , , , , , , , ,
