Asociacioni Kosovar Për Psikoterapi Trupore NOKTA

19/09/2025

Në zyrën e NOKTA u zhvillua një diskutim i hapur mbi psikoterapinë trupore dhe rëndësinë e saj në shoqërinë tonë. Në këtë takim morën pjesë Kryetari dhe Zv. Kryetarja , së bashku me gazetaren Aferdita Duraku, ndërsa biseda do përcillet edhe në TV 21.

Psikoterapia trupore është qasje që i kushton vëmendje jo vetëm mendjes, por edhe trupit, duke i parë këto dy dimensione si të pandara. Në kohën kur stresi, ankthi dhe tensionet emocionale manifestohen shpesh edhe fizikisht, kjo formë terapie ofron mënyra konkrete për të liruar tensionin dhe për të rikthyer ekuilibrin.

Ky diskutim është vetëm një hap i parë drejt një dialogu më të gjerë për rolin e psikoterapisë trupore në përmirësimin e mirëqenies së individit dhe komunitetit.

11/09/2025

Kosova në Festivalin Ndërkombëtar të Psikoterapisë Trupore – SOMA 2025

Asociacioni Kosovar për Psikoterapi Trupore – NOKTA mori pjesë me një grup të gjerë në Festivalin Ndërkombëtar SOMA, i mbajtur në Gjermani nga 4 deri më 7 shtator 2025, ku psikoterapistë dhe studentë nga e gjithë bota ndanë përvojat, idetë dhe praktikat e tyre.

🇽🇰 Përfaqësimi i Kosovës ishte i veçantë dhe shumëdimensional:

Kryetari i NOKTA-s, Arber Zeka, mori pjesë si panelist në diskutimin me temën: “Hustle culture, biohacking, and the war on rest: can we still do deep therapeutic work?”, duke sjellë perspektivën kosovare në këtë debat ndërkombëtar.

Saranda Rexha ishte udhëheqëse e panelit me temën: “The Spirit of Body Psychotherapy”, duke dhënë një kontribut të rëndësishëm profesional dhe frymëzues.

Pjesëmarrës aktivë ishin edhe: Emine Seferaj dhe Antigona Qenaj (trajnerë të asociacionit), Yll Avdija (sekretar), dhe Agime Hasani Roshi (anëtare e kryesisë).

Grupit iu bashkuan gjithashtu studentë e anëtarë të rinj: Valdete, Petrit, Rexhepi, Ardita, Donika dhe Driloni, duke e bërë këtë përfaqësim më të gjallë dhe gjithëpërfshirës.

Kjo pjesëmarrje shënon një hap tjetër të rëndësishëm në rrugëtimin e NOKTA-s për të ndërtuar ura bashkëpunimi dhe për të promovuar psikoterapinë trupore si një qasje moderne dhe e domosdoshme në fushën e shëndetit mendor.

Ne kthehemi të frymëzuar dhe të pasuruar me përvoja të reja, të cilat do t’i ndajmë me komunitetin tonë në Kosovë.

31/07/2025

Njoftim Ngushëllimi

Në kujtim të Blerina Sh Shatri

Me dhimbje të thellë dhe zemra të tronditura, njoftojmë ndarjen nga jeta të parakohshme të koleges sonë të dashur, Blerina Shatri.

Psikologe, studente në fushën e psikoterapisë trupore dhe shoqe e afërt për shumë prej nesh.

Në emër të Asociacionit Kosovar për Psikoterapi Trupore (NOKTA), shprehim ngushëllimet më të sinqerta për familjen, të afërmit, miqtë dhe të gjithë ata që patën fatin ta njohin këtë vajzë të jashtëzakonshme.

Kjo është hera e parë që si komunitet profesional përballemi me një humbje kaq të dhembshme. Humbëm jo vetëm një profesioniste të re dhe të përkushtuar, por një shpirt të ndjeshëm dhe të dashur, që rrezatonte ngrohtësi dhe mirësi.

Kujtojmë se Blerina kishte një dashuri të veçantë për macet, detaj i vogël që tregonte shumë për butësinë e saj të brendshme dhe lidhjen e thellë me natyrën dhe jetën.

Ajo ishte gjithmonë pranë të tjerëve me fjalë të mira, buzëqeshje të ndritshme dhe një dëshirë të sinqertë për të ndihmuar.

Ndonëse nuk patëm mundësinë t’i themi “Urime, psikoterapiste”, ne e bartim kujtimin e saj me dashuri dhe respekt të përjetshëm.

Lamtumirë, Belrina. Do të na mungosh thellësisht.

Me nderim dhe dhimbje,
Asociacioni Kosovar për Psikoterapi Trupore (NOKTA).

21/07/2025

Nga kongresi i Psikoterapisë në Vienë, në një foto të përbashkët prof.Enver Çesko (president i Shoqata e Psikoterapeutëve të Kosovës) me kushëririn e parë të Sigmund Freudit , Joseph Knowbel Freud, (psikoanalist), me Peter Levine, (themelues i Somatic Psychology) dhe Michael Stueler, (studenti i parë i Victor Frankel).

21/07/2025

13/07/2025

Përfundoi me sukses trajnimi dyditor nga Psikoterapia Trupore, me temën: "Kultura në trup dhe trupi në kulturë – Psikoterapia trupore në kontekstin transkulturor", i udhëhequr nga trajnerja jonë Elmedina Çesko.

I falënderojmë të gjithë pjesëmarrësit që morën pjesë në këtë rrugëtim edukues dhe zhvillimor.

12-13 korrik 2025.

17/06/2025

📣 Njoftim i rëndësishëm për të gjithë ndjekësit tanë

Të gjithë studentët tanë që ndjekin trajnimet në Psikoterapi Trupore dhe nuk kanë thirrje e cila profesionalisht i jep të drejtën të ofroj këshillm, dhe se janë në proces formimi profesional dhe nuk janë ende të certifikuar si psikoterapistë të pavarur.

Ata kanë të drejtë të ofrojnë seanca vetëm nën mbikëqyrje profesionale, si pjesë e procesit të trajnimit dhe zhvillimit të tyre praktik. Ky është një standard i përcaktuar nga EABP (European Association for Body Psychotherapy) dhe zbatohet me përpikëri nga programi ynë.

⚠️ Prandaj, çdo student që ofron shërbime pa mbikëqyrje apo pa përfunduar trajnimet e plota, nuk është në përputhje me kodin etik dhe standardet ndërkombëtare të psikoterapisë.

Praktikë e mbikëqyrur

Studentët mund të praktikojnë me klientë, por vetëm nën mbikëqyrjen e një psikoterapisti trupore të licencuar dhe të certifikuar.

Ata nuk duhet të prezantohen si “psikoterapistë të certifikuar” por si studentë në trajnim për psikoterapi trupore, të cilët janë nën supervizim aktiv.

❌ Çfarë nuk lejohet:

Të ofrojnë terapi si profesionistë të pavarur.

Të përdorin tituj si “psikoterapist i certifikuar” ose “ekspert”.

Të reklamojnë terapi pa përmendur se janë në trajnim dhe nën mbikëqyrje.

📌 Shembull etik i prezantimit:

> “Jam student në trajnim për Psikoterapi Trupore në kuadër të programit të akredituar nga EABP dhe punoj me klientë nën mbikëqyrje profesionale.”

Ju falenderojmë për mirëbesimin dhe bashkëpunimin. Për çdo pyetje apo sqarim, jemi të hapur të komunikojmë me ju në mënyrë të drejtpërdrejtë dhe transparente.

Me respekt,
AKPT NOKTA
📧 nokta.bpt@gmail.com

06/06/2025

Të dashur kolegë, miq dhe të afërt të trupit e shpirtit,

URIME BAJRAMIT

Urojmë që gjendja juaj trupore të jetë më stabile se moti në Prishtinë,
frymëmarrja më e qetë se kolona në Veternik,
dhe kontaktet – qoftë me veten, qoftë me të tjerët – të jenë të ndjeshme, të thella dhe me kufij të shëndetshëm.

Qoftë kjo festë, ftesë për tokëzim, të relaksohet muskulatura, le të shpërbëhen tensionet e pakuptimta dhe le të ushqehet edhe trupi me dashuri, jo vetëm me mish e bakllava.

Sepse siç e dimë ne, ndonjëherë edhe ndjenjat kanë nevojë për “pushim psikosomatik”.

Me përqafim terapeutik, humor të lehtë dhe mirënjohje për secilin nga ju.

NOKTA

04/06/2025

❌ Shkeljet etike në psikoterapi trupore përfshijnë:

Punë me klientë pa supervizim ose pa miratim nga shkolla.

Prezantimi si “psikoterapist” para përfundimit të plotë të programit.

Shkelje të kufijve emocionalë, fizikë apo seksualë me klientë.

Përdorimi i teknikave trupore pa trajnim dhe pa siguri për klientin.

Mosrespektimi i konfidencialitetit të klientit.

Ndikimi i materialit personal të paverifikuar në procesin terapeutik.

Sjellje joetike ndaj kolegëve, trajnuesve apo procesit të trajnimit.

Këto rregulla janë në përputhje me Kodet Etike të European Association for Body Psychotherapy (EABP), të cilat mund t’i gjeni në:
🌐 www.eabp.org
Për më shumë informacione rreth programit tonë:
🌐 www.noktabpt.org

Ju falënderojmë për mirëkuptimin dhe përkushtimin ndaj standardeve të larta profesionale.
Nëse keni pyetje ose paqartësi, jemi në dispozicion për çdo sqarim.

Me respekt,
NOKTA

02/06/2025

NOKTA shërben si shtëpi profesionale për anëtaret e saj.

Përfitimet e anëtarësisë që ne ofrojmë do t'ju ndihmojnë të mbështesni zhvillimin e qëndrueshme.

NOKTA ofron mjetet dhe burimet për t'ju ndihmuar të avanconi në karriere dhe të pasuroni njohuritë tuaja me burime të të mësuarit gjatë gjithë jetës.

• Një familje profesionale mbështetëse.
• Mundësia për t'u zhvilluar si një psikoterapeut trupore i certifikuar ne EABP, trajner dhe supervizor në BPT.
• Organizatë që mund t'ju mbështesë në marrjen e certifikimit evropian për psikoterapi (ECP).
• Qasje në më shumë informacion dhe lajme nga organizata jonë, grante dhe bursa, mjetet e trajnerëve, materiale promovuese etj.

Ju lutemi bashkohuni me organizatën tonë për një vit tjetër të suksesshëm duke rinovuar anëtarësimin tuaj sot.

Na kontaktoni për anëtarësim.

Ju lutemi na tregoni nëse keni pyetje ose shqetësime. Ne jemi këtu për t'ju shërbyer!

Përshëndetjet më të mira,
NOKTA

02/06/2025

PSIKOTERAPIA BIODINAMIKE

Psikoterapia Biodinamike është një formë e psikoterapisë trupore (body psychotherapy) e zhvilluar nga psikoterapistja norvegjeze Gerda Boyesen në vitet 1950–1960. Ajo e kombinon punën me trupin, emocionet dhe proceset psikologjike për të mbështetur shërimin dhe zhvillimin e njeriut në mënyrë holistike. Është e bazuar në idenë se trupi dhe mendja janë të pandashëm, dhe se përjetimet emocionale që nuk janë përpunuar, mund të ruhen në trup si tension, bllokim apo sëmundje.

Thelbi i psikoterapisë Biodinamike:

Vetërregullimi emocional dhe fiziologjik: Terapia synon të ndihmojë klientin të rifitojë aftësinë për vetërregullim përmes punës me trupin dhe vetëdijen emocionale.

"Psikoperistaltika": Një nga kontributet më origjinale të G. Boyesen. Ajo vuri re se zorrët prodhojnë tinguj specifikë kur personi çliron ndjenja të shtypura – këta tinguj quhen zëra psikoperistaltikë dhe interpretohen si tregues të përpunimit emocional në trup.

Masazhi biodinamik: Përdoret për të liruar tensionet e akumuluara dhe për të mbështetur rrjedhën e energjisë jetësore. Terapeuti punon me shtresa të ndryshme të muskujve dhe indeve për të ndihmuar lirimin emocional.

Punë me karakterin dhe mbrojtjet psikologjike: Psikoterapia Biodinamike i kushton rëndësi strukturave të karakterit që individi ka ndërtuar për t’u mbrojtur nga përvojat e dhimbshme. Terapia ndihmon në çmontimin gradual të këtyre mbrojtjeve për të arritur te thelbi emocional i individit.

Qasje e butë dhe jo-invazive: Ndryshe nga qasjet më konfrontuese, Biodinamika është e njohur për qasjen e saj të kujdesshme, respektuese dhe të mbështetur emocionalisht.

Në praktikë, një seancë e psikoterapisë biodinamike mund të përfshijë:

Bisedë e thelluar psikoterapeutike

Punë me trupin (si masazh ose ndjeshmëri trupore)

Vëzhgim i frymëmarrjes, zërit, lëvizjes, impulsit emocional

Ndërgjegjësim i asaj që ndodh në trup dhe emocione

Fushat ku aplikohet:

Trajtimi i traumës

Çrregullime të ankthit dhe depresionit

Probleme me vetëvlerësimin

Vështirësi në marrëdhënie

Çrregullime psikosomatike

Lodhje kronike dhe probleme me tretjen (nga perspektiva biodinamike)

Në thelb, psikoterapia biodinamike është një mënyrë për t’i kthyer trupit dhe shpirtit dëgjimin dhe respektin që ndonjëherë i mungon në psikoterapitë tradicionale që fokusohen vetëm në mendje. Ajo është pjesë e familjes së psikoterapive integrative dhe trupore, dhe në Evropë njihet dhe praktikohet gjerësisht, sidomos në vendet gjermanofone dhe skandinave.

28/05/2025

Gerda Boyesen (1922–2005) ishte një nga figurat më të rëndësishme dhe novatore në fushën e psikoterapisë trupore. Ajo është e njohur kryesisht si themeluese e “Psikoterapisë Biodinamike” – një nga qasjet më të zhvilluara në psikoterapinë trupore evropiane.

Kush ishte Gerda Boyesen?

Kombësia: Norvegjeze

Profesioni: Psikologe dhe fizioterapiste

Fusha e famshme: Psikoterapia trupore, terapitë somatike

Edukimi: Fillimisht fizioterapi, më pas u trajnuar në analizën bioenergjike dhe psikanalizë

Jetoi dhe punoi: Kryesisht në Norvegji dhe më vonë në Mbretërinë e Bashkuar, ku themeloi institute trajnimi

Kontributi i saj më i madh – Psikoterapia Biodinamike

Psikoterapia Biodinamike integron:

Fizioterapinë: Lëvizjet, masazhin, relaksimin

Psikanalizën: Veçanërisht idetë freudiane dhe jungiane

Energjinë jetësore (bioenergjia): Qarkullimin e energjisë në trup

“Psikoperistaltikën”: Një zbulim i saj që nënkupton zhurmat e sistemit tretës që tregojnë përpunimin emocional

Disa nga konceptet e saj kryesore:

Masazhi biodinamik: Një teknikë për të liruar tensionet emocionale të depozituara në trup.

Sistemi i tretjes si “organ emocional”: Ajo besonte se ndjenjat e përpunuara emocionalisht mund të dëgjohen përmes zhurmave të stomakut.

Vetërregullimi emocional: Ajo e shihte trupin si të aftë për të përpunuar dhe liruar emocionet në mënyrë natyrore, përmes përkujdesjes dhe ndërgjegjes trupore.

Trashëgimia:

Themeloi Boyesen Institute në Londër.

Djemtë dhe vajza e saj, si Ebba Boyesen, vazhduan punën dhe mësimin e qasjes biodinamike.

Metoda e saj është përhapur në shumë vende evropiane, përfshirë Gjermaninë, Francën, Italinë dhe Zvicrën.

Publikime:

Ajo ka shkruar disa libra dhe artikuj të rëndësishëm, përfshirë:

“Collected Papers of Biodynamic Psychology” – përmbledhje e punimeve dhe përvojave klinike

Intervista dhe trajnime që sot përdoren në programet e certifikimit në psikoterapi biodinamike

Në përmbledhje:
Gerda Boyesen është një nga figurat më të vlerësuara në terapinë trupore, me ndikim të madh në psikoterapinë moderne evropiane. Qasja e saj unike ndërthur trupin, mendjen dhe sistemin autonom në një mënyrë shumë delikate dhe të thellë.