Alergjia Astma & Imunologjia

13/04/2026

A i dini simptomat e alergjisë së polenit?

Teshtitja, kollitja, kruajtja e syve dhe rrjedhja e hundës janë simptomat më të zakonshme të alergjisë së polenit.

Nëse keni astmë, ose bronkit kronik, alergjia e polenit mund t'i përkeqësojë simptomat e tyre.
Kjo mund të rrisë rrezikun për një përkeqësim të astmës, ose shfaqjen e një sulmi astmatik.

Dr. Arben Ukimeri
alergolog imunolog
044 432 422
049 19 29 61

20/03/2026

09/03/2026

🌸 Alergjia nga Poleni – Sfida e Pranverës për Shumë Njerëz 🤧

Me ardhjen e pranverës, natyra lulëzon, por për shumë persona kjo stinë sjell edhe simptoma të pakëndshme alergjike: teshtima, rrjedhje hundësh, kruarje sysh apo kollë të thatë.

📌 Çfarë është alergjia nga poleni?
Alergjia nga poleni ndodh kur sistemi imunitar reagon në mënyrë të tepruar ndaj grimcave të polenit që qarkullojnë në ajër, sidomos gjatë pranverës kur pemët dhe bimët çelin.

🕒 Kur është sezoni më i vështirë?
Në Kosovë dhe rajon, poleni fillon të shfaqet që në mars dhe arrin kulmin në prill-maj.

🔍 Simptomat më të shpeshta përfshijnë:

Teshtima të shpeshta

Hundë që rrjedhin ose bllokohen

Kruarje sysh ose lotim

Kollë apo ndjesi të kruarjes në fyt

💡 Si të mbroheni?

Qëndroni në ambiente të mbyllura gjatë mëngjesit dhe ditëve me erë

Mbyllni dritaret në shtëpi dhe në makinë

Lani rrobat dhe flokët pas qëndrimit jashtë

Konsultohuni me alergolog për testim dhe trajtim

👨‍⚕️ Nëse këto simptoma ju shqetësojnë çdo pranverë, mos i neglizhoni – mund të keni rinite alergjike sezonale. Ekzistojnë zgjidhje efektive që mund ta përmirësojnë ndjeshëm cilësinë e jetës suaj.

📲 Për më shumë këshilla ose për të caktuar një vizitë, na kontaktoni në inbox.

Dr. Arben Ukimeri
alergolog imunolog
044 432 422
049 19 29 61

02/03/2026

Alergjia nga Poleni i Mështeknës(plepit të egër)

Druri i Mështeknës(Plepit të egër )është një nga drunjët që prodhon më së shumti polen në pranverë.
Drunjët e tjerë që lulëzojnë dhe prodhojnë polen në pranverë janë:
- Lajthia,
- Verri i malit,
- Ahu
- Plepi
- Frashëri, dhe
- Bungu.
Sidoqoftë, druri i Mështeknës konsiderohet të jetë më alergjiku krahasuar me drunjët e tjere, dhe jep simptoma te alergjisë te rreth 25% e popullsisë së Evropës.

Moti luan një rol të rëndësishëm në prodhimin dhe shpërndarjen e polenit. Poleni i Mështeknës, për shembull, ka nevojë për erëra mesatare deri të forta, dhe për dritë të diellit.

Sasia e dritës ose "fotoperioda", është gjithashtu vendimtare për prodhimin e polenit për shkak të fotosintezës.
Nëse moti është i vranët me re, atëherë bimët dhe pemët do të prodhojnë më pak polen.
Sezoni i polenit të drunjëve fillon i pari, zakonisht nga fundi i marsit deri në mes të majit, (kjo më pas pasohet nga poleni i barit dhe i fundit është sezoni i polenit të shkurreve.).

Drunjët e Mështeknës janë drunjë që mbillen në rrugë ose kopshte.
Megjithatë, poleni i Mështeknës është shumë alergjik dhe këshillohet që të shmanget mbjellja e tyre pranë shtëpive ose në mjediset e shkollës pasiqë poleni i tyre mund të sensibilizojë njerëzit e ndjeshëm duke shkaktuar përkeqësim të rinitit alergjik dhe astmës.
***
-Poleni i Mështeknës dhe alergjia ndaj frutave dhe perimeve.

Alergjia ndaj polenit të Mështeknës mund të shkaktojë gjithashtu sindromën polen-ushqim ose sindromën e alergjisë orale. Ky është një reagim alergjik ndaj frutave, perimeve që shkaktojnë simptoma të lehta irrituese si kruajtje në gojë, buzë dhe fyt kur hahen në formën e tyre të papërpunuar.

Sindromi i Alergjisë Polen-Ushqim, i njohur gjithashtu si Sindromi i Alergjisë Orale, shkaktohet nga alergjenët e kryqëzuar që gjenden si në polen ashtu edhe në frutat dhe perimet e freskëta ose edhe në disa fruta të thata.

Sindromi polen-ushqim shkaktohet nga ngrënia e frutave të freskëta, perimeve të papërpunuara dhe futave të thata të papërpunuara. Disa njerëz preken nga vetëm një ose dy ushqime ndërsa të tjerët mund të reagojnë ndaj një game të gjerë ushqimesh.
Ushqimet më të zakonshme që e japin këtë alergji janë: molla, pjeshka, kivi, lajthia dhe bajamet. Por pothuajse çdo frut ose perime mund të shkaktojë këtë alergji.
----

📣 Mos e lini alergjinë të ndikojë jetën tuaj! Konsultohuni me alergologun për diagnozë dhe trajtim të saktë.

🩺 Dr. Arben Ukimeri,
Alergolog & Imunolog
📱 044 432 422
049192961

📲 Na ndiqni për më shumë këshilla alergologjike dhe imunologjike!
----

28/02/2026

🩺 Skin Prick Test tek një pacient për alergji ndaj pickimeve të Hymenopterave(bleta, grerëza).

🐝 Testi i kryer nga Dr. Arben Ukimeri – Alergolog & Imunolog, rezultoi pozitiv, që tregon se pacienti ka sensibilizim ndaj helmit të bletës dhe mund të jetë i rrezikuar nga reaksione alergjike pas thumbimeve në të ardhmen.

⚠️ Kujdes nga thumbimet dhe konsultohuni me alergologun tuaj në rast reaksioni!

📲 Kontaktoni tani për një testim të sigurt dhe profesional!

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

---

📲 Na ndiqni për më shumë këshilla alergologjike dhe imunologjike!

11/02/2026

Testet e alergjisë, të kombinuara me një ekzaminim fizik dhe histori mjekësore, mund të japin informacion të saktë se prej çka jeni, dhe prej çka nuk jeni alergjik.
Testimi i bërë nga një alergolog është i sigurt dhe efektiv si për të rriturit ashtu dhe për fëmijët.

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

📲 Na ndiqni për më shumë këshilla alergologjike dhe imunologjike!

19/12/2025

A përkeqësohet astma e juaj në mot të ftohtë?

Tani po hyjmë në stinën e dimrit. ❄️
Moti i ftohtë mund të ndikoj keq në rrugët tona të frymëmarrjes dhe ndërsa shumica prej nesh mund të kenë dhimbje të fytit/rrjedhje hundësh, ata që kanë astmë mund të kenë përkeqësim të simptomave të astmës.

Nëse ajri i ftohtë dhe i thatë e përkeqëson astmën tuaj, ju mund të zvogëloni ekspozimin e rrugëve të frymëmarrjes ndaj të ftohtit, duke përfshirë:

🧣Vishni një shall ose maskë për të mbuluar gojën dhe hundën, gjë që ndihmon në shtimin e lagështirës dhe ngrohjen e ajrit që thithni kur dilni jashtë ose ushtroni në ditët e ftohta.

✔️Merrni inhalatorin tuaj lehtësues (p.sh. spray Ventolin) përpara se të dilni nga shtëpia ose të dilni në të ftohtë dhe përpara se të ushtroni jashtë në mot të ftohtë.

👩‍⚕️ Klinika “Alergjia, Astma & Imunologjia”
Kujdes i specializuar për çdo moshë – për një frymëmarrje të lehtë dhe të sigurt 🌿

---

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

---

📲 Na ndiqni për më shumë këshilla alergologjike dhe imunologjike!

---

19/12/2025

Dermatitis Herpetiformis

Dermatitis Herpetiformis, është një sëmundje kronike e lëkurës e shkaktuar nga një reagim ndaj ngrënies së MIELLIT me GLUTEN.

Shumica dërrmuese e pacientëve me DH kanë gjithashtu një enteropati të ndjeshme ndaj Miellit me GLUTEN (Sëmundjen e CELIAKIS).

Puçërra ose flluska që kruhen shumë, shfaqen në të dyja anët e trupit, më shpesh në parakrahë afër bërrylave, si dhe në gjunjë, në të pasmet dhe përgjatë vijës së flokëve.

Puçërrat dhe flluskat e dermatitit herpetiformis (DH) ngjajnë me lezionet e herpesit, prej nga e ka marrë emrin "herpetiformis", por NUK shkaktohen nga Herpes Virusi.
Ato shkaktohen nga ngrënia e MIELLIT me GLUTEN.

Ndërsa njerëzit me DH kanë të njejtin rrezik për ndërlikime si njerëzit me sëmundje të CELIAKIS, 20% e njerëzve me DH do të kenë një biopsi normale të zorrëve.

Megjithatë, edhe pacientët me DH me biopsi normale të zorrëve dhe serologji normale për CELIAKI(test gjaku) do t'i përgjigjen një diete Pa GLUTEN.

Simptomat zakonisht shfaqen dhe zhduken, dhe DH zakonisht diagnostikohet gabimisht si ekzemë.

DH prek 10-15% të njerëzve me sëmundje të Celiakis. Pacientët me DH shpesh nuk kanë simptoma të tretjes. DH mund të prekë njerëzit e të gjitha moshave, por më së shpeshti shfaqet për herë të parë midis moshës 30 dhe 40 vjeç.

Simptomat zakonisht largohen pas një dietë të rreptë, Pa GLUTEN.

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

---

📲 Na ndiqni për më shumë këshilla alergologjike dhe imunologjike!

---

12/12/2025

🌫️ Mjegulla dhe lagështia – sfidë për pacientët me astmë në vjeshtë 🍂

Gjatë vjeshtës, ndryshimet klimatike karakterizohen nga rritja e lagështisë së ajrit, temperaturat më të ulëta dhe prania e mjegullës. Këta faktorë mund të kenë ndikim negativ tek personat me astmë bronkiale, duke nxitur përkeqësimin e simptomave respiratore.

Mjegulla përmban grimca ndotëse dhe alergjene që qëndrojnë pezull në ajër dhe depërtojnë në rrugët e frymëmarrjes, duke shkaktuar:

💨 Kollë dhe fishkëllimë
💨 Ndjesi shtrëngimi në gjoks
💨 Vështirësi në frymëmarrje

Ndërkohë, lagështia e lartë favorizon rritjen e mykut dhe alergjenëve të brendshëm, duke e bërë kontrollin e astmës më të vështirë.

🔹 Rekomandimet tona:
✅ Shmangni ekspozimin në mjegull e ajër të ftohtë, sidomos në mëngjes dhe mbrëmje
✅ Ndiqni rregullisht terapinë bazë të astmës
✅ Mbani inhalatorin lehtësues me vete
✅ Ajrosni shtëpinë në orare të përshtatshme dhe kontrolloni lagështinë

Kujdesi dhe parandalimi janë thelbësore për të ruajtur stabilitetin e astmës dhe për të pasur një frymëmarrje të qetë gjatë vjeshtës. 🍁

👩‍⚕️ Klinika “Alergjia, Astma & Imunologjia”
Kujdes i specializuar për çdo moshë – për një frymëmarrje të lehtë dhe të sigurt 🌿

---

🩺 Dr. Arben Ukimeri
Alergolog & Imunolog
📞 044 432 422
📞 049 19 29 61

---

📲 Na ndiqni për më shumë këshilla alergologjike dhe imunologjike!

---

11/12/2025

ASTMA TEK FËMIJËT

Nëse fëmija juaj diagnostikohet me astmë, një alergolog mund t’a ndihmojë atë të bëjë një jetë aktive dhe të plotë.

A e dini se astma është sëmundja më e shpeshtë kronike e mushkërive tek fëmijët?

Astma e kontrolluar dobët dhe e padiagnostikuar tek fëmijët e vegjël mund të rezultojë në shtrime të shpeshta në urgjencë, qëndrim në spital, ditë të humbura në punë nga prindërit dhe vuajtje të fëmijëve të vegjël, që shumë nga ta nuk mund ti shprehin.

Një alergolog mund të ju ndihmojë në shumë mënyra. Qëllimi është që fëmija juaj të ndihet mirë dhe të jetojë një jetë të shëndetshme dhe aktive. Me kujdesin e një alergologu, nuk ka asnjë arsye që fëmija juaj të mos bëjë gjithçka që dëshiron dhe të jetë aq aktiv sa ai dëshiron.

SIMPTOMAT

Shumica e fëmijëve me astmë KANË SIMPTOMA PARA SE TË MBUSHIN 5 VJEÇ.
Tubat bronkiale - rrugët e kalimit që lejojnë ajrin të hyjë dhe të dalë nga mushkëritë - te foshnjet, te të vegjëlit dhe te parashkollorët janë të vegjël dhe të ngushtë. Gripi, ftohjet e gjoksit dhe sëmundje të tjera mund t'i inflamojnë këto rrugë ajrore, duke i bërë ato edhe më të vogla. Tek fëmijët shumë të vegjël, mund të jetë e vështirë për prindërit, madje edhe për mjekët, të dallojnë nëse këto simptoma shkaktohen nga astma.
SHENJAT E ASTMËS NË FËMIJËRI MUND TË VARIOJNË NGA NJË KOLLË QË ZGJAT PËR DITË OSE JAVË deri te urgjencat e papritura dhe të frikshme të frymëmarrjes.
Shenjat e zakonshme që prindërit duhet të dyshojnë për astmë janë:
▪︎ Kollitja, sidomos natën.
▪︎ Një fishkëllime, veçanërisht kur e nxjerr frymën jashtë.
▪︎ Çregullimi i frymëmarrjes ose frymëmarrje e shpejtë që bën që lëkura rreth brinjëve ose qafës të tërhiqet fort.
▪︎ Ftohjet e shpeshta që vendosen në gjoks.

Fëmija juaj mund të ketë vetëm një nga këto simptoma ose disa prej tyre. Ju mund të mendoni se është thjesht një ftohje apo edhe një bronkit. Nëse SIMPTOMAT PËRSËRITEN, kjo është një tregues që fëmija juaj mund të ketë astmë. Për më tepër, simptomat mund të përkeqësohen kur fëmija juaj është i rrethuar nga shkaktarët e astmës, siç janë irrituesit në ajër (p.sh., tymi ose aromat e forta) ose alergjenët si poleni, zbokthi i kafshëve shtëpiake ose pluhuri i shtepise.

DIAGNOZA

Tregoni mjekut të fëmijës tuaj nëse dikush në familjen tuaj ka astmë ose alergji, sepse të dyjat kane tendencë të shfaqen në familje. Nëse një anëtar tjetër i familjes ka astmë ose alergji, ka më shumë gjasa që fëmija juaj t’i ketë ato.
Diagnoza e astmës bëhet me spirometri e cila mat rrjedhjen e ajrit brenda dhe jashtë mushkërive. Por një gjë e tillë është e parealizueshme tek fëmijët parashkollorë dhe ata më të vegjël.
Poashtu bëhen edhe testet alergjike të lëkurës ose gjakut nga alergologu për të parë nëse fëmija juaj ka alergji e cila mund të jetë shkaktar i astmës. Këto teste mund të bëhen në çdo moshë.

Asnjë prind nuk dëshiron të shohë fëmijën e tij duke vuajtur. Nëse djali ose vajza juaj po lufton me alergji ose astmë, merreni situatën nën kontroll dhe këshillohuni me alergologun tuaj.

👨‍⚕️ Këshillohuni me alergologun tuaj për planin më të përshtatshëm të trajtimit.

🩺 Dr. Arben Ukimeri
alergolog imunolog
044 432 422
049 19 29 61