24/04/2026
Këtë vit javën botëore të imunizimit e shënuam me ligjëratë rreth vaksinave me nxënës të SH.M.L " Xhelal Hajda - TONI " ligjërues Dr. Elbunit Kryeziu dhe Inf. Suada Bugari Sokoli ku me prezencën e tij na nderoi edhe Drejtori z. Afrim Oruqi. Java Botërore e Imunizimit shënohet çdo vit në fund të muajit prill dhe është një iniciativë globale e udhëhequr nga Organizata Botërore e Shëndetësisë për të rritur ndërgjegjësimin mbi rëndësinë jetike të vaksinimit.
Imunizimi është një nga arritjet më të mëdha të shëndetit publik, duke shpëtuar miliona jetë çdo vit.
Mesazhi kryesor i Javës Botërore të Imunizimit është i qartë: vaksinat janë të sigurta, efektive dhe thelbësore për një jetë të shëndetshme. Investimi në imunizim është investim në të ardhmen – një e ardhme pa sëmundje të parandalueshme.
Le të shfrytëzojmë këtë javë për të informuar, edukuar dhe për të marrë vendime të drejta për shëndetin tonë dhe të brezave që vijnë.
Vaksinimi shpëton jetë!
.
