https://www.facebook.com/110960703984578/

卓健醫療 Quality HealthCare

Home
Hong Kong
Hong Kong
卓健醫療 Quality HealthCare

Contact information, map and directions, contact form, opening hours, services, ratings, photos, videos and announcements from 卓健醫療 Quality HealthCare, Medical Center, 8/F, Wai Fung Plaza, 664 Nathan Road, Mongkok, Kowloon, Hong Kong.

28/06/2024

【卓健醫療中心 | 節日診症服務安排】

卓健醫療中心於假期將會有特別安排，大家記得留意以下嘅開放時間喇！

以下為七月一日開放嘅診所地點及時間:

○沙田 - 新城市商業大廈
沙田白鶴汀街10-18號新城市商業大廈9樓905-907室
開放時間: 上午九時至下午一時

○九龍灣- 德福花園
九龍灣德福花園I座地下
開放時間: 上午九時至下午六時

○青衣- 青衣城
青衣青敬路 33 號青衣城 3 樓 308D 號舖
開放時間: 上午九時至下午五時

○荃灣- 荃景圍荃灣中心
新界荃灣荃景圍荃灣中心新商場地下18C號舖
開放時間: 上午九時至十一時

○屯門- 啟豐園商場
新界屯門湖翠路啟豐園商場地下52號舖
開放時間: 上午九時至下午一時

如有任何疑問，歡迎到診前請致電診所查詢。

搜尋診所地點及資訊:https://www.qhms.com/find-us
下載卓健手機App了解數碼醫療服務：https://bit.ly/3eqscfx

#卓健醫療 #卓見未來 #健康常在 #卓健醫療中心

27/06/2024

【卓健關注女性健康】

卓健一直以嚟都不斷透過各種活動分享與婦女健康有關嘅資訊。由 2023 年開始，卓健成為 Hong Kong Breast Cancer Foundation 香港乳癌基金會 HKBCF 香港乳癌基金會 (基金會)嘅粉紅夥伴🎀。早前我哋為支持基金會嘅乳癌康復月活動，為活動參加者提供咗大笑瑜伽班，幫助大家促進身心健康，亦鼓勵參加者保持活力。

我哋會聯同合作夥伴繼續努力，支持相關嘅活動💪🏻

了解更多乳癌資訊：https://bit.ly/3VZ3ENJ

#卓健醫療 #卓健未來 #健康常在

26/06/2024

【卓健手機App 輕鬆預約👨🏻‍⚕️】

大家有無試過唔舒服但無時間排隊睇醫生😷？只要用卓健手機App嘅電子預約功能，就可以俾你根據個人需要配對同預約醫生，幫你節省排隊等候嘅時間，靈活安排就診行程。

除咗普通門診外，卓健手機App提供多個西醫專科可供預約，仲有中醫、物理治療、疫苗注射💉等，盡享快捷方便嘅線上線下數碼醫療服務💪🏻。另外大埔同淘大卓健診所現已可經THE GULU進行預約，有需要人士可以去了解一下！

了解更多：https://www.qhms.com/promo/mobile-app
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

#卓健醫療 #卓健未來 #健康常在

21/06/2024

【你有無以下冠心病病徵？】

心臟病係香港男士嘅頭號殺手之一，而冠心病係其中一種常見嘅心臟病。若脂肪積聚喺供應心臟血流嘅冠狀動脈血管，會導致血管收窄或閉塞，影響心臟血流及誘發冠心病，其徵狀包括心絞痛、心悸、呼吸困難、噁心嘔吐等。

若留意到以上症狀👆🏻，應立即求診。為保障自己及家人，大家可以考慮定期進行身體檢查🩺，留意血壓、血糖、血脂及膽固醇情況，及早發現潛在健康問題，作出適當的預防及治療💪。

了解更多健康檢查： https://bit.ly/4cwUpd4
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署、醫院管理局

#卓健醫療 #卓健未來 #健康常在

20/06/2024

【天灸有助治療呼吸道疾病🩺】

一轉天氣就鼻敏感發作？成日打乞嚏、流鼻水同鼻塞好辛苦😭有咩方法可以舒緩？

受鼻敏感困擾嘅人士可以考慮向註冊中醫師進行咨詢，視乎身體狀況及需要而進行天灸療程。天灸採用溫補藥方製成藥貼，根據病人嘅體質及需要而敷貼喺特定穴位，透過刺激經絡氣血運行，調整體內陽氣，有助改善鼻敏感🤧、氣管敏感、週期不適等。

想知更多同天灸療法有關嘅資訊，可以向註冊中醫師查詢💬！

了解更多 : https://bit.ly/3xfrLOZ

#卓健醫療 #卓健未來 #健康常在 #天灸

19/06/2024

【認識RSV呼吸道合胞病毒🦠】

RSV同其他呼吸道感染一樣，可以透過咳嗽、打噴嚏而感染😣！

每個人受感染後症狀各有不同，常見嘅症狀有發燒🤒、咳嗽、流鼻水、頭痛、食慾減退、身體感到痛楚或軟弱無力等，而60歲以上人士、長期病患者、免疫系統不全人士和幼兒皆屬RSV高危群組，有更大機會出現嚴重症狀。想預防RSV呼吸道合胞病毒，除咗要保持良好個人及環境衛生，高危群組可與醫生討論接種疫苗，預防勝於治療💪🏻！

如果有更多關於RSV呼吸道合胞病毒及疫苗嘅疑問，你可以向家庭醫生咨詢。

👉🏻了解更多疫苗資訊：https://bit.ly/4bbA1xl
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：CDC,chp.gov.hk

#卓健醫療 #卓見未來 #健康常在

15/06/2024

【你係唔係骨質疏鬆高危一族？】

以爲年紀大先有骨質疏鬆症🤔？骨質流失嘅速度同年紀、生活習慣都有關，例如經常攝取咖啡因☕、吸煙、酗酒、缺乏負重運動、攝取鈣質及維他命D不足等，都會增加患上骨質疏鬆症嘅機會🦴。

想預防骨質疏鬆症，日常飲食要攝取足夠鈣質，如牛奶🥛、魚類🐟及豆類製品。如果你係骨質疏鬆嘅高危一族，建議你可以同醫生商討有無需要接受骨質密度檢查，以監測體內骨質密度變化及骨質流失情況，了解自己嘅骨骼健康，及早預防、診斷及治療✅。

🔎了解更多： https://bit.ly/3XlGIJV
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署

#卓健醫療 #卓健未來 #健康常在

14/06/2024

【婦科檢查怕尷尬😳？】

女士喺做乳房同子宮頸檢查嘅時候，唔多唔少都會覺得尷尬，但係相關檢查有助大家了解身體狀況，及早預防及早治療，所以都建議大家可以咨詢家庭醫生，如果有需要就進行檢查。

卓健提供女士健康檢查計劃，可選擇於設有私隱度高的女性專用空間嘅體檢中心進行檢查，而且整個檢查流程都由女性醫護人員負責，等你可以放心檢查，唔再怕尷尬！

#卓健醫療 #卓健未來 #健康常在

11/06/2024

【人參三伏天灸療法】防病治病增強身體免疫力

疫情後有無發現自己易病咗🤒？有時夜瞓或者天氣轉變大，都好易引起大大小小嘅毛病，仲好難斷尾🤷🏻‍♂️。想防病治病，不如把握即將來臨嘅「三伏天」進行天灸療法，改善氣血運行，調補下身體啦！

天灸係一種傳統嘅中醫療法👨🏻‍⚕，卓健中醫選用韓國高麗人參，配合溫補藥方同新鮮薑汁製成藥貼，按照患者體質敷貼喺特定穴位上，以提升身體免疫力💪🏻，達至防治疾病嘅功效。

天灸療法會喺最熱且人體陽氣最盛嘅三日進行，亦即三伏天👇🏻，想知更多同天灸療法有關嘅資訊，可以向註冊中醫師查詢💬！

施灸日期 :
「初伏」：2024年7月15日至2024年7月21日
「中伏」：2024年7月25日至2024年7月31日
「末伏」：2024年8月14日至2024年8月20日

🔎了解更多： https://bit.ly/3RlWrog
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

#卓健醫療 #卓健未來 #健康常在 #天灸

07/06/2024

【卓健醫療中心 | 節日診症服務安排】

卓健醫療中心於端午節假期將會有特別安排，大家記得留意以下嘅開放時間喇！

以下為六月十日開放嘅診所地點及時間:

○沙田 - 新城市商業大廈
沙田白鶴汀街10-18號新城市商業大廈9樓905-907室
開放時間: 上午九時至下午一時

○九龍灣- 德福花園
九龍灣德福花園I座地下
開放時間: 上午九時至下午六時

○青衣- 青衣城
青衣青敬路 33 號青衣城 3 樓 308D 號舖
開放時間: 上午九時至下午五時

○荃灣- 荃景圍荃灣中心
新界荃灣荃景圍荃灣中心新商場地下18C號舖
開放時間: 上午九時至十一時

○屯門- 啟豐園商場
新界屯門湖翠路啟豐園商場地下52號舖
開放時間: 上午九時至下午一時

如有任何疑問，歡迎到診前請致電診所查詢。

搜尋診所地點及資訊:https://www.qhms.com/find-us
下載卓健手機App了解數碼醫療服務：https://bit.ly/3eqscfx

#卓健醫療 #卓見未來 #健康常在 #卓健醫療中心

06/06/2024

【「糉」要食得健康！】

端午節就到，大家準備咗端午糉應節未呢😋？傳統嘅鹹肉糉以高脂嘅五花腩、臘肉等高脂及高熱量嘅材料製成，食得多可能會導致肥胖🚨。另外，部分鹹肉糉加入金華火腿、鹹蛋黃等高鈉嘅加工食品，多吃可能會增加患上高血壓嘅風險！

想應節嘅同時兼顧健康，不妨參考以下幾個貼士👇🏻

1️⃣進食時配焯菜：配搭蔬菜如菜心、西蘭花，可以增加膳食纖維，同時提升飽腹感，避免進食過量端午糉
2️⃣減少脂肪攝取：進食時減少臘肉份量及去除脂肪層🥓，有助減輕對身體嘅負擔
3️⃣減少蘸調味料：減少豉油、砂糖等調味料嘅份量，避免鈉同糖嘅攝取量超標

📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署

#卓健醫療 #卓健未來 #健康常在

05/06/2024

【卓健關愛社區隊支援各區推動健康📢】

我哋支援沙田地區康健站及沙田區關愛隊，舉辦咗認識慢性疾病嘅講座👨🏻‍⚕️，現場亦有提供大腸癌篩查預約、政府資助醫療計劃及長者醫療券餘額查詢💬，幫助大家了解更多！另外，我哋都有支援葵青地區康健中心，舉行「骨質健康日」活動🦴，當中包括健康講座及攤位活動，希望可以提高大家對骨質疏鬆嘅認識。

#卓健醫療 #卓健未來 #健康常在

05/06/2024

【患上子宮頸癌嘅風險因素】

子宮頸癌係女性十大癌症之一，當中可能係由HPV病毒引起。子宮頸癌早期可能無任何症狀，需要透過子宮頸篩查去檢測子宮頸早期嘅不正常病變🔎。立即睇吓會導致子宮頸癌嘅風險因素👇🏻，提高警覺啦！

想預防子宮頸癌，可以考慮接種HPV疫苗，有助減少感染 HPV 及因持續感染 HPV 而發展成子宮頸癌嘅風險。今次卓健同恒生有合作，幫大家守護健康，計劃緊接種疫苗嘅你可以去了解一下！

了解更多：https://bit.ly/4cYnTBQ
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署

#卓健醫療 #卓健未來 #健康常在

31/05/2024

【世界無煙日🚭】

為鼓勵大衆建立健康無煙生活，世界衞生組織將每年嘅5月31日訂為世界無煙日，宣揚吸煙及二手煙嘅禍害，大家又知唔知到吸煙對健康嘅危害？

煙草煙霧含有焦油、尼古丁及⼀氧化碳等多種對人體有害嘅物質，吸入後會令全身器官受損，甚至有機會導致多種致命疾病及癌症，已經有至少12種癌症被確認由吸煙引起。另外，吸煙亦會引起陽痿、不育、皺紋、口臭等問題。

為咗自己同屋企人嘅健康，遠離煙草及二手煙，定期接受身體檢查🔎進行肺功能檢驗，預防肺部疾病！

了解更多：https://bit.ly/452lYsw
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署、香港吸煙與健康委員會

#卓健醫療 #卓健未來 #健康常在 #世界無煙日

28/05/2024

【生蛇風險你要知！】

成日聽人講話生蛇，到底點解會生蛇？如果你曾經感染水痘，水痘病毒就會潛伏喺人體神經系統内，當身體免疫力下降，隨年紀漸長或遇上生活壓力嘅時候，都有機會誘發帶狀疱疹嘅出現。

患者早期或會有疲倦、發燒等症狀，並出現痕癢嘅紅疹。紅疹會逐漸向其他部位擴散並形成水泡，再蔓延成帶狀，引起灼熱及刺痛，部分患者或有機會引發持續神經痛或腦炎等嚴重後遺症。

18歲或以上免疫力弱或受損的人士及50歲或以上人士都可以考慮接種帶狀疱疹疫苗💉，可有效減低生蛇風險及生蛇後遺神經痛，並降低其他併發症嘅風險。今次卓健同恒生有合作，幫大家守護健康，計劃緊打蛇針嘅恒生信用卡持卡人可以去了解一下！

了解更多：https://bit.ly/4ebwxxB
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署

#卓健醫療 #卓健未來 #健康常在

27/05/2024

【主動預防HPV 減低患癌風險】

HPV病毒（人類乳頭瘤病毒）主要經由性接觸傳播，感染HPV可引致細胞病變及演變成癌症，包括子宮頸癌、肛門癌等。由於大部分感染者早期都無明顯病徵，曾有性經驗嘅婦女👩🏻可以透過子宮頸癌篩查🔎，及早發現同治療。

另外，「 HPV 尿液樣本測試」有助檢測體内是否存有27種高風險及低風險HPV病毒🦠。測試無痛無創、私隱度高，只需用家自行採集尿液樣本並提交，比傳統HPV DNA檢測更容易操作✔️。如有HPV相關疑慮，可以向家庭醫生進行咨詢。

🔎了解更多： https://bit.ly/3UMSolK
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署

#卓健醫療 #卓健未來 #健康常在

24/05/2024

【睡眠質素影響日間精神狀況？】

嚴重嘅鼻鼾聲除咗會打擾另一半入睡之外，仲可能係睡眠窒息症嘅症狀之一
！患者會喺瞓覺嘅時候，呼吸顯著減少或短暫停止而導致出現窒息嘅現象，斷斷續續嘅睡眠會令患者朝早起身之後仍感到疲倦😴，日間嘅精神同專注力亦隨之下降。

透過控制體重、多做運動及採用側睡睡姿等，都有助改善睡眠窒息症！如果想監測住自己嘅睡眠情況，可以用卓健手機App配合指定睡眠指環，監測睡眠。如果有需要，可以向醫生進行諮詢💬，以評估患上睡眠窒息症嘅風險。

了解更多：https://www.qhms.com/promo/mobile-app
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：醫管局

#卓健醫療 #卓健未來 #健康常在 #睡眠質素 #監測睡眠 #睡眠窒息症

22/05/2024

【卓健關心員工健康💓】

卓健一直關注員工嘅健康。我哋早前喺辦公室舉辦咗一系列嘅醫健日活動，包括健康檢查🩺及互動遊戲等，令同事喺輕鬆愉快嘅氣氛中提高健康意識。

我們相信，關注員工嘅身心健康可以提升工作效率及員工歸屬感，從而提高團隊凝聚力，為公司嘅長遠發展帶嚟積極影響。我哋希望將呢種關懷員工身心健康嘅模式繼續推廣開去，為大家營造更健康、更愉快嘅生活方式！

#卓健醫療 #卓健未來 #健康常在

20/05/2024

【貧血會影響免疫系統？】

平日有無發現自己有貧血嘅跡象？例如經常頭暈、疲倦、氣促或心悸？貧血係常見嘅血液疾病🩸，據世界衞生組織估算，全球至少有超過30%人士患有貧血！貧血指身體缺乏足夠健康嘅紅血球或血紅蛋白，繼而影響血液輸送氧氣到全身組織嘅能力，有機會影響身體機能及免疫系統，所以大家都要關注貧血問題呀🔍！

中度至重度貧血患者可能會有以下風險👇🏻：
1️⃣免疫力下降：容易增加疾病及感染風險
2️⃣影響心臟：出現心悸，嚴重可導致心臟衰竭
3️⃣影響小朋友成長：貧血會影響兒童成長及認知發展
4️⃣懷孕相關問題：容易令新生嬰兒早產及出生時體重過輕

想了解自己有無潛在風險，「血全像」檢測可以幫助了解貧血情況。今次卓健同恒生有合作，計劃緊做身體檢查嘅恒生信用卡持卡人可以去了解一下✅！

了解更多健康檢查：https://bit.ly/4cYnTBQ
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署

#卓健醫療 #卓健未來 #健康常在 #貧血 #體檢 #身體檢查

17/05/2024

【🔎預防大腸癌可以點做?】

平時嘅你，係唔係每一餐都無肉不歡🥩、成日食加工肉類，好少食蔬菜、水果等高纖維食物🍎？如果你有以上習慣，就有機會增加患上大腸癌嘅風險啦！

大腸癌係香港第二位最常見嘅癌症，除咗不良嘅飲食習慣外，肥胖及超重都係導致大腸癌嘅風險因素之一，同體重正常嘅人相比，肥胖人士患上大腸癌嘅風險更高。想減低患上大腸癌嘅風險，就要開始實行健康飲食以及多做體能活動維持健康體重啦！

另外，定期接受大腸癌篩查🏥有助及早發現同治療。50至75歲未有大腸癌徵狀嘅合資格香港居民每兩年就可以喺私營機構參與政府資助大腸癌篩查計劃，想知道更多可以向醫生查詢。

了解更多：https://www.qhms.com/services/public-private-partnership/colorectal-cancer-screening-program
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署

#卓健醫療 #卓健未來 #健康常在 #大腸癌 #大腸癌篩查計劃

13/05/2024

【身體響起中風警號📢？】

中風係香港第四大常見死因，當中有七成中風嘅發生同血壓高有關，問題值得關注！唔少人飲食習慣唔健康，不時都會高鹽高糖，加上少做運動同作息唔定時，容易令血壓上升，立即睇下自己有無圖中嘅中風警號⚠️

正所謂預防勝於治療，除咗保持良好健康生活習慣外，定期檢查血壓、膽固醇同血糖亦有助評估中風風險💪。想知道更多可以向醫生查詢💬！

🔎了解更多：https://bit.ly/3WBlyXG
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署、醫院管理局

#卓健醫療 #卓健未來 #健康常在 #中風 #高血壓

10/05/2024

【國際護士節】

疫苗可預防疾病科學委員會建議6 個月至 18 歲以下嘅兒童、青少年接種季節性流感疫苗，以減低因流感併發症嘅入院率同死亡個案。但好多時細路仔都會好驚打針，呢啲情況下點安撫佢哋好？我哋邀請到診所工作嘅Hera同大家分享佢工作嘅點滴。

趁著今個月嘅國際護士節，我哋亦想藉此向一班不辭勞苦，守護大家健康嘅護士，表示感謝同敬意，多謝佢哋當我哋係屋企人一樣嘅細心照顧💖！

#卓健醫療 #卓健未來 #健康常在

06/05/2024

【全力支持地區康健中心健康日】

卓健關心社區健康，一直以嚟都有透過社區互動，提高大眾對不同健康議題嘅認識。

早前我哋分別支援咗葵青及黃大仙地區康健中心為響應「世界肥胖日」及「世界健康日」嘅健康主題活動。當中有我哋嘅營養師講座，亦有遊戲及健康資訊嘅攤位，分享維持健康飲食習慣嘅重要，及以互動形式提高大家對生蛇及大腸癌嘅認識。

#卓健醫療 #卓健未來 #健康常在

03/05/2024

【預防膽固醇過高🩺】

血液中膽固醇的總和稱為「總膽固醇」，當中主要分為「低密度脂蛋白膽固醇」(「壞膽固醇」)和「高密度脂蛋白膽固醇」(「好膽固醇」)。經常進食高反式脂肪同高飽和脂肪食物，會令血液嘅「壞膽固醇」水平上升，造成血管硬化及堵塞，並增加血管硬化、心臟病及中風的風險😣。

想預防膽固醇過高，以減低患上冠心病和中風嘅機會，就要養成良好嘅飲食習慣，包括：
1️⃣減少攝取飽和脂肪 (例如：肥肉、豬油等)
2️⃣減少攝取反式脂肪 (例如：酥皮糕點、炸薯條等)
3️⃣適量攝取不飽和脂肪 (例如：橄欖油、合桃等)
4️⃣限制進食含高膽固醇食物 (例如：豬肝、鴨蛋等)

定時進行身體檢查，透過驗血可以知道自己血液中膽固醇含量有冇超標。如有需要，醫生會建議及早進行預防治療，降低膽固醇及膽固醇超標引發的其他疾病。

了解更多健康檢查：https://bit.ly/44qDuGd
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx
*65歲或以上長者如果想使用醫療券，歡迎向我哋職員查詢。

資料來源：衛生署

#卓健醫療 #卓健未來 #健康常在

30/04/2024

【長者常見疾病】及早預防糖尿病🩺

糖尿病係一種因缺乏胰島素、或身體對胰島素嘅反應減低，或同時因為呢兩種情況而引致血糖水平上升嘅慢性疾病，另外亦會增加患上腦血管病、心臟病、腎病等機會 😣。如果你有👇🏻下圖中嘅高危因素就要提高警覺，及早預防糖尿病啦！

預防糖尿病嘅方法包括培養良好嘅生活習慣💪🏻，每星期做適量運動🏃🏻‍♀️、注意飲食健康、避免進食高糖份嘅汽水、甜品等。 👨🏻👩🏻 45歲或以上、未有已知糖尿病或高血壓病歷嘅合資格香港市民，可以透過政府「慢性疾病共同治理先導計劃」，獲得資助進行糖尿病及高血壓篩查並有醫生診症等服務，預防慢性疾病及減少相關併發症，保持健康體格。如果有更多關於糖尿病嘅疑問，你可以向家庭醫生諮詢。

👉🏻了解更多：https://bit.ly/3Rmf0rz
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署，房協長者通

#卓健醫療 #卓健未來 #健康常在

26/04/2024

【🗓️一鍵加入行事曆】隨時掌握預約時間📲

卓健嘅數碼醫療服務點止排隊攞籌同預約睇醫生咁簡單呀😆！宜家推出咗新功能🆕，只要簡單一個步驟，就可以將已經預約嘅行程加入行事曆👆🏻，助你隨時掌握預約時間同安排行程，仲可以自行添加提醒功能⏰，咁就唔怕唔記得約咗睇醫生啦！
立即下載卓健手機App，體驗數碼化醫療服務！

📲下載卓健手機App了解數碼醫療服務：https://www.qhms.com/promo/mobile-app
📲全新WhatsApp預約及查詢專線：https://bit.ly/3LnbBFN

#卓健醫療 #卓健未來 #健康常在

25/04/2024

【大腸癌篩查計劃有咩要跟進🔎？】

參加大腸癌篩查嘅你，萬一測試呈陽性，醫生會轉介你接受大腸鏡檢查，檢查大腸腔內嘅情況，以找出致病原因。除左醫院之外，一啲日間手術中心都可以進行大腸鏡檢查。

就算測試結果呈陰性，都要繼續留意有無出現大腸癌嘅症狀，以及保持每兩年進行一次大便隱血測試。如果對大腸癌篩查有疑問，可以諮詢家庭醫生。

資料來源：衛生署

#卓健醫療 #卓見未來 #健康常在

22/04/2024

【認識CT、MRI、PET診斷顯影技術🩺】

喺檢查身體嘅時候，醫生有機會需要根據病人情況安排唔同嘅造影檢查🏥，利用顯影技術從多角度拍攝身體內部嘅組織同結構🧠，檢查體內各個器官，從而分析病人嘅身體狀況！唔同嘅顯影技術原理係點🔍？可唔可以檢測出潛在癌症？立即click 入下圖睇下啦👇🏻！

了解更多：https://bit.ly/3w4DLSM
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

#卓健醫療 #卓見未來 #健康常在 #診斷顯影技術

19/04/2024

【降低心血管疾病風險🩸】

心血管疾病喺香港係導致死亡及疾病嘅主要原因，當中涉及多個嚴重疾病，包括冠心病、腦血管病/中風、風濕性心臟病等等，係全球嘅頭號殺手🌍！
如你有多重風險因素，包括吸煙、患高血壓、高膽固醇或糖尿病者，於未來 10 年內患上心血管疾病嘅風險會較高。

了解各風險因素及實踐健康生活模式有助降低患上心血管疾病嘅風險，例如均衡飲食🥬、多做體能活動、減少久坐時間、不要吸煙及避免飲酒，仲有定期檢測「三高」指數🔎，監測患上心血管疾病嘅風險！今次卓健同恒生有合作，幫大家守護健康，計劃緊做身體檢查嘅恒生信用卡持卡人可以去了解一下！

了解更多健康檢查：https://bit.ly/4cYnTBQ
📲全新WhatsApp預約及查詢專線：https://bit.ly/3LnbBFN
📲下載卓健手機App了解數碼醫療服務：https://bit.ly/3eqscfx

資料來源：衛生署

#卓健醫療 #卓健未來 #健康常在

18/04/2024

【大腸癌篩查計劃點參加🔎？】

大腸癌係香港第二位最常見嘅癌症，而且前期徵狀唔明顯！如果及早發現並接受治療，有機會提高治癒率及生存機會。政府「大腸癌篩查計劃」資助50至75歲及無相關症狀嘅香港居民接受篩查服務，預防大腸癌。去片睇吓點參加啦！

如果對大腸癌篩查有疑問，可以諮詢家庭醫生。

資料來源：衛生署

#卓健醫療 #卓見未來 #健康常在

Address

8/F, Wai Fung Plaza, 664 Nathan Road, Mongkok, Kowloon
Hong Kong

Telephone

+85223903398

Website

facebook.com

Alerts

Be the first to know and let us send you an email when 卓健醫療 Quality HealthCare posts news and promotions. Your email address will not be used for any other purpose, and you can unsubscribe at any time.